पुणे – बालेवाडी सर्वे नंबर 32 येथे अनधिकृत पणे बाधलेले दोन मजली आर सी सी बांधकाम jow cutter च्या सहाय्याने पाडण्यात आले तसेच बाणेर मुख्य रस्ता डावी बाजू व पॅन कार्ड क्लब रोड येथे अनधिकृत दुकाने, हॉटेल्स, पत्रा शेड व पक्क्या स्वरूपाच्या अनधिकृत बांधकामांवर दिनांक 29/०8/२०२५ रोजी बांधकाम विकास विभाग झोन ३ यांचेमार्फत पोलीस स्टाफच्या मदतीने कारवाई करण्यात आली आहे.
सदर कारवाई मध्ये सुमारे 14650 चौ.फूट विनापरवाना आर सी सी बांधकाम व अनधिकृत बांधकाम पाडण्यात आले आहे.
सदर कारवाई पुणे महानगरपालिकेचे अधिक्षक अभियंता,बांधकाम विभाग झोन क्र.३ चे कार्यकारी अभियंता यांचे मार्गदर्शनाखाली
उप अभियंता, कनिष्ठ अभियंता व इतर स्टाफ, सहा. पोलिस निरीक्षक यांच्या पथकाने व एक जेसीबी, एक गॅस कटर, दहा अतिक्रमण कर्मचारी यांचे सहाय्याने कारवाई पूर्ण करण्यात आली.

