खाते कळले की नाही,आदित्य ठाकरेंचा सवाल; तुमच्या बापानेच खाते दिले होते,पाटलांचे उत्तर:म्हणूनच तुम्ही पळून गेला होता, आदित्यांचे प्र्त्युत्तर

मुंबई- विधिमंडळाच्या अर्थसंकल्पीय अधिवेशनाच्या तिसऱ्या दिवशी सभागृहात शिवसेनेच्या ठाकरे गटाचे आदित्य ठाकरे व राज्याचे पाणीपुरवठा मंत्री गुलाबराव पाटील यांच्यात जोरदार खडाजंगी झाली. यावेळी आदित्य ठाकरे यांनी पाटलांना तुम्हाला खाते कळाले की नाही, असा सवाल केला. त्यावर पाटलांनी मला हे खाते तुमच्या बापानेच दिले होते असे प्रत्युत्तर दिले. त्यानंतर आदित्य ठाकरे यांनी म्हणूनच तुम्ही पळून गेला होता, असा खोचक टोला त्यांना हाणला. या प्रसंगाने सभागृहात एकच गदारोळ माजला.

आदित्य ठाकरे आज विधानसभेत चांगलेच आक्रमक दिसून आले. त्यांनी आज राज्याचे पाणी पुरवठा मंत्री गुलाबराव पाटील यांना धारेवर धरले. राज्याच्या मंत्र्यांनी सभागृहात अभ्यास करून यावा. एखाद्या प्रश्नाचे उत्तर माहिती नसेल तर तो राखून ठेवावा. मंत्र्याला सांगा अभ्यास करून उत्तर द्या. पण यामुळे मंत्र्यांना त्यांचे खाते कळाले की नाही हा प्रश्न उपस्थित होते, असे ते गुलाबराव पाटलांना उद्देशून म्हणाले.

आदित्य ठाकरे यांची ही खोचक टिप्पणी गुलाबरावांना चांगलीच जिव्हारी लागली. आदित्य ठाकरे खाली बसल्यानंतर ते लगेच जागेवर उभे राहून म्हणाले, अहो यांच्या बापाला कळले होते, म्हणून त्यांनी मला खाते दिले होते. यावेळी त्यांनी वडिलांऐवजी बाप असा शब्द वापरला. ही चूक लक्षात येताच त्यांनी वडील शब्द वापरून सारवासारव केली. पण या प्रसंगाची म्हणजे गुलाबराव पाटलांनी आदित्य ठाकरेंचा बाप काढल्याची खमंग चर्चा विधिमंडळ परिसरात चर्चा रंगली होती.

उल्लेखनीय बाब म्हणजे शिवसेना एकजूट असताना गुलाबराव पाटील यांच्यासाठी आदित्य ठाकरे यांचा प्रत्येक शब्द शिरसावंद्य असायचा. पण आता शिवसेनेतील बंडखोरीनंतर गुलाबराव पाटील यांनी आदित्य ठाकरे यांचा थेट बाप काढण्याइतपत स्थिती बदलली आहे.

आज विधानसभेत गुलाबराव पाटील हे आपल्या विभागाच्या प्रश्नांना उत्तरे देत होते. पाणी पुरवठा, युरिया, नॅनो युरिया, शेणखत आदी विविध प्रश्नांवर बोलत असताना आदित्य ठाकरे मध्येच बोलण्यास उभे टाकले. ते पाहून गुलाबराव पाटलांनी त्यांना शांत बसण्यास सांगितले. त्यावर ठाकरे गटाच्या आमदारांनी आक्षेप घेतला. यावेळी वाद वाढल्यानंतर अध्यक्षांनी या दोन्ही नेत्यांना शांत राहून आपापल्या जागेवर बसण्याचे निर्देश दिले.

