पुणे- पुण्यात GBS च्या संशयित रुग्णांची संख्या १०७ असली तरी प्रत्यक्षातGBS चे निदान झालेल्या रुग्णांची संख्या ७६ आहे आणि व्हेंटीलेटर वर असलेल्या रुग्णांची संख्या १७ एवढी आहे २० जण उपचार घेऊन घरी सोडण्यात आले आहेत. घरी गेल्यावर त्यांना फ़िजिओथेरपीची आवश्यक्यता असते असे महापालिकेने कळविले आहे. किरकीटवाडी , नांदेड सिटी , DSK विश्व मधील रुग्णांची संख्या अधिक असली तरी बाजीराव रोड, पर्वती दर्शन, धनकवडी , कोथरूड , कर्वे नगर,कात्रज, वडगाव ,मुंढवा ,उंड्री, खडकवासला अशा विव्बिध भागात १ ते ५ च्या आकड्यात रुग्ण आढळले आहेत .
प्रत्यक्षात पहा कुठे किती रुग्ण आहेत –
महापालिकेने असेही कळविले आहे कि,
Guillain Barre Syndrome आजारामध्ये बाधित रुग्णांची मज्जातंतूवर आघात झाल्याने सदर आजार संभवतो. (Autoimmune) सदर आजाराची लागण सर्वसाधारणतः सर्व वयोगटातील व्यक्तीना होते. सदर आजाराचे अत्यल्प रूग्णांमध्ये गंभीर स्वरूपाची लक्षणे आढळून येतात.
Guillain-Barre Syndrome आजाराचे सर्वसाधारण लक्षणे पुढीलप्रमाणे –
१) हातापायातील ताकद कमी होणे.
२) हातापायाला मुंग्या (Tingling Sensations) येणे.
३) गिळण्यास व बोलण्यास त्रास होणे.
४) धाप लागणे श्वास घेण्यास त्रास होणे.
पुणे महानगरपालिका कार्यक्षेत्रात सिंहगड रोड व जवळील परिसरामध्ये अशा प्रकारचे अधिक संशयित रुग्ण आढळल्याने या भागात विविध प्रतिबंधात्मक उपाययोजना नियमितपणे करण्यात येत आहेत.
• जी.बी. सिंड्रोमचे जे रुग्ण दवाखान्यामधून बरे होऊन घरी सोडण्यात आले आहेत अशा रुग्णांच्या पुढील उपचाराकरिता फिजीओथेरेपीची आवश्यकता असल्याने या भागातील पुणे महानगरपालिकेच्या लायगुडे दवाखान्यामध्ये फिजीओथेरेपीस्ट या तज्ञांची नेमणूक करण्यात आली आहे.
• बाधित झालेल्या भागातील आढळून येणाऱ्या अतिसाराच्या रुग्णांच्या उपचाराकरिता पुणे महानगरपालिकेकडून या भागामध्ये रुग्णांना तत्पर सेवा मिळणेकरिता दि. ३१/०१/२०२५ रोजी पासून मोबाईल दवाखाना सुरु करण्यात आला असून ८० रुग्णांना उपचार देण्यात आले आहे.
• पुणे महानगरपालिकेच्या कमला नेहरू हॉस्पिटलमध्ये १५ आयसीयू बेड्स असून तेथे न्यूरोलॉजिस्ट (मेंदूरोगतज्ञ) यांची नेमणूक करण्यात आली.
• पुणे महानगरपालिकेच्या आरोग्य अधिकारी यांनी काशीबाई नवले रुग्णालय येथील जी.बी. सिंड्रोम रुग्णांची भेट घेवून त्यांच्या समस्यांचे नीराकरण करण्यात आले.
• पुणे महानगरपालिकेच्या घनकचरा व्यवस्थापन विभागाच्या फिरते पथक वाहन / घंटागाडींना माहितीची ध्वनिफीत दिलेली असून त्यांच्या मार्फत जी.बी. सिंड्रोम आजाराबाबत जनजागृती करण्यात येत आहे.
• पुणे महानगरपालिकेतर्फे २४*७ वैद्यकीय आपत्ती व्यवस्थापन कक्षाची स्थापना करण्यात आली आहे. संपर्काकरिता नियंत्रण कक्षाच्या खालील संपर्क क्रमांकांना प्रसिद्ध देण्यात यावी.
१) ०२०२५५०१२६९,
२) ०२०२५५०६८००,
३) ०२०६७८०१५००.
• सर्व्हेक्षणाअंती बाधित भागात सापडलेल्या १४४ अतिसाराच्या रुग्णांचे शौच नमुने, रक्त नमुने व लघवीचे नमुने प्रयोगशाळेकडे पाठविण्यात येत आहेत.
• जी.बि.एस.च्या रुग्णांचे निदान करणेकरिता नर्व्ह कंडक्शन व्हेलॉसिटी टेस्टचा खर्च पुणे महानगरपालिकेमार्फत करण्यात येणार आहे.
