‘एमक्युटिक्स’ला भारतीय बाजारपेठेसाठी पीआरएक्स-प्लस या औषधाची आयात, त्याचा प्रचार आणि
वितरण करण्याचा विशेष हक्क मिळाला.
‘विको’च्या पेटंटेड फॉर्म्युलाच्या मदतीने त्वचेची पुनरुत्पत्ती आणि घट्टपणा देणारा इंजेक्शनविरहित
अत्याधुनिक उपाय.
मुंबई : एमक्युअर फार्मास्युटिकल्स लिमिटेडची संपूर्ण मालकीची उपकंपनी असलेल्या एमक्युटिक्स
बायोफार्मास्युटिकल्स लिमिटेड या कंपनीने विको या इटलीतील नाविन्यपूर्ण आणि वैज्ञानिकदृष्ट्या प्रमाणित
उत्पादनांमध्ये विशेष कौशल्य असलेल्या वैद्यकीय उपकरण आणि डर्मा-कॉस्मेटिक कंपनीसोबत विशेष परवाना करार
जाहीर केला आहे. या धोरणात्मक भागीदारीतून ‘पीआरएक्स-प्लस’ या विकोच्या अत्याधुनिक उत्पादनाची भारतात
आयात, प्रचार, वितरण आणि विक्री करण्याचा हक्क ‘एमक्युटिक्स’ला मिळाला आहे. या सहकार्यामुळे भारतातील नॉन-
इनव्हेसिव्ह त्वचारोग उपचारांमध्ये मोठा बदल घडणार आहे.
पीआरएक्स-प्लस ही त्वचेच्या तात्काळ घट्टपणासाठी विशेष प्रभावी फॉर्म्युला असलेली उत्पादने आहेत. पारंपरिक
सौंदर्य उपचारांना पर्याय म्हणून ती इंजेक्शनविरहित, वेदनारहित प्रभावी उपाय देतात.
‘विको’च्या पेटंटेड फॉर्म्युलाचा जगभरातील ४०,००० हून अधिक त्वचारोग तज्ज्ञ आणि सौंदर्य चिकित्सक वापर
करतात. या ‘नीडल-फ्री स्किन बूस्टर’ प्रक्रियांचा ८० लाखांहून अधिक इतका जागतिक स्तरावर यशस्वी वापर २०११
पासून करण्यात आला आहे.
‘पीआरएक्स-प्लस’ हे नाविन्यपूर्ण तंत्रज्ञान असलेले उत्पादन आहे. इंजेक्शनच्या शिवाय त्वचेला त्वरित उठाव देणारे ते
ड्रॉपलेट-आधारित स्किनकेअर सोल्यूशन आहे. कोणत्याही प्रकारच्या त्वचेसाठी आणि कोणत्याही ऋतूत सुरक्षितपणे
वापरण्यासारखा हा एक उत्तम पर्याय आहे.
‘एमक्युटिक्स बायोफार्मास्युटिकल्स लिमिटेड’चे मुख्य कार्यकारी अधिकारी सत्य नारायणन म्हणाले, “भारतीय
बाजारपेठेत त्वचा रोगावर नाविन्यपूर्ण आणि उच्च-गुणवत्तेची औषधयोजना आणणे हे ‘एमक्युटिक्स’चे ध्येय आहे.
विकोसोबतची भागीदारी हे आमच्या या कटिबद्धतेतील महत्त्वाचे पाऊल आहे. ‘पीआरएक्स-प्लस’ हे अत्याधुनिक
स्किनकेअर उत्पादन बाजारात आणून आम्ही त्वचारोगावरील उपचारांसाठी नवीन मानक प्रस्थापित करीत आहोत.
‘एमक्युटिक्स’च्या मजबूत विपणन तज्ज्ञतेमुळे भारतभरातील ग्राहकांसाठी हे उत्पादन सहज उपलब्ध करून देता
येईल.”
‘विको’चे मुख्य कार्यकारी अधिकारी क्रिस्टियन डुफेयू म्हणाले, “भारतातील एमक्युटिक्ससोबतची भागीदारी हा सौंदर्य
उपचारांमध्ये क्रांती घडवण्याच्या आमच्या प्रयत्नातील मोठा टप्पा आहे. ‘पीआरएक्स-प्लस’च्या माध्यमातून आम्ही
केवळ त्वचा घट्ट करणारा इंजेक्शनविरहित उपाय देत नाही, तर सौंदर्य उपचारांच्या प्रगत क्षेत्रात डर्माटोलॉजिस्ट आणि
रुग्णांना अधिक सुरक्षित, प्रभावी पर्याय उपलब्ध करून देत आहोत. या सहकार्यातून आम्ही विज्ञानाधारित नाविन्यपूर्ण
उत्पादने नव्या बाजारपेठांपर्यंत पोहोचविण्याचा आमचा संकल्प अधिक दृढ करत आहोत. भारताच्या त्वचारोग क्षेत्रावर
‘पीआरएक्स-प्लस’चा मोठा प्रभाव पडेल याची आम्हाला खात्री आहे.”
भारतातील त्वचारोग उपचार बाजारपेठेचा मोठ्या प्रमाणावर विस्तार होत असून, वाढत्या उत्पन्नामुळे त्वचेच्या
आरोग्याबाबत जागरूकता झपाट्याने वाढत आहे. भारतीय औषध बाजार (आयपीएम) या संस्थेच्या अंदाजानुसार,
त्वचारोग बाजारपेठ सध्या १.८ अब्ज अमेरिकन डॉलर एवढी आहे आणि पुढील काही वर्षांत ११-१२ टक्के दराने
वाढण्याची शक्यता आहे.ही भागीदारी ‘एमक्युटिक्स’च्या प्रिस्क्रिप्शन आणि ग्राहकांना उपलब्ध असलेल्या
डर्माटोलॉजी उपाययोजना भारतभर पोहोचवण्याच्या कटिबद्धतेला अधोरेखित करते.
