पुणे- मुंबई येथील उद्योग संचालनालयाचे अतिरिक्त विकास आयुक्तपदी कार्यरत असणारे एम. जे. प्रदीप चंद्रन यांची पुणे महापालिकेच्या अतिरिक्त आयुक्तपदी नियुक्ती करण्यात आली आहे.प्रदीप चंद्रन हे २०१२ च्या बॅचचे आयएएस अधिकारी आहेत. ते उद्योग संचालनालयात कार्यरत होते. त्यापूर्वी ते अमरावती येथे आदिवासी विभाग विभागाचे अतिरिक्त आयुक्त, भंडारा जिल्ह्याचे जिल्हाधिकारी, वस्त्रउद्योग विभागाचे आयुक्त, गौन खनिज महामंडळाचे व्यवस्थापकीय संचालक म्हणून त्यांनी जबाबदारी सांभाळलेली आहे.पुणे महापालिकेचे अतिरिक्त आयुक्तपद गेल्या अकरा महिन्यापासून रिक्त होते. याठिकाणी अखेर राज्य शासनाने आयएएस अधिकाऱ्यांची नियुक्ती केली आहे
पुणे महापालिकेत यापूर्वी २०१२ च्या बॅचचे डॉ. कुणाल खेमणार, रवींद्र बिनवडे या दोघांनी अतिरिक्त आयुक्तपदी काम केले आहे. त्यानंतर आता प्रदीप चंद्रन हे देखील त्यांच्याच बॅचचे आहेत.पुणे महापालिकेत अतिरिक्त आयुक्त पदाच्या तीन जागा आहेत, त्याठिकाणी खेमणार, बिनवडे आणि विकास ढाकणे हे तिघे कार्यरत होते. त्यांच्या बदलीनंतर पृथ्वीराज बी. पी. यांची नियुक्ती करण्यात आली होती. पण दोन जागा रिक्त असूनही मार्च २०२४ पासून तेथे कोणत्याही अधिकाऱ्याची नियुक्ती होत नव्हती. आता रिक्त असलेल्या एका जागेवर प्रदीप चंद्रन यांची नियुक्ती करण्यात आली आहे.