मनसेचा १९ वा वर्धापनदिन मेळावा रविवारी

पिंपरी, पुणे (दि.५ मार्च २०२५) महाराष्ट्र नवनिर्माण सेनेचे संस्थापक अध्यक्ष राज ठाकरे यांच्या उपस्थितीत पक्षाच्या वर्धापन दिनानिमित्त प्रथमच पिंपरी चिंचवड शहरात भव्य मेळाव्याचे आयोजन करण्यात आले आहे. चिंचवड येथील प्रा. रामकृष्ण मोरे प्रेक्षागृहात रविवारी (दि. ९ मार्च) सकाळी ९:३० वाजता, राज ठाकरे यांच्या हस्ते मेळाव्याचे उद्घाटन होणार आहे अशी माहिती मनसे नेते बाळा नांदगावकर यांनी दिली.
बुधवारी पिंपरी येथे आयोजित केलेल्या पत्रकार परिषदेत ते बोलत होते. यावेळी मनसे नेते राजेंद्र उर्फ बाबू वागसकर, मनसे शहाराध्यक्ष सचिन चिखले, मनसे पिंपरी चिंचवड महिला शहराध्यक्ष सीमाताई बेलापूरकर, सचिव रुपेश पटेकर, शहर उपाध्यक्ष राजू सावळे, बाळा दानवले, विशाल मानकरी, विभाग अध्यक्ष दत्ता देवतरासे, मयूर चिंचवडे आदी उपस्थित होते.
नांदगावकर यांनी सांगितले की, ९ मार्च रोजी मनसेचा १९ वा वर्धापनदिन आहे. राज ठाकरे यांच्या उपस्थितीत वर्धापन दिन साजरा करण्याची संधी पिंपरी चिंचवड मध्ये पहिल्यांदाच मिळत आहे. या मेळाव्यात पक्षाची पुनर्बांधणी करण्यासाठी व नवीन पदांची निर्मिती करण्यासाठी राज ठाकरे मार्गदर्शन करणार आहेत.
अबू आझमी नेहमी चुकीची वक्तव्य करून लाईम लाईट मध्ये राहण्याचा प्रयत्न करतात. मीच मुसलमानांचा तारणहार आहे असे भासवण्यासाठी ते अशी वक्तव्य करतात. अबू आझमी यांच्यावर कारवाई करण्याची सर्वपक्षीय मागणी योग्य आहे. धनंजय मुंडे यांनी काल दिलेल्या राजीनाम्या विषयी नांदगावकर यांना प्रश्न विचारला असता नांदगावकर म्हणाले की, धनंजय मुंडे हे उपमुख्यमंत्री अजित पवार यांच्या नेतृत्वाखाली भाजपच्या सरकारमध्ये उपइंजिन म्हणून आहेत. लालकृष्ण अडवाणी यांच्यावर आरोप झाले होते त्यावेळी त्यांनी तात्काळ राजीनामा दिला होता. हा भाजपचा इतिहास आहे. “हे राज्य अराजकतेकडे जात नाही ना ?” असे बाळासाहेब ठाकरे यांचे वाक्य आठवते असेही बाळा नांदगावकर यांनी सांगितले.
छत्रपती शिवाजी महाराज व छत्रपती संभाजी महाराज यांच्या विषयी भविष्यात कोणीही चुकीची वक्तव्य करू नये यासाठी राहुल सोलापूरकर आणि कोरटकर यांच्यावर गृहमंत्री तथा मुख्यमंत्री यांनी कडक कायदेशीर कारवाई करावी अशी मागणी नांदगावकर यांनी केली. चिंचवड येथे होणार्‍या ९ मार्चच्या मेळाव्याची पूर्ण तयारी झाली असून नव्या उमेदीने राज्यभर पक्ष बांधणीस पुन्हा सुरुवात करण्यात येणार असल्याचेही नांदगावकर यांनी यावेळी सांगितले.

मुंबई- शिवसेना उद्धव बाळासाहेब ठाकरे पक्षाचे पक्षप्रमुख उद्धव ठाकरे यांनी बुधवारी आमदारांना छावा चित्रपट दाखवण्याच्या मुद्यावरून उपमुख्यमंत्री एकनाथ शिंदे व त्यांच्या शिवसेनेवर निशाणा साधला. गद्दारांना छावा चित्रपट दाखवलाच पाहिजे. विशेषतः सूरतेला पळून गेलेल्यांना छत्रपती शिवाजी महाराजांनी सूरत कशी लुटली होती हे दाखवण्यासाठी त्यांचाही चित्रपट दाखवला पाहिजे, असे ते म्हणालेत.

