पुणे- गोखले बिल्डर च्या प्रकल्पातील फ्लॅटच्या विक्रीसाठी ग्राहक वर्गाला प्रवृत्त करणाऱ्या जाहिराती राजकारणी करू लागलेत असे वाटावे अशी स्थिती सध्या पुण्यात दिसून येऊ लागली आहे अशा पद्धतीचे व्हिडीओ व्हायरल होऊ लागलेत . आपले मित्र गोखले बिल्डर्स असे द्संग्त मोहोळ यांनी केलेला जाहिरातीचा व्हिडीओ गेल्या २ दिवसात व्हायरल होताच आज त्यांच्यावर घनघाती आरोपांच्या फैरी झाडणारे रवींद्र धंगेकर यांचाही एक व्हिडीओ व्हायरल झाला आहे ज्यात त्यांनी एका कापडाच्या दुकानाची जाहिरात केल्याचे दिसते आहे. आता या दुकानात त्यांची मोहोळ यांच्या प्रमाणे कधी काळी किंवा सध्या भागीदारी होती किंवा नाही याबाबत मात्र काही माहिती बाहेर आलेली नाही .
गेल्या २० ऑक्टोबरला मोहोळ यांचा असाच एक व्हिडीओ व्हायरल झाला होता ..
ज्याबाबत खुद्द रवींद्र धंगेकर यांनी ट्वीट केले होते .
कंपनी गोखलेंची कमी यांचीच जास्त असल्याचे जाणवते, कारण हे महाशय अगदी फ्लॅट दाखवण्याच्या जाहिराती देखील स्वतःच करायचे. तसेही 50% भागीदार म्हणजे कंपनीचा निम्मा मालक असतो. उगीच मंत्रीपदाच्या नियमामुळे मंत्रीपद मिळाल्यानंतर सहा महिन्यांनी जड अंतकरणाने हे कंपनीतून बाहेर पडले. बर खरच बाहेर पडले की फक्त कागदोपत्री बाहेर पडलेत हे देव जाणे… कारण यांचे 50 टक्क्यांचे शेअर्स कुणाला दिलेत याच्याबद्दल कोणतीच माहिती यांनी दाखवलेली नाही. त्यामुळे कंपनीच्या भविष्यातील 30,000 कोटींचा फायद्याच्या प्रोजेक्टमध्ये यांची इन्व्हॉलमेंट नसणार का…? काय वाटतं…? खुशाल पुणेकरांना वेड्यात काढताय
असे या ट्वीट मध्ये धंगेकर यांनी म्हटले होते .
