पुणे-
कॉमनवेल्थ तायक्वांदो युनियन (CTU) निवडणुकीत भारत तायक्वांदोचे अध्यक्ष श्री. नामदेव शिरगावकर यांची आशिया खंडासाठी उपाध्यक्षपदी निवड झाल्यामुळे आज भारत तायक्वांदोने महत्त्वपूर्ण यश संपादन केले. चुनचेऑन वर्ल्ड तायक्वांदो ज्युनियर चॅम्पियनशिप 2024 दरम्यान झालेल्या या निवडणुकीत श्री. शिरगावकर यांनी एकतर्फी एका बाजूने लढतीत पाकिस्तानच्या संघटकांचा पराभव करत निर्णायक विजय मिळवला.
जागतिक तायक्वांदो मंचावर भारतीय प्रतिनिधित्वाचा नवा आदर्श घालून CTU च्या उपाध्यक्षपदी निवडून येण्याची ही महत्त्वपूर्ण विजयाची पहिलीच वेळ आहे.
नवनिर्वाचित पदाधिकारी पुढीलप्रमाणे :
- अध्यक्ष: केई हा (कॅनडा)
- उपाध्यक्ष आशिया: नामदेव शिरगावकर (भारत)
- उपाध्यक्ष आफ्रिका खंड: सुलेमान सुंबा (केनिया)
- कॅरिबियनचे उपाध्यक्ष: हेंडरसन टर्टन
- युरोपचे उपाध्यक्ष: अण्णा वासालो
- ऑस्ट्रेलियाचे उपाध्यक्ष: जीन कफौरी
- परिषद सदस्य: अहमद वसीम (पाकिस्तान), फ्रेडरिक (घाना)
निवडीनंतर बोलताना श्री. शिरगावकर म्हणाले, “कॉमनवेल्थ तायक्वांदो युनियनमध्ये आशियाचे प्रतिनिधीत्व करण्यासाठी निवडून आल्याबद्दल मला खूप अभिमान वाटतो. ही केवळ वैयक्तिक कामगिरी नसून भारतीय तायक्वांदोचा सामूहिक विजय आहे. कॉमनवेल्थ संघटनेमध्ये तायक्वांदो खेळाची वाढ करण्यासाठी CTU सोबत आम्ही सर्वस्व पणाला लावून काम करण्यास तयार आहोत. “
आपल्या देशात कॉमनवेल्थ संस्कृतीचा प्रभाव लक्षणीय आहे.त्याच्या निवडीमुळे भारतातील तायक्वांदोसाठी एका नवीन युगाची सुरुवात होण्याची अपेक्षा आहे, CTU मधील त्यांच्या नेतृत्व आणि प्रतिनिधित्वासह, भारत तायक्वांदोचे उद्दिष्ट या खेळाचा प्रसार वाढवणे आणि देशभरातील खेळाडूंसाठी अधिक संधी निर्माण करणे हे राहणार आहे.
या ऐतिहासिक कामगिरीकडे भारतातील तायक्वांदोसाठी ‘गेम चेंजर’ म्हणून पाहिले जात असून त्यामुळे या क्रीडा प्रकाराच्यख उज्ज्वल भविष्याचे संकेत देत आहे.
