महारुंजी भागातील सुपर ओयो टाऊन हाऊस इम्पेरियल लॉजमध्ये हत्या
पुणे-आयटी हब हिंजवडीत एका आयटी इंजिनिअर तरुणीची गोळ्या घालून हत्या करण्यात आली आहे. मृतदेह एका लॉजमध्ये सापडल्याने खळबळ उडालेली आहे. हत्या करणाऱ्या प्रियकराला पोलिसांनी ताब्यात घेतले आहे. वंदना द्विवेदी (वय, २६) असे या तरुणीचे नाव असून ती मागील दोन दिवसापासून तिचा लखनौवरुन आलेला मित्र ऋषभ निगम याच्यासोबत वास्तव्यास होती.प्रेम संबंधांतून हा प्रकार घडल्याची माहिती पोलिसांनी दिली आहे
याबाबत सविस्तर माहिती अशी की, हिंजवडी पोलिस स्टेशन हद्दीतील महारुंजी भागातील सुपर ओयो टाऊन हाऊस इम्पेरियल या लॉजमध्ये तरुणीची हत्या झाल्याने खळबळ उडाली आहे.आज सकाळी ऋषभ निगम याने वंदनाची बंदुकीने गोळी झाडून हत्या केली. हा हत्येनंतर तो लखनऊला जाण्यासाठी पळून गेला, मात्र मुंबई पोलिसांनी त्याला नाकाबंदी करत ताब्यात घेतले. तसेच हत्येत वापरण्यात आलेली पिस्टलही त्याच्याकडून जप्त करण्यात आले आहे. या भयंकर घटनेने परिसरात एकच खळबळ उडाली असून प्रेमप्रकरणातून ही हत्या झाल्याचा प्राथमिक तपासात समोर आले आहे. पोलिस या प्रकरणाचा अधिक तपास करत आहेत.
