अजितदादांच्या बाबतीत चुकीचे वक्तव्य राष्ट्रवादी काँग्रेस पक्षाचा कार्यकर्ता सहन करणार नाही. धंगेकर यांना कडक भाषेत सुनावले
पुणे- रविंद्र धंगेकर ने अजितदादांबद्दल केलेल्या वक्तव्याचा समाचार राष्ट्रवादी अजितदादा गटाचे शहराध्यक्ष दीपक मानकर यांनी घेतला आहे. त्यांनी यासंदर्भात प्रसिद्धीस दिलेल्या पत्रकात म्हटले आहे कि,’रविंद्र धंगेकरने स्वतः चार दरवाजे फिरून शिंदे गटात प्रवेश केला. अजितदादांबद्दल बोलण्याची त्याची लायकी आहे का ? आमदार म्हणून पहिल्यांदा निवडून आला त्यावेळी अजितदादांच्या पाया पडून विनंती करून राष्ट्रवादीची मदत घेऊन हा गद्दार निवडून आला नंतर सरड्यासारखे रंग बदलायला लागला. पुण्यातील पब संदर्भात आंदोलन करायची हप्ते वसुल करून नंतर आंदोलन स्थगित करायची. कॉर्पोरेशनच्या कामांमध्ये बिल्डर लोकांची कामे अडवून खंडणी वसूल करायची.लक्ष्मीरोडच्या सराफांकडून घर दुरुस्तीच्या नावाने कॉर्पोरेशन कडून बांधकामाला परवानगी घेवून सगळ्या सोन्या मारुती चौकातील बांधकामे बेकायदेशीर करून पैसे वसूल करायचे. वक्फ बोर्डाची मुसलमान समाजाची गणेश पेठेतील जमीन गिळंकृत केली. लाचलुचपत खात्यात त्याच्या विरोधात १५० कोटी रुपयांची प्रॉपर्टी कुठून आली याची चौकशी सुरु आहे. क्राईम ब्रांच युनिट १ ला खंडणीचा गुन्हा प्रलंबित आहे. गुन्हेगारी प्रवृत्तीचा हा पडीक आमदारास दादांनी केलेल्या उपकाराची जाणीव नाही. वाटेल ते स्टेटमेंट करतोय. दादांनी त्याला दाखवले आहे. ज्या दिवशी बडगा दाखवतील त्यावेळी ह्या बांडगुळाला त्याची लायकी समजेल. शिंदे गटात जाऊन स्वतःला भविष्यात पोलिसांकडून होणारा त्रास कमी होणार नाही. गृह खाते देवेंद्र फडणवीस साहेबांकडे आहे. याची जाणीव ठेवा. केलेली पापे इथेच फेडायची आहे. मुस्लीम समाजाला वापरून त्यांची फसवणूक मोठ्या प्रमाणात केलेली आहे. शिक्षण मंडळाच्या बालवाडी शिक्षिका, सेविका यांना कायम करण्यासाठी करोडो रुपये वसूल केले. त्या गरीब महिलांनी स्वतःचे दागीने मोडून पैसे दिलेत. काही महिला एजंट,काही कार्यकर्ते पैसे वसुलीसाठी नेमले होते. याची गृहमंत्र्यांनी सखोल चौकशी करावी म्हणजे ह्या भुरट्याचे सत्य समोर येईल.
ज्या काँग्रेस पक्षाने लोकसभा,विधानसभेची अनेकांना डावलून ह्या धंगेकरला उमेदवारी दिली.त्याने फक्त काँग्रेस कार्यकर्त्यांना वापरून आपला रंग दाखवला. हा कोणाचा होवू शकत नाही.शिंदे साहेबांना ह्याचा अनुभव येईल. त्यावेळी बराच उशीर झालेला असेल. हा Who is Dhangekar नाही तर He is Real Criminal Dhangekar हे सत्य तुमच्या समोर लवकरच येईल. अजित पवार ज्या दिवशी डोक्यावर पाय देतील त्यावेळी कळेल. दादांच्या बाबतीत चुकीचे वक्तव्य राष्ट्रवादी काँग्रेस पक्षाचा कार्यकर्ता सहन करणार नाही. नाही तर एक दिवस तुमचा तमाशा करायला वेळ लागणार नाही. फालतु वाचाळ बडबड मिडीयाच्या माध्यमातून सारखी कडून सवंग प्रसिद्धी मिळवू नका. हीच मिडिया लवकरच तुमच्या विरोधातील बातम्या तुम्ही केलेल्या वाईट कर्माच्या बातम्या प्रसिद्ध करतील.
