पुनर्वसनाबाबत बोलायला ‘कोरोना’ चे कारण … पाडायला मात्र कोरोना नाही …
सर्व काही कोरोनाच्या नावाने लॉक-महागाई आणि ठेकेदारी कामे मात्र लॉक नाहीत
सरकारची वृत्ती नागरिकांच्या पोटावर पाय देणारी…. ठेकेदारी पोसणारी
पुणे- देशात कोरोनाचे काहूर उठलेले असताना सरकारने सर्व काही लॉक केले ,महागाई मात्र लॉक केली नाही अशात बेरोजगारी वाढलेली असताना ,रस्त्यावरील मोठमोठ्या अनधिकृत नव्या इमारती उभ्या राहत असताना त्यास हि कोरोना च्या कारणाने अप्रत्यक्ष संरक्षण देत असताना दुसरीकडे मात्र पुणे महापालिकेने आज सकाळी सकाळी मंडई येथील व्यवसायिकांचे गाळे उखडून टाकले .हि कारवाई कोणतीही कल्पना अथवा नोटीस न देता ,स्थानिक व्यवसायिकांना विश्वासात न घेता अतिशय चुकीच्या पद्धतीने करण्यात आल्याचा आरोप करत येथील व्यावसायिकांनी प्रशासनाचा निषेध करण्यासाठी तीव्र स्वरूपाचे आंदोलन करण्याचा इशारा दिला आणि न्यायालयातही जाण्याचा मनोदय व्यक्त केला आहे.
येथील व्यावसायिकांचे म्हणणे असे आहे कि,’ मंडई येथून भुयारी मेट्रो काम चालू आहे आम्ही वेळोवेळी महापालिका आणि मेट्रो ला सहकार्य करण्यास तयार असल्याचे कळवले होते परंतु आधी आमचे पुनसर्वसन करा अशी आमची मागणी होती .शिवाय मेट्रोच्या आराखड्यानुसार कारवाई करावी.
महा मेट्रो ,पुणे महानगरपालिका चे आयुक्त, उपायुक्त, मंडई चे अधिकारी तसेच राजकीय नेते व पोलीस प्रशासन चे अधिकारी यांच्या संगन मताने उच्च न्यायालयाचे आदेशाचे उल्लंघन करून बेकायदेशीर कारवाई केली तसेच करोना नियमाचेही उल्लंघन झाले आहे कोणतीही स्थानिकांची परवानगी न घेता आज ही कारवाई अतिशय चुकीच्या पद्धतीने केल्याचा आरोप अध्यक्ष सोमनाथ आप्पा काची यांनी केला आहे.यासाठी लवकरच मोठा लढा उभारणार असल्याचे त्यांनी यावेळी सांगितले .या कारवाईचा स्थानिक व्यावसायिक ,मंडई फळ विक्रेता संघ यांनी निषेध केला आहे .