उद्धव ठाकरे यांनी आज अर्थसंकल्पीय अधिवेशनाला हजेरी लावली. यावेळी त्यांनी आपल्या पक्षासह महाविकास आघाडीतील नेत्यांच्या भेटीगाठी घेतल्या. त्यानंतर पत्रकारांशी संवाद साधताना त्यांनी आमदारांना छावा चित्रपट दाखवण्याच्या मुद्यावरून सरकारचे कौतुक करत एकनाथ शिंदे व त्यांच्या सहकाऱ्यांवर निशाणा साधला. आमदारांना छावा चित्रपट दाखवण्याच्या संकल्पनेचे मी स्वागत करोत. संभाजी महाराजांवरील छावा चित्रपट दाखवत आहेत. ही चांगली गोष्ट आहे.पण शिवाजी महाराज यांच्यावरील चित्रपटही दाखवला गेला पाहिजे. आपल्या महाराजांनी सूरत कशी लुटली होती हे सूरतेला पळून गेलेल्यांना दाखवले पाहिजे. त्यांना त्यांचे शौर्य दाखवले पाहिजे. मेलो तरी बेहत्तर, पण त्यांनी धर्म बदलला नाही. त्यामुळे आपल्या संभाजीराजांचा चित्रपट गद्दारांना दाखवलाच पाहिजे, असे ते म्हणाले.

उद्धव ठाकरे यांनी यावेळी मोगल बादशहा औरंगजेब याचे कौतुक केल्याप्रकरणी निलंबनाची कारवाई झालेल्या सप आमदार अबू आझमी यांच्यावरही भाष्य केले. अबू आझमी यांचे निलंबन किती दिवसांसाठी करण्यात आले हे महत्त्वाचे आहे. कारण, हे निलंबन अधिवेशनापुरते नव्हे तर संपूर्ण 5 वर्षांसाठी करण्याची गरज होती, असे ते म्हणाले.उद्धव ठाकरे यांनी यावेळी विधान परिषदेच्या उपसभापती नीलम गोऱ्हे यांच्या निलंबनाचीही मागणी केली. नीलम गोऱ्हे यांच्याविरोधात अविश्वास प्रस्ताव सादर करण्यास आमच्याकडून उशीर झाला. आत्तापर्यंत त्या निलंबित होण्याची गरज होती. याच अधिवेशनात त्यांच्यावरील अविश्वास प्रस्तावावर चर्चा होण्याची अपेक्षा आहे. आम्ही ज्या कारणांसाठी अविश्वास प्रस्ताव दाखल केला, ती कारणे तुमच्यासमोर येतील. याशिवाय पक्षांतर हा देखील विषय आहे, असे ते म्हणाले.दरम्यान, नीलम गोऱ्हे यांच्या मर्सिडीजच्या विधानावर बोलताना उद्धव ठाकरे यांनी माझ्या शिवसेनेच्या महिला रणरागिणी व शिवसैनिकांनी त्यांना योग्य ते प्रत्युत्तर दिल्याचे स्पष्ट केले.

सत्ताधारी भाजपा सदस्यांचाच सभागृहात गोंधळ; बहुमताच्या जोरावर गोंधळ घालणारे ‘गोंधळी सरकार’.

मुंबई, दि. ५ मार्च २५
भाजपाच्या विचाराचे जे मुळ आहे त्यांनी छत्रपती शिवाजी महाराज व संभाजी महाराज यांचा सातत्याने अपमानच केला आहे. हा प्रकार पूर्वीपासून आजपर्यंत चालत आला आहे. समाजवादी पक्षाचे आमदार अबू आझमी यांच्यावर कारवाई केली जाते मग छत्रपती शिवाजी महाराज यांचा अपमान करणाऱ्या प्रशांत कोरटकर व राहूल सोलापुरकरवर सरकार कारवाई का करत नाही? छत्रपतींचा अपमान करणाऱ्यांवर कारवाई करण्याचे धाडस मुख्यमंत्र्यांनी दाखवावे, असे आव्हान ज्येष्ठ काँग्रेस नेते नाना पटोले यांनी दिले आहे.

