पुणे :
“राष्ट्रवादी कॉंग्रेस पार्टी’च्या “साहित्य, कला व सांस्कृतिक विभागा’च्या वतीने प्रभाग क्रमांक 35 (कर्वेनगर) येथील डॉ. शामाप्रसाद मुखर्जी उद्यानातील विविध अडचणी सोडविण्याच्या मागणीचे पत्रक उद्यान अधिक्षक अशोक घोरपडे, वृक्ष अधिकारी मोहन ढेरे यांना देण्यात आले. हे पत्रक नागरिकांच्यावतीने “राष्ट्रवादी कॉंग्रेस पार्टी’च्या “साहित्य, कला व सांस्कृतिक विभागा’च्या वतीनेविभागाचे पुणे शहराध्यक्ष चैतन्य ऊर्फ सनी अशोक मानकर यांनी सादर केले.
या पत्रकात केलेल्या मागणीनूसार डॉ. शामाप्रसाद उद्यानात दररोज येणाऱ्या ज्येष्ठ नागरिक, लहान मुले यांना येणाऱ्या अडचणी खालीलप्रमाणे.
1) डासांचे प्रमाण वाढले तरीही उद्यानात धूरफवारणी करण्यात येत नाही,
2) उद्यानात सकाळी संगीत चालू असायचे ते गेल्या सहा महिन्यांपासून बंद आहे ते सुरू करण्यात यावे,
3) उद्यानात पॅगोडाछत्री, बसण्याची बाक, व व्यायामाची सायकल याची सुविधा करणे,
4) उद्यानातील म्युझिक सिस्टीमचे साऊंड तुटलेल्या अवस्थेत आहे,
5) कारंज्यातील दिवे उद्यानाच्या उद्घाटनानंतर लगेचच 2 दिवसात बंद पडले.