पुणे – भाजपा पदाधिकाऱ्यांकडूनच महिला सुरक्षिततेला धोका असल्याचा आरोप करत काल पुणे शहर काँग्रेसने कसबा गणपती मंदिरा समोर आंदोलन करत थेट गणपती बाप्पालाच निवेदन दिले … बाप्पा आता तू तरी … या भाजपच्या उद्दामपणाला आवर घाल अशी आळवणी यावेळी करण्यात आली .यावेळी माजी मंत्री बाळासाहेब शिवरकर, माजी महापौर कमलताई व्यवहारे, माजी नगरसेवक अजित दरेकर, रफिक शेख, मेहबूब नदाफ, माजी स्थायी समिती अध्यक्ष माजी नगरसेविका निताताई परदेशी , युवक इंटकचे चेतन अगरवाल, अनुसूचित जाती विभागाचे अध्यक्ष सुजित यादव, सेवादलाचे प्रकाश पवार, काँग्रेसचे सौरभ अमराळे, ओ.बी.सी. विभागाचे अध्यक्ष प्रदीप परदेशी, युवक काँग्रेसचे अक्षय जैन, ब्लॉक अध्यक्ष अक्षय माने, रविंद्र माझिरे, विशाल जाधव, दिलीप तुपे, रमेश सोनकांबळे, रमेश सकट,हेमंत राजभोज, राज अंबिके, प्रियांका रणपिसे, प्राचीताई दुधाने, सुंदरताई ओव्हाळ, इंदिराताई अहिरे, अर्चनाताई शहा, अनिताताई धिमधिमे, ज्योतीताई चंदेवल, मायाताई डुरे, प्रियांका मधाळे, उषाताई राजगुरू, ॲड. राजश्री अडसूळ, प्राजक्ता गायकवाड, अनुसया गायकवाड, कविता भागवत, नुर शेख, वैभव डांगमाळी, राजेश मोहिते, फिरोज शेख, चेतन पडवळ, अमित कांबळे, सद्दाम शेख, ज्योतीताई आरवेन, राज घेलोत, अनिल पवार, अविनाश अडसूळ, सेल्वराज ॲन्थोनी व इतर पदाधिकारी कार्यकर्ते उपस्थित होते…
भारतीय जनता पक्षाच्या प्रमोद कोंढरे नावाच्या पदाधिकाऱ्याने केंद्रीय मंत्र्यांच्या कार्यक्रमात एका पोलीस प्रशासनातील वरिष्ठ महिला अधिकाऱ्याचा विनयभंग केल्याच्या निषेधार्ह आहे. याच्या आधी ओंकार कदम नावाच्या पदाधिकाऱ्याने महानगरपालिकेतील महिला अधिकाऱ्याचा विनयभंग करुन धमकी दिली होती. त्यावेळी ही पोलिस प्रशासनाने फक्त तोंडदेखली कार्यवाही केली होती. खरंतर महिलांना कायम अपमानास्पद, तुच्छतेची वागणूक देणे हे भारतीय जनता पक्षाचे संस्कारच आहेत. याचा निषेध म्हणून पुणे शहर जिल्हा काँग्रेस कमिटीच्या वतीने कसबा गणपती येथे नालायक भाजपा पदाधिकाऱ्यांच्या विरुद्ध गणपती बाप्पालाच निवेदन देण्यात आले. असे यावेळी शहर अध्यक्ष अरविंद शिंदे यांनी सांगितले.
