कामगार कर्मचारी संघाची नवी मुंबई विमानतळ व्यवस्थापन समितीची कार्यकारिणी जाहीर

प्रा. डॉ. मेधा कुलकर्णी यांच्याकडून शून्य प्रहरात मुद्दा उपस्थित;...

महाराष्ट्र विधानपरिषद अर्थसंकल्पीय अधिवेशन २०२६: संसदीय लोकशाहीचे संवर्धन आणि...

पुणे- नाशिक येथील 'एक्सप्रेस इन' हॉटेलमध्ये मी खरात नावाच्या...

अधिक सक्षम सेवेमुळे देश-विदेशातील रुग्णांना मिळणार वेगवान उपचार ~ अनेक एअर ॲम्ब्युलन्स ऑपरेटरसोबत सामंजस्य करार: रुग्णांची ने-आण अधिक सुलभ करण्यासाठी, उत्तम समन्वय राखण्यासाठी आणि हस्तांतरणाचा खर्च कमी करण्यासाठी विविध एअर ॲम्ब्युलन्स सेवा पुरवठादारांशी करार करण्यात आले आहेत. ~ १०६६ EMS - एकच संपर्क केंद्र: सहयोगी कंपन्यांच्या मदतीने पुरवल्या जाणाऱ्या सर्व एअर ॲम्ब्युलन्स सेवांसाठी '१०६६ EMS' हे एकमेव समन्वयाचे केंद्र (Single Access Point) म्हणून काम करेल पुणे-: अपोलो हॉस्पिटल्सने 'रुग्ण वाहतूक सुविधेबाबत' एक विशेष उपक्रम सुरु करत असल्याची घोषणा आज केली आहे. भारत आणि आंतरराष्ट्रीय स्तरावर विविध भागीदारांसोबत समन्वय साधून हवाई वैद्यकीय वाहतुकीद्वारे गंभीर स्थितीतील रुग्णांना प्रगत आरोग्य सेवा तातडीने उपलब्ध करून दिल्या जाव्यात, हा या उपक्रमाचा मुख्य उद्देश आहे. गेल्या काही महिन्यांत, अपोलो हॉस्पिटल्सने अनेक राष्ट्रीय आणि आंतरराष्ट्रीय एअर ॲम्ब्युलन्स कंपन्यांसोबत करार केले आहेत. यामुळे तातडीच्या उपचारांची गरज असलेल्या रुग्णांना एका ठिकाणाहून दुसऱ्या ठिकाणी नेणे आता अधिक सोपे आणि सुरक्षित होईल. ही सर्व सेवा अपोलोच्या '१०६६ इमर्जन्सी रिस्पॉन्स नेटवर्क' द्वारे चालवली जाईल. या अंतर्गत सर्व सेवा पुरवठादारांना एकत्र आणून रुग्णांची वाहतूक वेगाने आणि सुव्यवस्थित पद्धतीने करणे शक्य होईल. अपोलो हॉस्पिटल्सच्या या नवीन भागीदारीमुळे आपत्कालीन वैद्यकीय प्रवासात येणाऱ्या अडचणी दूर होणार आहेत. दुर्गम किंवा लांबच्या ठिकाणाहून रुग्णांना आणताना होणारा विलंब, जास्त खर्च आणि मध्यस्थांची गरज आता कमी होईल. या नव्या उपक्रमामुळे रुग्णांची हवाई वाहतूक सेवा रुग्ण आणि त्यांच्या कुटुंबासाठी अधिक सुलभ आणि विश्वासार्ह होणार आहे. एअर ॲम्ब्युलन्स सेवा आता अधिक प्रगत आणि अधिक विस्तृत केल्याबाबत, अपोलो हॉस्पिटल्सच्या उपाध्यक्ष डॉ. प्रीता रेड्डी म्हणाल्या: "गंभीर परिस्थितीतील रुग्णाला, योग्य वेळी योग्य रुग्णालयात पोहोचवणे हे जीव वाचवण्यासाठी अत्यंत मोलाचे ठरते. नामवंत एअर ॲम्ब्युलन्स पुरवठादारांशी केलेल्या हातमिळवणीमुळे, आता रुग्ण आणि त्यांच्या कुटुंबांना प्रगत उपचार मिळवणे अधिक सोपे झाले आहे. ही सेवा केवळ शहरांपुरती मर्यादित नसून आंतरराष्ट्रीय स्तरावरही अधिक पारदर्शक आणि सुव्यवस्थित पद्धतीने उपलब्ध असेल. आमच्या '१०६६' रिस्पॉन्स नेटवर्कच्या मदतीने रुग्णांना उपचारांचे उत्तम नियोजन आणि रुग्णालयाची पूर्वतयारी अशा दोन्ही सुविधा मिळतील. यामुळे रुग्णांना हव्या त्या वेळी आवश्यक उपचार मिळण्यासाठी एक सुरक्षित आणि खात्रीशीर मार्ग तयार झाला आहे." पहिल्या टप्प्यात, अपोलो हॉस्पिटल्सने देश-विदेशातील रुग्णांच्या वाहतुकीसाठी अनेक एअर ॲम्ब्युलन्स सेवा पुरवठादारांशी करार केले आहेत. यामध्ये ब्ल्युडॉट