अभियंतादिनी प्रा. डॉ. गणेश काकांडीकर राष्ट्रीय पुरस्काराने सन्मानित

पुणे-दि इन्स्टिट्यूशन ऑफ इंजिनिअर्स (इंडिया) नवी मुंबई आणि अग्नेल चॅरिटीज फादर सी. रॉड्रिग्स इन्स्टिटयूट ऑफ टेकनॉलॉजि, नवी मुंबई यांच्या संयुक्त विद्यमाने अभियंता दिनी दिल्या जाणाऱ्या राष्ट्रीय एक्सलन्स अवॉर्ड्स २०२४ ने, एमआयटी विश्वशांती विद्यापीठातील यंत्र अभियांत्रिकीचे प्राध्यापक आणि स्कूल ऑफ इंजिनीअरिंग अँड टेक्नोलाॅजीचे सहयोगी अधिष्ठाता प्रा. गणेश काकांडीकर यांना सन्मानित करण्यात आले. कॉम्पुटर एडेड डिझाईन / कॉम्पुटर एडेड मॅन्युफॅक्चरिंग या क्षेत्रात केलेल्या संशोधनासाठी त्यांना शिक्षण क्षेत्र प्रवर्गातून रिसर्च एक्सलन्स अवॉर्ड २०२४ प्रदान करण्यात आला. सिडको-मुंबई, अटल टनेल, मुंबई -पुणे एक्सप्रेस वे, नवी मुंबई विमानतळ, बांद्रा- वरळी सी लिंक, गिफ्ट सिटी – अहमदाबाद यांच्या निर्माणात महत्वपूर्ण भूमिका निभावणारे सुप्रसिद्ध अभियंता श्री. रमाकांत झा, दि इन्स्टिट्यूशन ऑफ इंजिनिअर्स (इंडिया) नवी मुंबई अध्यक्ष प्रा. डॉ. निलज देशमुख, सचिव प्रभाकर फुलारी, फादर सी. रॉड्रीग्स इन्स्टिट्यूट ऑफ टेक्नॉलॉजीचे प्राचार्य डॉ. एस. एम. खोत, पुरस्काराच्या संयोजिका प्रा.डॉ. मेघा कोल्हेकर यांनी विजेत्यांचा सन्मान केला. यावेळी आपले मनोगत व्यक्त करताना प्रा. काकांडीकर यांनी एमआयटी विश्वशांती विद्यापीठाचे कार्यकारी अध्यक्ष प्रा. राहुल कराड आणि कुलगुरू प्रा. डॉ. रवी चिटणीस यांच्या प्रती कृतज्ञता व्यक्त केली.