पुणे-कालपासून माध्यमातून भाजपच्या काही विधान सभा निवडणूक लढविण्यासाठी इच्छुकांची महा मंडळांवर नियुक्त्या केल्याचे वृत्त अनधिकृत रित्या पसरविले जात असताना आता अशा बातम्यांचा खूपच मारा वाढल्याने पर्वती विधानसभेचे इच्छुक उमेदवार श्रीनाथ भिमाले यांच्यावर पत्रकार परिषद घेऊन माध्यमांच्या पुढे स्पष्टीकरण देण्याची वेळ आली आहे.
ते म्हणाले,’ मी विधिमंडळाची मागणी केलीय, महामंडळाची नाही, आणि माझा माझा नेत्यांवर विश्वास आहे ते मलाच पर्वती मतदार संघाची उमेदवारी देतील आणि मीच इथला आमदार होईल . ज्या बातम्या माध्यमातून ज्या पत्राचा हवाला देऊन दिल्या जात आहेत ते पत्र खात्रीलायक आहे काय ? हे तपासून घ्यायला हवे होते . मला असे पत्र कोणी पाठविले नाही ना कोणी फोन करून मला तसे सांगितले.त्या पत्रावर आवक जावक नंबर नाही, तारीख नाही शिक्का नाही ते अधिकृत मानून पसरविले जाणारे वृत्त निराधार आहे.कोणत्या हेतूने ते पत्र कोणी का व्हायरल केले मला ठाऊक नाही . पण मलाच पक्षनेते पर्वतीची उमेदवारी देतील .
तुम्हाला उमेदवारी दिली नाही तर काय करणार ? हा प्रश्नही त्यांनी खोडून काढला , माझा माझ्या नेत्यांवर विश्वास आहे मलाच उमेदवारी मिळेल याची खात्री आहे .उमेदवारी जाहीर होताच तुम्हीच माझे अभिनंदन करायला याल असेही ते म्हणाले.