- अर्थव्यवस्थेतील अनौपचारिक क्षेत्रांमधील ग्राहकांना मिळू शकणार गृह कर्जाचे लाभ
- होम लोन्स व गोल्ड लोन्सना दिली जाणार तातडीने मंजुरी
पुणे– आयसीआयसीआय होम फायनान्सने (आयसीआयसीआय एचएफसी) सध्याच्या सणासुदीच्या काळात आपल्या ग्राहकांना अधिक जास्त आनंद मिळवून देण्यासाठी ‘महा लोन फेस्टिवल‘ सुरु करत असल्याची घोषणा केली आहे. आयसीआयसीआय एचएफसीच्या ‘महा लोन फेस्टिवल‘ मध्ये कर्ज घेण्यासाठी इच्छुक ग्राहकांना होम लोन (अपना घर आणि अपना घर ड्रीम्ज), गोल्ड लोन आणि मायक्रो एलएपी (संपत्तीवर कर्ज) यासारख्या उत्पादनांसाठी तातडीने मंजुरी देण्याची सुविधा सुरु केली आहे. कर्ज प्रक्रिया वेगाने व्हावी यासाठी आयसीआयसीआय एचएफसीने सर्व कर्ज अर्जासाठी स्थानिक, शाखा स्तरीय मंजुरी सुविधा उपलब्ध करवून दिल्या आहेत.
सणासुदीच्या काळात आयसीआयसीआय एचएफसीने अर्थव्यवस्थेतील अनौपचारिक क्षेत्रातील ग्राहकांना गृह कर्ज सुविधा प्रदान केल्या आहेत. यामध्ये सुतार, प्लम्बर्स, छोट्या व्यवसायांचे मालक आणि ट्रेडर्स यांचा समावेश आहे. आपल्या स्वप्नातील घर खरेदी करण्यासाठी उत्सुक सर्व लोक आयसीआयसीआय एचएफसी मध्ये अतिशय मोजकी कागदपत्रे देऊन आपली महत्त्वाकांक्षा पूर्ण करू शकतात. पॅन कार्ड, आधार कार्ड आणि आधीच्या सहा महिन्यांचे बँक स्टेटमेंट सादर करून ग्राहक या सुविधांचे लाभ मिळवू शकतात. व्यावसायिक व व्यापारी आपल्या अत्यावश्यक आर्थिक गरजांसाठी आयसीआयसीआय एचएफसीच्या शाखेमध्ये फक्त एकदा जाऊन गोल्ड लोन मिळवू शकतात. बुलेट रिपेमेंट, कर्जाच्या संपूर्ण कालावधीमध्ये स्थिर व्याज दर आणि कालावधी समाप्त होण्याआधी कर्जाची परतफेड हे विशेष पर्याय गोल्ड लोन योजनेत उपलब्ध आहेत.
ग्राहक आयसीआयसीआय होम फायनान्सच्या जवळच्या शाखेला भेट देऊन ‘महा लोन फेस्टिवल‘ मध्ये ऑफर्सचा लाभ घेऊ शकतात.
शिवाजी नगर शाखा – ११८७/२२, वेंकटेश मेहेर, दुसरा मजला, घोले रोड, पुणे – ४११००५
वाकड शाखा – ऑफिस नंबर १०१, पहिला मजला, फॉर्च्युन बिझनेस सेंटर, अँबियन्स हॉटेलजवळ, कस्पटे वस्ती, वाकड, पुणे – ४११०५७.
आयसीआयसीआय होम फायनान्स कंपनी लिमिटेडचे एमडी व सीईओ श्री. अनिरुद्ध कमानी यांनी सांगितले, “महा लोन फेस्टिवलमध्ये आम्ही अनेक वेगवेगळी उत्पादने आणि लाभ सादर करत आहोत ज्यामुळे अनौपचारिक क्षेत्रातील ग्राहकांच्या गरजा पूर्ण करण्यासाठी आर्थिक पर्याय त्यांना उपलब्ध होत आहेत. कमीत कमी कागदपत्रांसह तातडीने कर्ज दिली जावीत यासाठी आमच्या प्रत्येक शाखेमध्ये स्थानिक प्रतिनिधी नियुक्त करण्यात आले आहेत.”
गृह कर्ज घेणाऱ्या ग्राहकांना प्रधानमंत्री आवास योजनेअंतर्गत (पीएमएवाय) २.६७ लाख रुपयांपर्यंत सबसिडी मिळू शकते. ही अल्प उत्पन्न गट (एलआयजी) आणि मध्यम उत्पन्न गट (एमआयजी – I आणि II) यांना मिळणारी क्रेडिट लिंक्ड सबसिडी स्कीम (व्याजातील सबसिडी) आहे.
कोविड-१९ च्या काळात आपल्या सर्व कर्मचाऱ्यांच्या आणि ग्राहकांच्या सुरक्षेसाठी एमएचए आणि एमओएचएफडब्ल्यूच्या सर्व नियमांचे पालन आयसीआयसीआय होम फायनान्समध्ये केले जात आहे. त्यांच्या सर्वच्या सर्व १३९ शाखांमध्ये सर्व प्रतिबंधात्मक उपाययोजना अंमलात आणल्या जात आहेत. शाखेत प्रवेश करण्याआधी प्रत्येक कर्मचारी आणि इतर सर्व लोकांचे टेम्प्रेचर स्क्रीनिंग, प्रत्येक दोन व्यक्तींदरम्यान सुरक्षित अंतर राहील अशी व्यवस्था, शाखांचे सॅनिटायझेशन, ऑफिसमध्ये ठिकठिकाणी सॅनिटायझर ठेवलेले असणे, ऑफिसमध्ये प्रत्येक व्यक्ती सदासर्वकाळ मास्क्स आणि फेसशिल्ड्स घालून राहील हे पाहणे असे सर्व उपाय काटेकोरपणे केले जात आहेत. त्याचबरोबरीने सर्व संशयित कर्मचाऱ्यांना टेस्ट रिपोर्ट्स येईस्तोवर आयजोलेशनमध्ये ठेवले जाते आणि त्यांना क्वारंटाईन / हॉस्पिटलसंबंधी सर्व मदत पुरवली जाते. आजाराचा प्रसार रोखला जावा यासाठी कॉन्टॅक्ट ट्रेसिंग केले जात आहे.
