पुणे : २४ मार्च २०२५

एका वयोवृद्ध विधवा महिलेने आपल्या हक्कांसाठी केलेल्या संघर्षाला अखेर यश आलेय , करारानुसार घराचा ताबा वेळेत न दिल्याने तसेच करारात नमूद केलेल्या सुविधा न पुरवल्याने, न्यायालयाने बिल्डर अलीअसगर याच्याविरोधात FIR नोंदवण्याचा आदेश दिला आहे वयोवृद्ध महिलेच्या वतीने न्यायालयात अ‍ॅड.क्रांती सहाणे, अ‍ॅड सुरज जाधव, अ‍ॅड स्वप्नील गिरमे, अ‍ॅड आदिल दातरांगे, अ‍ॅड नेहा पिसे, अ‍ॅड नुपूर अरगडे, अ‍ॅड सागर मांढरे, यांनी बाजू मांडली.

ही वयोवृद्ध महिला एका मोठ्या आशेने घर घेण्यासाठी पुढे आली होती. वृद्धापकाळी आधार मिळावा, सुरक्षित घर मिळावे, आयुष्यभराच्या कष्टाची काहीतरी शाश्वती असावी या आशेने घर घ्यायला निघालेल्या या महिलेच्या स्वप्नांवर बिल्डरच्या फसवणुकीमुळे पाणी फिरले. वेळीच घराचा ताबा न मिळाल्याने, तसेच करारातील सुविधा न दिल्याने तिच्यासारख्या अनेक सदनिके धारकांना अन्याय सहन करावा लागत आहे.

६० वर्षीय विधवा महिलेने बिल्डरविरोधात न्यायालयात याचिका दाखल करून लढण्याचा निर्णय घेतला. पोलिसांनी कारवाई करण्यास टाळाटाळ केली, पण न्यायालयाच्या आदेशाने अखेर २२ मार्च २०२५ रोजी अलीअसगर आयसक्रीमवाला बिल्डरविरोधात FIR नोंदवण्यात आली.

फसवणूक करणाऱ्या बिल्डर्ससाठी धडा–या महिलेच्या न्यायासाठी केलेल्या लढ्याने पुन्हा एकदा सिद्ध केले की, अन्यायाविरोधात आवाज उठवणाऱ्या प्रत्येकाला न्याय मिळू शकतो. फक्त योग्य मार्गाने संघर्ष करण्याची तयारी हवी!”ही कारवाई म्हणजे फसवणूक करणाऱ्या बिल्डर्ससाठी धडा आहे! सामान्य लोकांचे हक्क हिरावणाऱ्या बिल्डर्सला आता जबाबदारी स्वीकारावीच लागेल. या महिलेसारख्या असंख्य ग्राहकांची स्वप्ने चिरडली जात आहेत, आणि आम्ही ते होऊ देणार नाही!”
— अ‍ॅड. तोसिफ शेख

पुणे, दि. २४: महाराष्ट्र शिक्षक पात्रता परीक्षेतील निकाल राखीव ठेवण्यात आलेल्या ७८६ उमेदवारांचे म्हणणे २५ मार्च ते दिनांक ४ एप्रिल २०२५ या कालावधीत ऐकून घेण्यात येणार असून उमेदवारांनी सुनावणीसाठी आपल्याला दिलेल्या तारखेला सकाळी ११ वाजता महाराष्ट्र राज्य परीक्षा परिषदेच्या कार्यालयात उपस्थित रहावे, असे कळविण्यात आले आहे.

१० नोव्हेंबर २०२४ रोजी झालेल्या महाराष्ट्र शिक्षक पात्रता परीक्षेतील ७८६ उमेदवारांचा निकाल राखीव ठेवण्यात आला होता. त्या अनुषंगाने सुनावणीसाठी उपस्थित रहाण्याबाबतचे नियोजन उमेदवारांच्या ई-मेल, एस.एम.एस. व परीक्षार्थींच्या लॉगिनवर उपलब्ध करून देण्यात आले आहे. उमेदवारांनी या सुनावणीस स्वखर्चाने उपस्थित रहावे. दिलेल्या दिवशी समक्ष हजर न राहिल्यास सदर प्रकरणी उमेदवाराला काही सांगावयाचे नाही असे गृहीत धरून त्याबाबत उपलब्ध पुराव्याच्या आधारे निर्णय घेण्यात येईल व तो निर्णय बंधनकारक राहील याची नोंद घ्यावी.

