पुणे-डॉ.बाबासाहेब आंबेडकर मराठवाडा विद्यापिठाच्या नामविस्तार दिनाचे औचित्य साधत नगरसेविका व रिपाई गटनेत्या सौ.सुनिताताई परशुराम वाडेकर यांच्या विकासनिधी व संकल्पनेतून साकारलेल्या बोपोडी येथील डॉ.राजेंद्रप्रसाद विद्यालयाच्या मराठवाडा विद्यापीठाचे प्रवेशद्वार प्रतिकृती कमानीचे व नव्याने निर्मित सीमा भिंतीचे उदघाटन पुण्याचे महापौर मुरलीधर मोहोळ यांच्या हस्ते तसेच शिवाजीनगरचे आमदार सिद्धार्थ शिरोळे यांच्या प्रमुख उपस्थितीत संपन्न झाला.यावेळी बोलताना महापौरांनी त्यांच्या निधीतून २५ लाख रुपये शाळेच्या दुरुस्तीसाठी देण्याचे मंजूर केले.
कार्यक्रम प्रसंगी नगरसेविका सौ.सुनिताताई वाडेकर,रिपाईं नेते परशुराम वाडेकर,रिपाईं पुणे शहराध्यक्ष संजय सोनावणे,रिपाईं युवक अध्यक्ष शैलेंद्र चव्हाणमाजी नगरसेवक आनंद छाजेड व जयदेव रंधवेशिक्षण मंडळाचे प्रशासकीय अधिकारी
मा.शिवाजी बोखारे व तसेच शाळेच्या मुख्याध्यापिका रसाळ मॅडम व जाधव मॅडम व रिपाईं कार्यकर्ते व सर्व प्रमुख पदाधीकारी व नागरीक मोठया संख्येने उपस्थित होते.
कार्यक्रमाचे निवेदन ॲड.ज्ञानेश जावीर यांनी केले तर प्रस्तावना परशुराम वाडेकर यांनी केली सौं.सुनीता वाडेकर यांनी आभार मानले.