पुणे-
भारतीय संविधानाबाबत जनजागृती आणि सर्व नागरिकांना संविधानाची ओळख व्हावी याकरीता दरवर्षी २६
नोव्हेंबर हा दिवस “संविधान दिन” म्हणून साजरा केला जातो. आज दि. २६ नोव्हेंबर २०२२ रोजी पीएमपीएमएलच्या
मुख्य प्रशासकीय इमारतीत भारतीय संविधानाच्या प्रास्ताविकेचे सामूहिक वाचन करून “संविधान दिन” साजरा करण्यात
आला. पीएमपीएमएलचे अधिकारी तसेच अॅडमिन व सेंट्रल वर्कशॉप विभागातील कर्मचारी यांनी संविधानाच्या
प्रास्ताविकेचे सामूहिक वाचन केले. याप्रसंगी भारतीय घटनेचे शिल्पकार भारतरत्न डॉ. बाबासाहेब आंबेडकर, छत्रपती
शिवाजी महाराज व राजर्षी छत्रपती शाहू महाराज यांच्या पवित्र स्मृतीस अभिवादन करण्यात आले.
पीएमपीएमएलच्या सहव्यवस्थापकीय संचालक प्रज्ञा पोतदार-पवार यांनी भारतीय संविधानाचे महत्व व
संविधानाने सामान्य नागरिकांना दिलेले अधिकार याबाबत उपस्थितांना मार्गदर्शन केले. याप्रसंगी पीएमपीएमएलचे चिफ
ट्रान्सपोर्ट मॅनेजर (ऑपरेशन) श्री. दत्तात्रय झेंडे, झोनल मॅनेजर श्री. राजेश कुदळे, डेप्युटी चिफ मॅनेजर (अॅडमिन) श्री.
सुभाष गायकवाड, कामगार व जनता संपर्क अधिकारी श्री. सतिश गाटे, स्टोअर ऑफिसर श्री. चंद्रशेखर कदम, मार्केटयार्ड
डेपो मॅनेजर श्री. नारायण भांगे यांची प्रमुख उपस्थिती होती.
भारतीय संविधानाची निर्मिती करून आपल्याला मूलभूत हक्क व त्यांचे रक्षण करण्याचा अधिकार देवून
डॉ. बाबासाहेब आंबेडकर यांनी महान कार्य केले आहे असे प्रतिपादन पीएमपीएमएलचे चिफ ट्रान्सपोर्ट मॅनेजर (ऑपरेशन)
श्री. दत्तात्रय झेंडे यांनी केले व डॉ. बाबासाहेब आंबेडकर यांच्या नावाचा जयघोष केला.
कार्यक्रमाच्या शेवटी श्री. दत्तात्रय झेंडे यांनी उपस्थितांचे आभार व्यक्त करून संविधान दिनानिमित्त आयोजित
कार्यक्रमाचा समारोप केला.