सुनावणीच्या वेळी आधारकार्ड, शिक्षक पात्रता परीक्षा २०२४ मधील उत्तरपत्रिकेची कार्बन प्रत, परीक्षेचे प्रवेशपत्र, पुराव्यासाठी परीक्षेच्या संदर्भातील आवश्यक असलेले अनुषंगिक सर्व कागदपत्रे, गुणपत्रक प्रमाणपत्र तसेच चालक परवाना, बैंक पासबुक, निवडणूक ओळखपत्र पासपोर्ट यापैकी कोणतेही एक छायाचित्र ओळखपत्र यासह स्वतः उपस्थित राहावे. सुनावणीच्या वेळी उमेदवाराच्यावतीने अन्य कोणालाही उपस्थित राहता येणार नाही, याची नोंद घ्यावी, असे परिषदेच्या आयुक्त अनुराधा ओक यांनी कळविले आहे.

पुणे, दि . २४ मार्च २०२५ : महापारेच्या उर्से-चवड २२० केव्हीव्हीव्हीवाहिनीमध्ये (दि २४) ब्रेक १.३९ लोकल ट्रिपिंग आती पीजीसीआयएल तळेगाव ते चाकण ४०० केव्हीव्हीवाहिनीमध्ये वीजभार विकासला. सार्वजनिक भार व्यवस्थापन एलएस ( लोड ट्रायिंग स्कीम ) यंत्रणा कार्यान्वित शेअर्सचा समूह चाकण एमआयडीसी व मालकी ८००दाब उच्च लघुदाब ४ हजार लघुदाब तसेच ३५ हजार व्यावसायिक आणि इतर ग्राहक वीज ग्राहक २६ ते ३९ मिनिटे बंद होते.

खाली माहिती अशी की महापारेषणाच्या-चिंचवड २२० केव्ही वीजवाहिनीमध्ये आज उर १.३९ लोक ट्रिपिंग आले. ते १६३ मेगावॅट विजेची तू निर्माण व पीजीसीआयएल तळेगाव ते चाकण ४०० केव्ही वीजवाहिनीचा वीजभार वाढवला. पारेषणातील संभाव्य धोके राज्यातील विद्युतभार व्यवस्थापन एलटीएस ( लोड ट्रिमिंग योजना ) यासाठी यंत्रणा कार्यान्वित आणि चाकण आयोजक महापारेषण चाकण ४०० केव्ही, चाकण फेज २२० केव्ही व ब्रीजस्टोन २२० केव्हीसी अतिउच्चदाब उपकेंद्रांना वीजपुरवठा बंद. महावितरणच्या आयडीसीमधील ३४ उपकेंद्राचाही व्हिडिओ एम बंद आणि चाक आयडीसी व ट्रेडमार्कगाव, सावरदरी वराळे, वासुली, येलवाडी, खालंब्रे, संगी, एमआयडीसी फेज, भांबोरी, सारा, सिटी दोन, नाणेकरवाडी, आळंदी फांदी, भोजे, मोई आदि गाव ८०० उच्चदाब ४ हजार लघुदाब औद्योगिक ग्राहक तसेच सुमारे ३५ हजार कार्यकर्ते निघाले आणि व्यावसायिक ग्राहकांना आज पावणे पावणे दोनच्या सुमारास २६ ते ३९ मिनिटे टिकट.

पुणे, दि. २४ मार्च २०२५: कायमस्वरुपी वीजपुरवठा खंडित असलेल्या ग्राहकांना केवळ मूळ थकबाकीच्या रकमेचा एकरकमी किंवा सहा हप्त्यांत भरणा करून थकबाकीमुक्ती व पुनर्वीजजोडणीची संधी देणाऱ्या महावितरण अभय योजनेला आता केवळ सात दिवस उरले आहेत. येत्या ३१ मार्चला या योजनेची मुदत संपत आहे. पुणे परिमंडलामध्ये आतापर्यंत उच्च व लघुदाबाच्या १० हजार ३०६ ग्राहकांनी २७ कोटी ६४ लाख रुपयांचा भरणा करून थकबाकीमुक्ती मिळवली आहे.

