पुणे -शहरातील ६ मीटर रुंदीचे रस्ते ९ मीटर रुंदीचे करणे हा विषय कोथरूड चे आमदार चंद्रकांतदादा पाटील यांच्या जाहीरनाम्यतला असून तो त्यांनी महापालिकेतील स्थायी समिती द्वारे मान्य करून घेतला आहे असे स्पष्ट करत क्रिएटिव्ह फाउंडेशन चे अध्यक्ष संदीप खर्डेकर यांनी चंद्राकांतदादा पाटील व स्थायी समिती अध्यक्ष हेमंत रासने यांचे अभिनंदन केले आहे.
ते म्हणाले शहरातील विकासाला चालना देण्यासाठी ६ मीटर रुंदीचे सर्वच रस्ते ९ मीटर रुंद होणार आहेत. या प्रस्तावाला स्थायी समितीने आज मान्यता दिली. या निर्णयामुळे कोथरूडसह शहरातील रखडलेले पुनर्विकास प्रकल्प मार्गी लागणार आहे.६ मीटर रस्त्यावर टी.डी.आर मिळत नव्हता त्यामुळे अनेक जुन्या जीर्ण इमारतींच्या पुनर्विकासात अडथळे येत होते.त्याचा फटका सर्वसामान्य नागरिकांना बसत होता.६ मीटर चे रस्ते ९ मीटर होणार असल्याने अनेक अडचणी दूर होतील व जुन्या इमारतीतील रहिवाश्यांना अधिक मोठे व लिफ्ट,पार्किंग आदी सुविधा असलेल्या नव्या इमारतीत राहण्याचे स्वप्न पूर्ण होणार आहे.पाटील यांनी विधानसभा निवडणुकीच्या प्रचारादरम्यान आपल्या जाहीरनाम्यात हे आश्वासन दिले होते याची पूर्तता केल्याबद्दल खर्डेकर यांनी त्यांचे अभिनंदन केले आहे.