इस्लामाबाद-पाकिस्तानचे माजी पंतप्रधान इम्रान खान आणि त्यांची पत्नी बुशरा बीबी या दोघांनाही इद्दत प्रकरणात (बनावट विवाह) सोडण्यात आले आहे. इस्लामाबाद न्यायालयाने शनिवारी हा निर्णय दिला. याआधी तोषखाना आणि सायफर प्रकरणात त्यांची निर्दोष मुक्तता झाली होती.इस्लामाबाद जिल्हा न्यायालयाने शनिवारी आदेश दिला की, इम्रान खान आणि बुशरा बीबी यांना इतर कोणत्याही खटल्यात वॉन्टेड नसतील, तर त्यांची तात्काळ तुरुंगातून सुटका करावी. फेब्रुवारीमध्ये बनावट विवाह प्रकरणात इम्रान खान आणि त्यांच्या पत्नीला 7 वर्षांची शिक्षा आणि दोघांना 5 लाख रुपयांचा दंड ठोठावण्यात आला होता.
खान यांना गेल्या वर्षी 9 मे रोजी अल कादिर ट्रस्ट प्रकरणात इस्लामाबाद उच्च न्यायालयातून अटक करण्यात आली होती. त्यांना पाकिस्तानी रेंजर्सनी अटक केली होती.आता इम्रान खान यांच्या पक्ष पीटीआयच्या अध्यक्ष गौहर खान यांनी इस्लामाबाद न्यायालयाच्या निर्णयाला देशाचा विजय म्हटले आहे. त्यांनी सांगितले की, आज मी त्यांची अडियाला तुरुंगात भेट घेतली. खान या निर्णयाने खूप खूश आहेत.
बुशरा बीबी यांचा माजी पती खवर फरीद मनेका याने बुशरा आणि इम्रान यांच्यावर इद्दतच्या काळात लग्नाचा करार केल्याप्रकरणी गुन्हा दाखल केला होता. या प्रकरणी त्यांना 3 फेब्रुवारी रोजी दोषी ठरवण्यात आले होते. यानंतर माजी पंतप्रधान इम्रान खान आणि त्यांची पत्नी बुशरा बीबी यांना 7 वर्षांचा तुरुंगवास आणि 5 लाख पाकिस्तानी रुपयांचा दंड ठोठावण्यात आला.यापूर्वी, 3 जून रोजी इस्लामाबाद उच्च न्यायालयाने इम्रान खान यांना सायफर प्रकरणात (गुप्त पत्र चोरी) पुराव्याअभावी निर्दोष मुक्त केले होते. इस्लामाबादच्या विशेष न्यायालयाने त्यांना 10 वर्षांची शिक्षा सुनावली आहे. इम्रान खान यांना 29 ऑगस्ट 2023 रोजी सायफर गेट घोटाळ्यात ताब्यात घेण्यात आले होते.गुप्त पत्र चोरी प्रकरणात पाकिस्तानचे माजी पंतप्रधान इम्रान खान आणि त्यांच्या पक्षाचे उपाध्यक्ष शाह महमूद कुरेशी दोषी आढळले आहेत. फेडरल इन्व्हेस्टिगेशन एजन्सीने (एफआयए) दोघांनाही सायफर प्रकरणात आरोपी केले होते.