मा. सर्वोच्च न्यायालयाच्या निकालानुसार, वीजबिलांची थकबाकी असलेल्या एखाद्या जागेची मालकी बदलल्यानंतर देखील नवीन जागामालक किंवा ताबेदारांना थकबाकीची रक्कम भरावी लागेल. त्यामुळे जागा वापरासह नवीन वीजजोडणीची गरज असो किंवा नसो, जागेवरील वीजबिलांच्या थकबाकीतून मुक्त होण्याची संधी महावितरणच्या अभय योजनेअंतर्गत घरगुती, वाणिज्यिक, औद्योगिक व इतर अकृषक ग्राहकांना येत्या दि. ३१ मार्चपर्यंत उपलब्ध आहे. त्यामुळे या योजनेचा त्वरित लाभ घ्यावा असे आवाहन मुख्य अभियंता श्री. राजेंद्र पवार यांनी केले आहे.

       पुणे परिमंडलामध्ये अभय योजनेसाठी ११ हजार ९९७ वीजग्राहकांनी अर्ज दाखल केले आहे. त्यातील ९ हजार ४६४ ग्राहकांनी २३ कोटी ३८ लाखांचा एकरकमी भरणा केला आहे तर ८४१ ग्राहकांनी हप्त्यांमधील ४ कोटी २६ लाख रुपयांचा भरणा केला आहे. यातील ४ हजार २२७ ग्राहकांकडे वीजपुरवठा सुरु करण्यात आला असून २ हजार ५१३ ग्राहकांनी नवीन वीजजोडणीची मागणी केली आहे तर ५ हजार २५७ ग्राहकांनी विजेची गरज नसतानाही या योजनेतून थकबाकीमुक्तीला प्राधान्य दिले आहे. 

या योजनेत दि. ३१ मार्च २०२४ पर्यंत कायमस्वरुपी वीजपुरवठा खंडित झालेल्या ग्राहकांना वीजबिलांच्या थकबाकीमुक्तीसाठी सहभागी होता येईल व योजनेची मुदत दि. ३१ मार्च २०२५ पर्यंत आहे. कृषी व सार्वजनिक पाणीपुरवठा योजना वगळून उर्वरित घरगुती, वाणिज्यिक, औद्योगिक व इतर वीजग्राहकांसाठी ही योजना आहे. यामध्ये व्याज व विलंब आकार १०० टक्के माफ होत असून ग्राहकांना केवळ मूळ थकबाकीचा भरणा करावा लागत आहे. तसेच मूळ थकबाकीचा एकरकमी भरणा केल्यास त्यात लघुदाब ग्राहकांना आणखी १० टक्के तर उच्चदाब ग्राहकांना ५ टक्के सूट मिळत आहे. किंवा मूळ थकबाकीची सुरवातीला ३० टक्के रक्कम भरून उर्वरित ७० टक्के रक्कम व्याजमुक्त सहा हप्त्यांत भरण्याची देखील सोय आहे.

या योजनेत सहभागी होण्यासाठी महावितरणची www.mahadiscom.in ही वेबसाईट व मोबाईल अॅपद्वारे योजनेत सहभागी होण्याची व थकबाकी भरण्याची सोय उपलब्ध आहे. तसेच योजनेचा लाभ घेण्यासाठी व अधिक माहितीसाठी नजीकच्या महावितरण कार्यालयात संपर्क साधावा असे आवाहन करण्यात आले आहे.

पुणे, दि. २४ मार्च २०२५: वारंवार आवाहन करूनही थकीत वीजबिलांचा भरणा न केल्यामुळे पुणे परिमंडलामध्ये गेल्या २४ दिवसांत २५ हजार ४३४ थकबाकीदारांचा वीजपुरवठा खंडित करण्यात आला. सद्यस्थितीत घरगुती, व्यावसायिक व औद्योगिक वीजग्राहकांकडे अद्यापही ८८ कोटी ४५ लाख रुपयांची थकबाकी आहे. ही थकबाकी वसूल करण्यासाठी वीजपुरवठा खंडित करण्याची मोहीम आणखी तीव्र करण्यात आली आहे. थकीत वीजबिलांचा ताबडतोब भरणा करावा असे आवाहन महावितरणकडून करण्यात आले आहे.

