पुणे- सकाळ पासून पडलेले उन , आणि वाढलेला उष्मा यामुळे आज सायंकाळी ‘तो’ बरसेल याची जाणीव अनेकांना झाली होतीच आणि तो आला देखील , कालच्या हून आज जरा जास्त जोराने बरसला आणि पुन्हा महापालिकेच्या कामाचे पंचनामे चव्हाट्यावर मांडले, रस्ते नेहमीप्रमाणे नद्या नाल्यान्पारमाणे दुथादिभारून वाहू लागले आणि पुणेकर त्यातून वाट काढून पुढे निघू लागले दुपारनंतर पावसाने जोरदार हजेरी लावली. ढगांच्या गडगडाटात अन् विजेच्या कडकडाटामध्ये पावसाला सुरुवात झाली.अनेक भागात अवघ्या २० मिनिटांत पाण्याचे लोंढे वाहताना दिसून आले. काही ठिकाणी तर पार्किंगला लावलेलल्या दुचाकी वाहून चालल्या होत्या.
शहरात अचानक सुरु झालेल्या वादळी पावसाने नागरिकात कुठे आनंदाचे तर कुठे भीतीचे तर कुठे चिंतेचे वातावरण निर्माण झाले होते. पावसाबरोबर येणारे वीज आणि ढगांचे आवाज एक वेगळीच लहर निर्माण करत होते. तसेच सुसाट वाऱ्यामुळे झाडे जोरजोरात एकमेकांवर आदळताना दिसून आली. पावसाच्या भीतीने रस्ते लगेचच सामसूम झाल्याचे दिसून आले. शहरात काही ठिकाणी छोटे मोठे अपघातही घडले.