‘मुख्यमंत्री माझी शाळा,सुंदर शाळा टप्पा-२ मध्ये पुणे महापालिकेच्या शाळेला प्रथम क्रमांक पारितोषिक

पुणे-शालेय शिक्षण विभाग महाराष्ट्र शासनामार्फत सन २०२४-२५ मध्ये राबविण्यात आलेल्या ‘मुख्यमंत्री माझी शाळा,सुंदर शाळा टप्पा-२’ उपक्रमाचा गौरव पुरस्कार प्रदान समारंभ आज सोमवार दिनांक १४ रोजी नरिमन पॉइंट येथील जमशेद भाभा थिएटर येथे राज्याचे मुख्यमंत्री एकनाथ शिंदे साहेब, शालेय शिक्षण मंत्री दीपक केसरकर,प्रधान सचिव शालेय शिक्षण विभाग आय.ए.कुंदन,शिक्षण आयुक्त सूरज मांढरे यांच्या उपस्थितीत संपन्न झाला.
या उपक्रमात पुणे महापालिकेच्या भारतरत्न पंतप्रधान स्व.अटलबिहारी वाजपेयी विद्यानिकेतन क्र.१६ या शाळेने महानगरपालिका वर्ग अ व वर्ग ब विभागातून विभागपातळीवर प्रथम क्रमांक प्राप्त केला असून सदर शाळेला सन्मान चिन्ह, प्रशस्तिपत्र तसेच २१ लाख रुपयेचा धनादेश देऊन गौरविण्यात आले.तसेच छ.शिवाजी महाराज विद्यानिकेतन क्र.१ या शाळेने विभागपातळीवर तृतीय क्रमांक मिळविला असून शाळेला सन्मान चिन्ह, प्रशस्तिपत्र तसेच ११ लाख रुपयेचा धनादेश देऊन सन्मानित करण्यात आले.
यावेळी शिक्षण विभाग(प्राथ.)पुणे महानगरपालिकेच्या उपायुक्त आशा राऊत ,प्रशासकीय अधिकारी सुनंदा वाखारे, उपप्रशासकीय अधिकारी शुभांगी चव्हाण, प्रकल्प अधिकारी समग्र शिक्षा मनोरमा आवारे, सहायक प्रशासकीय अधिकारी विजय आवारी,पर्यवेक्षिका माधुरी वालकोळी, विनि १६ च्या मुख्याध्यापक सुरेखा कुंभार, वि नि १ च्या मुख्याध्यापक मा.विना नाईक,दोन्ही शाळांतील शिक्षक,सेवक वर्ग उपस्थित होता.