पुणे- महाराष्ट्र शासनाच्या सेवेतुन कारागृह व पोलीस विभागातील सेवानिवृत्त होणाऱ्या तीन वरीष्ठ अधिका-यांचा भव्य सेवापुर्तीचा सत्कार समारंभ आज कै.दौलतराव जाधव तुरुंग अधिकारी प्रशिक्षण महाविद्यालय, येरवडा, पुणे येथे संपन्न झाला . या समारंभामध्ये सेवानिवृत्त होणारे कारागृह विभागातील वरीष्ठ दर्जाचे अधिकारी कारागृह उपमहानिरीक्षक उमाजी पवार, व अधीक्षक, रत्नागिरी विशेष कारागृहअंकुश सदाफुले, तसेच पोलीस विभागाचे उपअधीक्षक, दक्षता पथक, कारागृह मुख्यालय, अरुण सावंत या अधिका-यांचा समावेश होता.
सेवानिवृत्तीच्या समारंभामध्ये कारागृहमहानिरीक्षक अमिताभ गुप्ता यांच्या हस्ते तीनही अधिका-यांचा शाल, श्रीफळ देऊन गौरव करण्यात आला . या प्रसंगी अमिताभ गुप्ता यांनी मनोगत व्यक्त करताना शासकीय सेवेतुन सेवानिवृत्त होणा-या या तीन अधिका-यांनी चांगल्या प्रकारे सेवा केली व त्याच बरोबर पोलीस व कारागृह सेवेसारख्या ताणतणावाचे सेवेमध्ये देखील आरोग्य चांगल्या प्रकारे राखुन काम केले याचे कौतुक केले तसेच यापुढे देखील त्यांचे आरोग्य चांगल्या राहो व त्यांचे वैयक्तीक ईच्छा पुर्ण होवो अशा शुभेच्छा दिल्या.
त्याचबरोबर, समारंभास उपस्थित असणारे कारागृह विभागातील वरीष्ठ अधिकारी कारागृह उपमहानिरीक्षक स्वाती साठे,.योगेश देसाई, यांनी देखील .पवार ,सदाफुले,व सांवत यांचे बरोबर एकत्रित केलेल्या कर्तव्याच्या गतकाळातील चांगल्या प्रंसगाच्या आठवणी सांगुन उपस्थितांना भाऊक केले व इतरांनी देखील त्यांचे सेवेतुन प्रेरणा घ्यावी असे उपस्थितांना आवाहन केले. या समारंभास प्राचार्य नितीन वायचळ,तुरुंग अधिकारी दौलतराव जाधव, यांचे सह महाराष्ट्र कारागृह विभागातील इतर कारागृह अधिकारी व कर्मचारी देखील मोठ्या संख्येने उपस्थित होते. तसेच कार्यक्रमांचे सुत्र संचालन वरीष्ठ तुरुंगाधिकारी नागेश पाटीलयांनी केले.
