घरफोड्या करणारी ५ अल्पवयीन मुले पोलिसांनी पकडली

पुणे- रात्रीच्या वेळेस घरफोडी करणा-या ५ अल्पवयीन मुलांना ताब्यात घेवून त्यांचे कडून १ घरफोडी चा गुन्हा व २ दुचाकी जप्त करण्यात आल्या आहेत . या संदर्भात पोलिसांनी सांगितले कि,’
मांजरी येथील किराणा मालाचे दुकान दिनांक २५/०२/२०२४ रोजी बंद असताना, दुकानाचे शटर उचकटुन दुकानात प्रवेश करुन दुकानातील ड्रॉव्हर उचकटुन त्यामधील पैशाची चोरी केली. त्याबाबत हडपसर पोलीस ठाणे गु.र. नं ३५०/२०२४ भा. द. वि. कलम ४५७,३८० प्रमाणे गुन्हा नोंद करण्यात आला होता.या चोरीच्या तपास पथक अधिकारी सपोनि अर्जुन कुदळे, पोउपनिरी. महेश कवळे, पोलीस अंमलदार असे मिळुन आरोपींचा शोध घेत असताना, मिळालेल्या बातमीचे आधारे ५ मुलांना ताब्यात घेण्यात आले. मुलांकडे दाखल गुन्ह्याचे अनुषंगाने चौकशी करता त्यांनी गुन्ह्याची कबुली दिली. तसेच त्यांचे ताब्यात मिळून आलेल्या दोन दुचाकी वाहनांबाबत तपास करता, दोन्ही वाहने ही नमुद मुलांनी एकत्रीत रित्या दि.२५/०२/२०२४ रोजी रामटेकडी पुणे येथून चोरी केली असल्याचे व त्यावरुन रात्री मांजरी येथील किराणा दुकानाचे शटरचे लॉक तोडून, घरफोडी केली असल्याचे सांगीतले. वाहन चोरी केल्याबाबत वानवडी पोलीस स्टेशन पुणे शहर येथे गु.र.नं १७४/२०२४ भा.दं. वि. कलम ३७९ प्रमाणे गुन्हा दाखल करण्यात आलेला आहे. या मुलांकडून एकूण १,२०,५००/- चा मुद्देमाल हस्तगत करण्यात आलेला आहे.
सदरची कामगिरी ही अप्पर पोलीस आयुक्त, पुर्व प्रादेशिक विभाग मनोज पाटील वपोलीस उप आयुक्त, परिमंडळ ५ आर राजा यांचे सहा. पोलीस आयुक्त, हडपसर विभाग अश्विनी राख हडपसर पोलीस स्टेशनचे, पुणे शहर वरिष्ठ पोलीस निरीक्षक संतोष पांढरे पोलिस निरी. (गुन्हे), पंडीत रेजितवाड पुणे मागदर्शनाखाली तपास पथकाचे सहा. पोलीस निरीक्षक अर्जुन कुदळे, पोलीस उप निरीक्षक महेश कवळे, पोलीस अंमलदार, सुशील लोणकर, संदीप राठोड, सचिन जाधव, प्रशांत दुधाळ, निखील पवार, प्रशांत टोणपे, भगवान हंबर्डे, अतुल पंधरकर, सचिन गोरखे, अमोल दणके, अजित मदने, चंद्रकांत रेजीतवाड, अमित साखरे, कुंडलीक केसकर, अनिरूध्द सोनवणे, रामदास जाधव, यांनी केलेली आहे.