पुणे- पुण्याच्या कॉंग्रेस मध्ये नेते वीस अन कार्यकर्ते कासावीस अशी स्थिती कलमाडी यांच्या अस्ता नंतर कायम असली तरी आता ज्या कसबा विधानसभा मतदार संघावरून राजकीय रणकंदन माजले, धंगेकर यांना उमेदवारी दिल्याने पहिल्या माजी महिला महापौर म्हणून परिचित असलेल्या जुन्या जाणत्या कॉंग्रेसच्या नेत्या कमल व्यवहारे यांनी कॉंग्रेस पक्ष सोडला त्या कमल व्यवहारे यांची आज कॉंग्रेस पक्षात घर वापसी झाली आहे . प्रदेश अध्यक्ष हर्षवर्धन संकपाळ , पुणे शहर अध्यक्ष अरविंद शिंदे यांनी त्यांचे आज स्वागत केले. पक्षाचे काही निर्णय चुकले असतील तरी त्यामुळे व्यथित झालेल्या खऱ्या निष्ठा असलेल्या कॉंग्रेस जनांनी आता नाराज न राहता पुन्हा कॉंग्रेस मध्ये सक्रीय व्हावे हाच यातून संदेश मिळत असल्याने , माजी उपमहापौर आणि संपूर्ण हयात कॉंग्रेस मध्ये घालविलेले दक्षिण पुण्यातील एकमेव नेते आबा बागुल यांची घर वापसी होणार काय ? होणार असल्यास कधी याकडे कार्यकर्त्यांचे लक्ष लागून आहे. नेत्यांमधील भांडणे नेत्यांनी आपापल्या पातळीवर जरूर करावीत पण त्याचा पक्षावर किंवा आपापल्या पक्षातील कारकीर्दीवर त्याचा परिणाम होणार नाही याची काळजी घेतली पाहिजे असे मत या मुळे व्यक्त केले जाते आहे. आबा बागुल यांना पर्वती विधान सभा मतदार संघातून कायम डावलण्यात आले त्यांनी ४० वर्षे पक्षात काम केले आणि महापालिकेच्या राजकारणावर पकड मजबूत ठेवली पण प्रत्येक वेळी आघाडीचे कारण देऊन त्यांना आमदारकी पासून आयुष्यभर दूर ठेवले गेले आश्वासने अनेकांनी अनेकदा दिली पण त्यांच्या पदरी निराशाच आली त्यामुळे त्यांनी यावेळी बंडखोरी करून अन्याय झाल्याचे दर्शवून दिले .या मतदार संघात योग्य उमेदवाराच्या अभावी कायमच भाजपचा विजय होत आला आता तरी याची दखल घेऊन आबा बागुलांना पुन्हा कॉंग्रेस मध्ये सन्मानाने बोलाविले जाईल काय याकडे अनेकांचे लक्ष लागून आहे.
आज दादर येथील टिळक भवनमध्ये महाराष्ट्र प्रदेश काँग्रेस कमिटीचे अध्यक्ष हर्षवर्धन सपकाळ यांच्या मार्गदर्शनाखाली पुणे शहर जिल्हा काँग्रेस कमिटीच्या वतीने स्थानिक स्वराज्य संस्था निवडणुकीच्या पार्श्वभूमीवर आढावा बैठक आयोजित करण्यात आली होती.या बैठकीत आगामी निवडणुकांसाठी काँग्रेस पक्षाची रणनीती, मतदार नोंदणी मोहीम, तसेच संघटनात्मक बांधणी यावर सखोल चर्चा करण्यात आली. पक्षाच्या कार्यपद्धतीला अधिक बळकट करण्यासाठी विविध सूचना आणि उपाययोजना मांडण्यात आल्या. याप्रसंगी काँग्रेस पक्षाचे पुणे शहराध्यक्ष अरविंद शिंदे,माजी आमदार अनंत गाडगीळ,माजी मंत्री बाळासाहेब शिवरकर,माजी गृहराज्यमंत्री रमेश बागवे, प्रदेश उपाध्यक्ष मोहन जोशी,कमलताई व्यवहारे प्रदेश सरचिटणीस अभय छाजेड, प्रदेश सरचिटणीस संजय बालगुडे, प्रदेश प्रवक्ते गोपाळ तिवारी,विरेंद्र किराड,एन एस यु आय चे माजी प्रदेशाध्यक्ष मीर शेख,प्रदेश सचिव रफिक शेख,अजित दरेकर, अविनाश बागवे व इतर अनेक मान्यवर नेते आणि प्रमुख कार्यकर्ते मोठ्या संख्येने उपस्थित होते.
