नगरसेवक अरविंद शिंदे ,बाळासाहेब ओसवाल यांनी घोटाळ्याचा केला होता आरोप
पुणे- १३ लाखाचा जुना चेन बुलडोझर घेतलाय आणि कोपऱ्यात उभा ठेऊन त्या द्वारे कामे झाल्याचे दाखवून अर्थ मुव्हर्स या ठेकेदाराला आतापर्यंत १५ कोटी हून अधिक रक्कम अदा करण्यात आली आहे . वास्तविक पाहता महापालिका शहरातील कचरा डंपिंग करत नसतानाही डंपिंग च्या नावाने होणाऱ्या या गैरव्यवहाराचा कॉंग्रेसचे नगरसेवक अरविंद शिंदे ,शिवसेनेचे नगरसेवक बाळा ओसवाल यांनी आवाज उठ्विल्यानंतर अनेकवेळा पुढे ढकलत आलेला चेन बुलडोझर च्या १० कोटीची निविदा आज अखेरीस स्थायी समिती मध्ये फेटाळण्यात आली .
याबाबत अरविंद शिंदे आणि बाळा ओसवाल यांनी सांगितले कि, घनकचरा व्यवस्थापण विभाग किती भ्रष्टाचाराने पोखरला आहे याचे हे ज्वलंत उदाहरण आहे. प्रचलित बाजारभावानुसार एका चेन बुलडोझर ची किंमत १ कोटी ७३ लाख एवढी आहे. यांनी हा ३० वर्षे जुना बुलडोझर मशिनच्या तांत्रिक कार्यक्षमतेचे प्रमाण पत्र न घेता १३ लाखाला खरेदी केला आहे. आणि ठेकेदाराला आतापर्यंत १५ कोटीहून अधिक रक्कम अदा केली आहे. या भाडे रकमेत महापालिका स्व मालकीचे ८ बुलडोझर खरेदी करू शकली असती .
सर्वात कमी रकमेची निविदा म्हणून , कमी भाडे दरात आपल्याला हे मशीन मिळत असल्याचे दाखवून करदात्यांची फसवणूक करण्याचे काम होत होते .त्यामुळे मशीन ची तांत्रिक कार्यक्षमता तपासून आणि उत्पादन तारीख तपासून ते कालबाह्य नाही ना ?याची खातरजमा शासकीय संस्थांकडून करवून घ्यावी असे अरविंद शिंदे आणि बाळा ओसवाल यांनी लेखी कळविले होते .
पुन्हा एकदा पहा अरविंद शिंदे यांनी काय म्हटले होते ….
पुन्हा एकदा पहा बाळा ओसवाल यांनी काय म्हटले होते…..