चार्टर्स अँड एअर ॲम्ब्युलन्स सर्व्हिसेस (युएई), एरोमेड इंटरनॅशनल रेस्क्यू सर्व्हिसेस प्रा. लि., झंकार एव्हिएशन प्रा. लि., iCATT हेल्थ सोल्युशन्स प्रा. लि., एअर रेस्क्युअर्स वर्ल्ड वाइड प्रा. लि., वेदांत एअर रेस्क्यू प्रा. लि., एरोकेअर एअर ॲम्ब्युलन्स सर्व्हिस, आयुसेवा एअर अँड ट्रेन ॲम्ब्युलन्स, एअर मेडिकल 24X7 प्रा. लि. आणि फ्लॅप्स एव्हिएशन प्रायव्हेट लिमिटेड यांचा समावेश आहे. गंभीर स्थितीतील रुग्णाला तातडीने प्रगत उपचार केंद्रांमध्ये हलवणे आवश्यक असते, अशा वेळी सहयोगी कंपन्यांसोबत समन्वय साधून हवाई रुग्णवाहिका सेवा सहज उपलब्ध करून देणे, हा या भागीदारीचा मुख्य उद्देश आहे. अपोलो हॉस्पिटल्सच्या इमर्जन्सी विभागाचे क्लिनिकल डायरेक्टर डॉ. धवपलानी अलागप्पन म्हणाले: "एअर ॲम्ब्युलन्समध्ये लाइफ-सपोर्ट सिस्टम, व्हेंटिलेटर, डिफिब्रिलेटर आणि इतर प्रगत वैद्यकीय उपकरणे उपलब्ध असतात. यामुळे अतिशय गंभीर रुग्णांना प्रवासादरम्यानही 'आयसीयू' सारख्याच सखोल देखभालीचा आधार मिळतो. संपूर्ण प्रवासात, प्रशिक्षित वैद्यकीय पथक आणि प्रमाणित डॉक्टरांद्वारे रुग्णांचे सतत निरीक्षण केले जाते. हे डॉक्टर रुग्णांना औषधे देऊ शकतात आणि त्यांना स्थिर ठेवण्यासाठी, आराम मिळवून देण्यासाठी आवश्यक ते उपचारही करू शकतात. क्रिटिकल केअर युनिटमध्ये मिळणारे वैद्यकीय उपचार प्रवासादरम्यानही कायम मिळत राहणे अत्यंत आवश्यक असते आणि ते मिळवून देण्यासाठी आम्ही सक्षम आहोत." अपोलो हॉस्पिटल्सच्या हेल्थकेअर लॉजिस्टिक्सचे मुख्य कार्यकारी अधिकारी डॉ. रामकृष्ण विजय वर्मा म्हणाले: "अपोलोच्या '१०६६' या आपत्कालीन हेल्पलाइनवर विनंती आली की, तातडीने आमचे इमर्जन्सी रिस्पॉन्स पथक रुग्णाच्या प्रकृतीचा आढावा घेते. त्यानंतर प्रवासासाठी सर्वात योग्य मार्ग निश्चित केला जातो आणि आमच्या सहयोगी एअर ऑपरेटरच्या मदतीने वाहतुकीचे नियोजन केले जाते. विमान वाहतुकीशी संबंधित सर्व तांत्रिक बाबींचे (लॉजिस्टिक्स) व्यवस्थापन एअर ॲम्ब्युलन्स ऑपरेटरद्वारे केले जाते. या सेवेचा दर आधीच निश्चित असल्याने आणि यामध्ये मध्यस्थांना कोणताही वाव नसल्यामुळे, अलीकडे या सेवेचा लाभ घेणाऱ्या रुग्णांची मोठी आर्थिक बचत झाली आहे." हा उपक्रम अपोलोच्या सध्याच्या आपत्कालीन पायाभूत सुविधांना देशभरातील '१०६६' नेटवर्कशी जोडतो. यामध्ये अपोलोची आपत्कालीन समन्वय क्षमता, जमिनीवरील रुग्णवाहिका सेवा, विमानतळ ते रुग्णालय कनेक्टिव्हिटी आणि भागीदारांमार्फत चालवली जाणारी हवाई वाहतूक यांचा समावेश आहे. यामुळे रुग्णांना एका बेडवरून दुसऱ्या बेडपर्यंत पोहोचवण्यासाठी संपूर्ण सहकार्य मिळेल आणि प्रतिसादाची कार्यक्षमता सुधारेल. परिणामी, दुर्गम भाग, टियर-२ आणि टियर-३ शहरे तसेच आंतरराष्ट्रीय ठिकाणांहून येणाऱ्या रुग्णांना कोणत्याही अडथळ्याशिवाय प्रगत उपचार मिळणे शक्य होईल. हा उपक्रम सुरु करून, अपोलो हॉस्पिटल्स आपली आपत्कालीन रुग्ण वाहतूक सेवा आणि रुग्णांना मिळणारे उपचार अधिक सुलभ करण्यावर अधिक भर देत आहे. प्रगत उपचारांसाठी वेळेला खूप जास्त महत्त्व असते. त्यामुळे शहरांतर्गत आणि आंतरराष्ट्रीय वैद्यकीय वाहतुकीसाठी अपोलोने एक अधिक संघटित, सुव्यवस्थित, सक्षम चौकट तयार केली आहे.