पुणे- सिंहगड रस्ता परिसरात धायरी येथील रायकर मळा येथे श्री ज्वेलर्स या सराफी दुकानात शिरून खेळण्यातील पिस्तुलाचा धाक दाखवून सोन्याचे दागिने लुटुन नेणार्या दोन सराईत आरोपींना गुन्हे शाखेच्या दोडा व वाहनचोरी विरोधी पथक दोनने भोसरी येथून जेरबंद केले. पोलिसांना गुंगारा देण्यासाठी आरोपींनी ससून रूग्णालयाचा आसरा घेतल्याचे देखील समोर आला आहे.
राजेश उर्फ राजू चांगदेव गालफाडे (40) आणि श्याम शेषेराव शिंदे (37, रा. दोघेही रा. लांडेवाडी, झोपडपट्टी, भोसरी) अशी अटक करण्यात आलेल्या दोघांची नावे आहेत. याबाबत सराफाने नांदेडसिटी पोलिस ठाण्यात आरोपी विरोधात फिर्याद दिली होती.दिनांक १५/०४/२०२५ रोजी दुपारी ०२.४५ ते ०२.५० वा. नांदेड सिटी पोलीस स्टेशनचे कार्यक्षेत्रातील श्री ज्वेलर्स, समर्थ कॉम्पलेक्स, रायकर मळा, धायरी, पुणे या नावाचे सराफ दुकानामध्ये ३ अज्ञात चोरट्याने नकली पिस्तुलाचा धाक दाखवुन दुकानातील २० लाख रुपये किंमतीचे २२ तोळे वजनाचे सोन्याचे दागिने जबरदस्तीने चोरी करुन घेवुन गेले होते. त्याबाबत नांदेड सिटी पोलीस स्टेशन, पुणे शहर येथे अनोळखी ०३ इसमांचे विरुध्द गुन्हा नोंद करण्यात आला होता.गुन्हयाच्या तपासकामी गुन्हे शाखेकडील एकुण १२ पथके नेमण्यात आली होती, गुन्हे शाखेने कशोसीने सलग तपास करुन ४८ तासात गुन्हयामधील दोन आरोपींना अटक केली .तब्बल 80 सीसीटिव्ही फुटेज तपाल्यानंतर आरोपींनी त्यांच्या जवळील दुचाकी सिंहगड रस्त्यावरील एका गणपती मंदिराच्या परिसरात सोडली. तेथून ते एका रिक्षात बसले. मात्र रिक्षात बसण्यापूर्वी त्यांचे चेहरे सीसीटिव्ही कॅमेर्यात कैद झाले. तसेच ज्या रिक्षात ते बसले त्या रिक्षाच्या मागही काढण्यात आला. ती रिक्षा ससून रूग्णालयाच्या परिसरात गेल्याचे पोलिसांना आढळले. मात्र पोलिसांना गुंगारा देण्यासाठी त्यांनी जवळजवळ तासभर ससून रूग्णालयाच्या परिसरात घालवला. त्यानंतर चोरट्या मार्गाने त्यांनी भोसरी गाठली. दरम्यान आरोपी हा भोसरी परिसरात असल्याची माहिती मिळताच दोघांना अटक करण्यात आली. अपर पोलिस आयुक्त शैलेश बलकवडे, पोलिस उपायुक्त निखील पिंगळे, सहायक पोलिस आयुक्त गणेश इंगळे, सहाय पोलिस आयुक्त राजेंद्र मुळीक यांच्या मार्गदर्शनाखाली दरोडा व वाहनचोरी विरोधी पथक दोनचे वरिष्ठ पोलिस निरीक्षक संदिपान पवार, सहायक पोलिस निरीक्षक सी. बी. बेरड, सहायक पोलिस उपनिरीक्षक दिनकर लोखंडे, अशोक आटोळे, अमंलदार गणेश लोखंडे, सुरेश जाधव, शशिकांत नाळे, अमोल सरतापे यांच्या पथकाने केली
