पुणे: महापालिकेच्या दहा जागांसाठीच्या स्वीकृत नगरसेवकांची निवड आज बुधवारी मुख्य सभेत होणार आहे, राजकीय पक्षांनी आपापल्या बलानुसार दहा उमेदवारांचे अर्ज दाखल करण्यात आले होते.त्यामुळे ही निवड बिनविरोध आणि सुलभतेने होईल असे चित्र असताना दोन उमेदवारांची कागदपत्रे अपूर्ण असल्याने ते छाननीत बाद झाले असल्याची चर्चा आहे. त्यामुळे उद्याच्या मुख्य सभेत दहाऐवजी केवळ आठच जणांची स्वीकृत नगरसेवक म्हणून निवड केली जाण्याची शक्यता आहे.मात्र, या निवडीत आठच नगरसेवक निवडले जाण्याची चर्चा राजकीय वर्तुळात रंगली आहे. ही निवड मुख्य सभेत होणार असताना मंगळवारी रात्री उशिरापर्यंत निवडणूक विभागाकडून दहा सदस्यांच्या निवडीचा प्रस्ताव नगरसचिव कार्यालयात दाखल करण्यात आलेला नव्हता. त्यामुळे मुख्य सभेत आयत्यावेळी हा प्रस्ताव दाखल केला जाणार असल्याची चर्चा आहे.
पक्षीय बलाबलानुसार महापालिकेत भाजप, राष्ट्रवादी तसेच काँग्रेसच्या उमेदवारांचे अर्ज ९ मार्च रोजी सादर केले होती. सकाळी ११ ते दुपारी २ या वेळेत उमेदवारांनी आपले अर्ज आयुक्तांना सादर केले होते. त्यानुसार, आयुक्तांकडून या अर्जाच्या छाननीसाठी स्वतंत्र समितीही नेमण्यात आली होती. या समितीकडून मंगळवारी अखेरपर्यंत या अर्जाची छाननी सुरू होती. महापालिका अधिनियमानुसार, सभागृह अस्तित्वात आल्यानंतर नजीकच्या पहिल्या मुख्य सभेत या सदस्यांची नियुक्ती करणे आवश्यक आहे.
त्यामुळे, प्रशासनाकडून जे आठ अर्ज पात्र झाले आहेत. त्यांचीच नावे मुख्य सभेत सादर करण्याचा निर्णय घेतला असल्याची चर्चा आहे. त्यामुळे अर्ज बाद झालेले ते दोन उमेदवार कोण याची चर्चा रंगते आहे. नेमके खरे खोटे मात्र मुख्य सभेत हा विषय येईल तेवहच स्पष्ट होणार आहे.
भाजप चे स्विकृत सदस्य उमेदवार
प्रियंका शेंडगे
जयप्रकाश पुरोहित रवी साळवेकर विश्वास ननावरे उदय लेले राजेंद्र काकडे नीलेश कोंढाळकर
राष्ट्रवादीचे उमेदवार दत्ता धनकवडे राकेश कामठे आणि काँग्रेसचे उमेदवार सुनील शिंदे
