पुणे -दिवंगत उपमुख्यमंत्री अजित पवार यांच्या आकस्मिक मृत्यू प्रकरणात राज्य गुन्हे अन्वेषण विभागाने (सीआयडी) व्हीएसआर कंपनीचे मालक व्ही. के. सिंग यांची गुरुवारी सुमारे आठ तास चौकशी केली. काही संशयास्पद बाबी आणि व्यवहारांच्या पार्श्वभूमीवर ही चौकशी करण्यात आल्याची माहिती सूत्रांनी दिली.
या आकस्मिक मृत्यूविषयी अपघाती मृत्यू, हलगर्जीपणा की घातपात, असा संशय व्यक्त केला जात असतानाच आमदार रोहित पवार यांनी पत्रकार परिषदा घेऊन काही गंभीर आरोप केले होते.
कंपनीचे संचालक आणि व्ही. के. सिंग यांचा मुलगा रोहित सिंग हा विमानाच्या कॉकपिटमध्ये झोपल्याचा व्हिडिओ जय पवार यांनी सोशल मीडियावर शेअर केला होता. कंपनीच्या आर्थिक व्यवहारांमध्ये काही अनियमितता असल्याची तक्रार तपास यंत्रणेला मिळाली आहे. त्या अनुषंगाने सीआयडीने चौकशी सुरू केली असून कंपनीच्या व्यवहारांशी संबंधित कागदपत्रे, आर्थिक नोंदी व काही करारपत्रांची तपासणी करण्यात येत आहे. चौकशीदरम्यान व्ही. के. सिंग यांच्याकडून काही महत्त्वाची माहिती घेतली आहे.
या आकस्मिक मृत्यूविषयी अपघाती मृत्यू, हलगर्जीपणा की घातपात, असा संशय व्यक्त केला जात असतानाच आमदार रोहित पवार यांनी पत्रकार परिषदा घेऊन काही गंभीर आरोप केले होते. डीजीसीए (डायरेक्टोरेट जनरल ऑफ सिव्हिल एव्हिएशन) व त्याबरोबरच एएआयबी यांच्या तपासाच्या पार्श्वभूमीवर गुरुवारी व्हीएसआर व्हेंचर्स कंपनीचे मालक व्ही. के. सिंग यांना चौकशीसाठी बोलावण्यात आले होते. सूत्रांनी दिलेल्या माहितीनुसार, व्ही. के. सिंग हे गुरुवारी सकाळी अकरा वाजता त्यांचा मुलगा रोहित सिंग याच्यासह सीआयडीच्या पाषाण रोड येथील कार्यालयात चौकशीसाठी दाखल झाले. विमानाची ऑपरेशन प्रक्रिया, मेंटेनन्स रेकॉर्ड, तांत्रिक बाबी, सुरक्षा नियमांचे पालन तसेच अपघाताशी संबंधित इतर मुद्द्यांबाबत त्यांच्याकडे सविस्तर चौकशी करण्यात आल्याची माहिती सूत्रांनी दिली. आमदार रोहित पवार यांनी सातत्याने व्हीएसआर व्हेंचर्स आणि डीजीसीए (डायरेक्टोरेट जनरल ऑफ सिव्हिल एव्हिएशन) यांच्यावर आरोप केले आहेत.
