पुणे-:कात्रज -धनकवडी नजीकच्या आंबेगाव पठारावर वाढलेली गुंडागर्दी आणि बकालपणा मुळे हा परिसर बदनाम होता असताना काल येथील सर्वे नंबर १७ /१ पाटील नगर मध्ये राहणारे सचिन धनकवडे (वय ३६ )यांना बेदम मारहाण करून जीवे मारण्याचा प्रयत्न केल्याच्या आरोपावरून भारती विद्यापीठ पोलिसांनी पाच जणांना अटक केली आहे.
.१)शमशुद्दीन नजीर जंबुबाले, वय – ३८ वर्षे रा थोरात कॉलनी, कर्वेनगर, पुणे २) शंकर भरत बिरामणे, वय २५, ३) आकाश रामलु चव्हाण, वय १९, ४)मिथुन भरत बिरामणे, वय-२६, रा.स.नं. १८ साई सिध्दी चौक, अष्टविनायक नगर, आंबेगाव पठार पुणे ५)साहील दिपक पाटील, वय १८.रा.स.नं.३६, नवनाथ नगर,धनकवडी अशी अटक केलेल्यांची नावे आहेत .भारती विद्यापीठ पोलिसांनी गुन्हा रजिस्टर क्रमांक ७०५/२०२२ भादविक ३०७,३३७,३२३५०४, ५०६, ४२७,३४, क्रिमीनल लॉ अॅमेंडमेंट अॅक्ट ७ आर्मअॅक्ट कलम ४ (२५) महा.पो. अधिनियम कलम ३७ (१) ( ३ ) सह १३५ अन्वये या सर्वांवर गुन्हा दाखल केला आहे.
पोलिसांनी दिलेल्या माहिती नुसार गुन्ह्याचा हा प्रकार दि. २४/१०/२०२२ रोजी रात्री २०/४५ वा.ते २२/१५ वा.चे दरम्यान स.नं. १७/१, लक्ष्मण धनकवडे पाटीलनगर, फॉरेस्ट भिंती जवळ, आंबेगाव-पठार, पुणे येथे घडला. यातील फिर्यादी यांचे गोडाऊनच्या बाहेर असलेल्या ओट्यावर आरोपी दारु पित बसले असताना फिर्यादी यांनी त्यांना आज दिवाळी आहे तुम्ही येथे कशाला दारु पित बसला, दुसरीकडे जाऊन दारु पित बसा असे म्हणाल्याचे कारणावरून त्यांना राग आल्याने त्यांनी फिर्यादीस शिवीगाळ व हाताने मारहाण करून तुला लय मस्ती आली का? तुला आज खलासच करुन टाकतो असे म्हणुन त्याचे हातातील बिअरची बाटलीने फिर्यादीस जीवे मारण्याचे उद्देशाने त्यांचे डोक्यात मारुन, त्यांना गंभीर जखमी करून जीवे ठार मारण्याचा प्रयत्न केला आहे. तसेच त्यांचे हातात कोयत्या सारखे हत्यार घेवुन.गल्लीतील लोकांना दम असेल तर बाहेर येऊन दाखवा असे म्हणुन दहशत निर्माण करून,फिर्यादी यांचा भाडेकरु रतनलाल जोशी यांची तीन चाकी पॅगो रिक्षाचे डावी बाजुकडील काच दगड मारुन व डॉ. विनोद परदेशी यांनी पार्क केलेला छोटा हत्ती चार-चाकी टेम्पोचे कावेवर सिमेंटचा ठोकळा मारुन काच फोडुन नुकसान करून फिर्यादी यांची बहीण व मोठा भाऊ यांना शिवीगाळ केली.
पो.उप निरी. धिरज गुप्ता याप्रकरणी अधिक तपास करत आहेत .