प्रसिद्ध कथक नर्तक डॉ.नंदकिशोर कपोते यांच्या दिनदर्शिकेचे मोती बागेत प्रकाशन

पुणे : संस्कार भारती पश्चिम प्रांत पिंपरी चिंचवड समिती आणि नंदकिशोर कल्चरल सोसायटी यांच्या संयुक्त विद्यमाने दिनदर्शिका प्रकाशन सोहळा नुकताच राष्ट्रीय स्वयंसेवक संघाचे मुख्य कार्यालय, मोती बाग येथे संपन्न झाला. पद्मविभूषण पं बिरजू महाराजजी ह्यांच्या संकल्पनेतून सुरू झालेल्या ह्या दिनदर्शिकेचे हे चौथे वर्ष आहे. दरवर्षी वेगवेगळे विषय घेऊन दिनदर्शिका काढली जाते. या वेळी विविध घराण्यातील नामवंत गुरू व भारतातील पुरुष कथक नर्तक हा विषय घेऊन दिनदर्शिका काढण्यात आली आहे. तसेच राष्ट्रीय स्वयंसेवक संघाचे हे शताब्दी वर्ष असल्यामुळे मोती बागेतच या दिनदर्शिकेचे प्रकाशन करण्याची इच्छा होती असे विचार संस्कार भारती पश्चिम प्रांत पिंपरी-चिंचवडचे अध्यक्ष डॉ नंदकिशोर कपोते ह्यांनी आपल्या भाषणात मांडले. प्रमुख अतिथी प्रांत कार्यवाह डाॅ.प्रविण धबडगाव ह्यांनी दिनदर्शिकेचे प्रकाशन करुन डाॅ. नंदकिशोर कपोते ह्यांचे अभिनंदन केले. डाॅ. धबडगाव आपल्या भाषणात म्हणाले ” अनेक वर्षांच्या खडतर प्रवासातून निरंतर नृत्य कलेची सेवा करुन शास्त्रीय नृत्यास प्रतिष्ठा मिळवून देण्याचे काम डाॅ. कपोते यांनी केले. त्यांच्या अनेक शिष्यांनी कथक नृत्य कलेत प्राविण्य मिळविले आहे, सर्व नृत्य कलाकारांनी संग्रही ठेवावी अशी ही दिनदर्शिका आहे “. यावेळी प्रांताचे अखिल भारतीय दृश्य कला सहसंयोजक सतीश कुलकर्णी, महामंत्री प्रशांत कुलकर्णी, पश्चिम प्रांताचे संपर्क मंत्री मिलींद भोळे हे मान्यवर उपस्थित होते. कार्यक्रमाचे सूत्रसंचालन लिना आढाव ह्यांनी केले.
या प्रसंगी उपाध्यक्ष प्रफुल्ल भिष्णूरकर, सचिव लीना आढाव, संपर्क प्रमुख गणेश आढावमंचिय कला संयोजक भावना सामंत, छायाचित्र समन्वक नरेंद्र घोडकेप्रसार व प्रसिध्दी समन्वयक अनुष्का सामंत उपस्थित होते