पुणे- मार्केट यार्डातील मुख्य बाजारातील भुसार, फळे, भाजीपाला, कांदा-बटाटा विभाग सुरू आहे. मात्र, फुलाचा बाजार अद्याप बंद आहे. आडते आणि शेतकऱ्यांकडून बाजार सुरू करण्याची मागणी होत आहे. 15 जूननंतर बाजार सुरू करणाचा विचार कृषी उत्पन्न बाजार समितीकडून करण्यात येणार असल्याची माहिती प्रशासक बी.जे.देशमुख यांनी दिली.
सध्या लॉकडाऊनमुळे मंदिर बंद आहेत. लग्नकार्यही फारशी होत नाहीत. सोशल डिस्टनिंगचे पालन करण्याच्या अडचणीचा विचार करून अद्याप बाजार बंद ठेवण्यात आला आहे. मात्र, फुल बाजार आडते असोसिएशनच्या पदाधिकाऱ्यांनी बाजार समितीशी संपर्क करून बाजार सुरू करण्याबाबत विचारणा केली असून, शेतकऱ्यांकडून याबाबात मागणी होत आहे.