विधानभवन परिसरात प्रसार माध्यमांशी बोलताना नाना पटोले म्हणाले की, केंद्रात व राज्यातील भाजपा सरकार हे संविधानाला मानत नाही, ते धर्माच्या आधारावर भूमिका घेऊन कारवाई करते. मुख्यमंत्री देवेंद्र फडणवीस यांनी आज सभागृहात इतिहासातील काही घटनांचा उल्लेख केला पण आज वर्तमानात जे घडले आहे त्याचा विचार मुख्यमंत्री का करत नाहीत? छत्रपती शिवाजी महाराजांचा अपमान करणाऱ्यावर कारावई करण्याचा मुद्दा उपस्थित झाल्यावर सत्ताधारी भाजपाच्या सदस्यांनी वेलमध्ये येऊन गोंधळ घातला. छत्रपती शिवाजी महाराजांचा अपमान करणाऱ्या व्यक्तींचे समर्थन सत्ताधारी भाजपा आमदार करत आहेत का? असा प्रश्न उपस्थित करत अधिवेशन चालवण्याची जबाबदारी सरकारची आहे पण गोंधळ घालणाऱ्या पक्षाचे हे ‘गोंधळी सरकार’ आहे, असेही नाना पटोले म्हणाले.

एका प्रश्नाला उत्तर देताना नाना पटोले म्हणाले की, यवतमाळ जिल्ह्यातील महिलांच्या एका कार्यक्रमातील भ्रष्टाचाराला तत्कालीन मुख्यमंत्री व आत्ताचे नगरविकास तथा उपमुख्यमंत्री एकनाथ शिंदे हेच जबाबदार आहेत असे प्रतिज्ञापत्र राज्याच्या मुख्य सचिव सुजाता सौनिक यांनी सादर केले आहे. अशा प्रकारे मुख्य सचिवांनी माजी मुख्यमंत्र्यांविरोधात प्रतिज्ञापत्र सादर करण्याची महाराष्ट्रातील ही पहिली घटना आहे. आम्ही विधानसभेत हा प्रश्न उपस्थित करणार आहोत, सरकारने यावर उत्तर दिले पाहिजे, असेही नाना पटोले म्हणाले.

कृषी मंत्री माणिकराव कोकाटे यांच्या मुद्द्यावर बोलताना नाना पटोले म्हणाले की, राहुल गांधी यांच्या प्रकरणात भाजपा सरकारने अत्यंत जलद गतीने कारवाई करत त्यांचे लोकसभा सदस्यत्व रद्द केले आणि त्यांना सरकारी घरही तातडीने खाली करायला लावले. राहुल गांधी यांच्यासाठी वेगळा कायदा व माणिकराव कोकाटे यांच्यासाठी वेगळा कायदा, असे दुतोंडी सापासारखे भाजपा वागत आहे. आज शिक्षेला स्थगिती आणली आहे पण ज्या दिवशी शिक्षा ठोठावली त्यावेळीच कोकाटे यांचा राजीनामा घेऊन सदस्यत्व रद्द का केले नाही? असा प्रश्न पटोले यांनी विचारला आहे.

मुंबई -मुख्यमंत्री माझी लाडकी बहीण योजनेवर (Ladki Bahin Yojana )विधानपरिषदेत वादळी चर्चा सुरु आहे. विरोधी पक्षांकडून शिवसेना उद्धव बाळासाहेब ठाकरे पक्षाचे आमदार अनिल परब ( Anil Parab), काँग्रेसचे आमदार सतेज पाटील, राष्ट्रवादी काँग्रेस पार्टी शरदचंद्र पवार पक्षाचे आमदार शशिकांत शिंदे यांनी प्रश्न विचारले. तर महिला व बालविकास विभागाच्या मंत्री आदिती तटकरे (Minister Aditi Tatkare) यांनी त्यांच्या प्रश्नांची उत्तरं दिली आहेत. अनिल परब आणि सतेज पाटील यांनी 2100 रुपयांच्या संदर्भात प्रश्न विचारले असता जाहीरनामा 5 वर्षांचा असतो असं उत्तर अदिती तटकरे यांनी दिलं. आहे

