पुणे-
कोरोना रुग्ण संख्या धनकवडी सहकार नगर क्षेत्रीय कार्यालयांतर्गतकोरोना रुग्ण संख्या 4461 पर्यंत पोचली असून आता तरी येथे कोविड केअर सेंटर अशी मागणी स्थायी समितीच्या माजी अध्यक्षा नगरसेविका अश्विनी नितीन कदम यांनी महापालिका आयुक्तांकडे केली आहे.
या क्षेत्रीय कार्यालयाच्या अंतर्गत 118 मृत्युमुखी झालेत व 3242 जरी कोरोना मुक्त झाले असले तरी 1101 अजूनही आहेत ऍक्टिव्ह रुग्ण व दिवसेंदिवस ही संख्या वाढतच चालली आहे.
दक्षिण पुण्यातील हा सर्व भाग दाट लोकवस्तीचा असल्यामुळे कोरोना चा प्रसार झपाट्याने या भागात होत आहे. त्यामुळे या भागांमध्ये कोरोनाचा प्रसार रोखण्यासाठी विशेष अभियान राबवणे अत्यंत गरजेचे आहे.त्याचाच एक भाग म्हणून रुग्णांना तातडीने वैद्यकीय सुविधा पुरविण्यासाठी ऑक्सिजन व व्हेंटिलेटर सुविधायुक्त कोविड केअर सेंटर या भागात उभारणे अत्यंत गरजेचे आहे.
यासंदर्भात तातडीने कारवाई करावी अशी मागणी मी पुणे महापालिका आयुक्त यांच्याकडे केली आहे.अशी माहिती अश्विनी कदम यांनी येथे दिली .