लाडकी बहीण योजनेबद्दल आम्ही दर दिवशी बोलत असतो. ही लक्षवेधी लाडक्या बहिणींची आहे. किती बहिणी अपात्र होणार आहेत किंवा निकष आधी का लावले गेले नाहीत? असा प्रश्न करत शिवसेना ठाकरे गटाचे आमदार अनिल परब यांनी सरकारला धारेवर धरले. या योजनेसाठी जी तरतूद गरजेचे होती, ती केली गेली का? पण आता महिलांना अपात्र करत आहात. नमो शेतकरी आणि लाडकी बहीण योजना दोन्हीचा लाभ काही महिला घेत आहेत. म्हणजे सरकारची फसवणूक केली जात आहे. यावर सरकार काय कारवाई करणार असा सवाल देखील परब यांनी उपस्थित केला. सरकार कारवाई करणार का? ज्या अधिकाऱ्यांनी सरकारच्या पैशांचा अपव्यय केला आहे, ते दोन्ही लाभ देऊन त्यांच्यावर काय कारवाई करणार आहात? असा सवालही त्यांनी केला. अर्थसंकल्पावेळी लाडक्या बहिणांनी 2100 रुपये देऊ अशी घोषणा केली होती, ते 2100 रुपये कधी देणार असा सवालही परब यांनी उपस्थित केला होता.

राज्याचे मुख्यमंत्री देवेंद्र फडणवीस यांनी येत्या अधिवेशनाच्या कालावधीत किंवा अर्थसंकल्पामध्ये आपण 2100 घोषित करु अशा पद्धतीचं वक्तव्य कुठंही केलं नाही असे अदिती तटकरे म्हणाल्या. राज्य सरकार एखादी योजना जाहीर करत असतो. 100 टक्के देणार, जाहीरनामा हा पाच वर्षांचा असतो, या अर्थसंकल्पात 2100 अशा पद्धतीचं वक्तव्य कुठंही केलेला नाही. जाहीरनामा पाच वर्षांसाठी जाहीर केला जातो. योग्य पद्धतीनं त्यासंदर्भातील प्रस्ताव विभाग म्हणून शासन आणेल. मुख्यमंत्री, दोन्ही उपमुख्यमंत्री, मंत्रिमंडळ ज्यावेळी सूचित करेल त्यावेळी तशा प्रकारचा प्रस्ताव विभाग तयार करेल असे सुळे म्हणाल्या.

लाडकी बहिण योजना ही महायुती सरकारची सर्वात महत्वाची योजना आहे असं अदिती तटकरे म्हणाल्या. आधीपासून टीका होत राहिली पण महिलांनी चांगला प्रतिसाद दिला आहे.

2 कोटी 63 लाख अर्ज प्राप्त झाले आहेत. तपासणीची प्रक्रिया ऑगस्टपासून आम्ही सुरुवात केली होती. संजय गांधी निराधार योजनेतील डेटा आम्हाला प्राप्त झाला, त्यात 1 लाख 97 हजार महिलांचा डेटा आला आहे. ही प्रक्रिया सुरु होती म्हणून तसे अर्ज झाले तसा डेटा प्राप्त होत गेला. सप्टेंबरमध्ये जेव्हा अर्ज भरले गेले तेव्हा 2 लाख 54 हजार निराधार योजनेचा डेटा आम्हाला मिळाला असल्याचे अदिती तटकरे म्हणाल्या. ऑक्टोबर डिसेंबरमध्ये आचारसंहिता होती म्हणून तपासणी प्रक्रिया बंद होती. डेटा आम्ही स्वतः परस्पर करत नाही. इतर विभागाकडून आम्हाला डेटा येतो असेही तटकरे म्हणाल्या. त्या त्या पद्धतीने कारवाई करत आम्ही गेलो.

लाडक्या बहिणीचा जुलै आणि ऑगस्ट महिन्यात हप्ते काढले होते त्यावेळी देखील निकषात बदल केले नव्हते. स्थानिक पातळीवर आम्हाला जशा तक्रारी आल्या, तशी करवाई आम्ही करत गेलो असे तटकरे म्हणाल्या. RTO वरुन जो डेटा मिळाला तशी कारवाई केली गेली आहे. जुलैमध्ये 5 लाख महिला अशा होत्या ज्यांचं आधार कार्ड बँकेशी लिंक नव्हते. तेव्हा आपण आधी प्रक्रिया सुरु केली. त्यानंतर महिलांना खात्यात लाभ दिला गेला असेही तटकरे म्हणाल्या. 21 ते 65 वय असणाऱ्या महिलांसाठी ही योजना आहे. 65 नंतरच्या महिला बाद केल्या जातील असेही तटकरे म्हणाल्या.