महावितरणची संपूर्ण आर्थिक मदार ग्राहकांकडील वीजबिलांच्या दरमहा वसूलीवरच आहे. वीजबिलांच्या वसूलीमधूनच वीजखरेदीसह विविध देणी दरमहा द्यावी लागतात. त्यामुळे थकीत वीजबिलांच्या वसूलीला मोठा वेग देण्यात आला आहे. स्वतः मुख्य अभियंता श्री. राजेंद्र पवार परिमंडलात विविध ठिकाणी दौरे करून शाखा कार्यालयांपर्यंत थकबाकी वसूलीचा आढावा घेत आहेत. थकबाकीमुळे वीजपुरवठा खंडित करणे व खंडित केलेल्या वीजजोडण्यांची तपासणी करण्यासाठी अधीक्षक अभियंते युवराज जरग, सिंहाजीराव गायकवाड, रवींद्र बुंदेले (प्र.) यांच्यासह सर्व कार्यकारी अभियंते व इतर अधिकारी, कर्मचारी सध्या ‘ऑन फिल्ड’ आहेत.

पुणे शहरात एकूण घरगुती, व्यावसायिक व औद्योगिक वीजग्राहकांकडे ४० कोटी ९ लाख रुपयांची थकबाकी आहे. गेल्या २४ दिवसांमध्ये १० हजार १७७ थकबाकीदारांचा वीजपुरवठा खंडित करण्यात आला. तर पिंपरी चिंचवड शहरात घरगुती, व्यावसायिक व औद्योगिक वीजग्राहकांकडे १८ कोटी ४० लाख रुपयांची थकबाकी आहे. त्यातील ७ हजार ७९६ थकबाकीदारांचा वीजपुरवठा खंडित करण्यात आला. तसेच ग्रामीण भागातील आंबेगाव, जुन्नर, मावळ, खेड, मुळशी, राजगड, हवेली तालुक्यांमध्ये घरगुती, व्यावसायिक व औद्योगिक वीजग्राहकांकडे २९ कोटी ९६ लाख रुपयांची थकबाकी आहे. त्यातील ७ हजार ४६१ ग्राहकांचा वीजपुरवठा गेल्या २४ दिवसांत खंडित करण्यात आला.

वीजग्राहकांनी थकबाकीचा त्वरीत भरणा करावा व वीजपुरवठा खंडित करण्याची कटू कारवाई टाळावी असे आवाहन महावितरणकडून करण्यात आले आहे. सोबतच लघुदाब वीजग्राहकांना बिलांचा घरबसल्या भरणा करण्यासाठी www.mahadiscom.in  वेबसाईट व मोबाईल अॅपद्वारे ‘ऑनलाईन’ सोय उपलब्ध आहे.

अभिनेत्री, गायिका पुष्पा चौधरी करणार विश्वविक्रम : सलग चार तासाहून अधिक वेळ सादर करणार लावणी गीते ; स्वामिनी म्युझिक डान्स अँड अ‍ॅक्टींग अकॅडमी यांच्यातर्फे आयोजन

पुणे : लावणीच्या समृद्ध परंपरेला जागतिक पातळीवर नेण्यासाठी अभिनेत्री गायिका आणि सामाजिक कार्यकर्त्या पुष्पा प्रदीप चौधरी अनोखा विश्वविक्रम करणार आहेत. सलग ५१ लावणी गीतांचे सादरीकरण करून ‘वर्ल्ड रेकॉर्डस इंडिया’ आणि वंडर बुक ऑफ रेकॉर्ड इंटरनॅशनल’ मध्ये विक्रम नोंदविण्यासाठी त्या सज्ज आहेत. विश्वविक्रमाचा हा सोहळा बुधवार, दिनांक २६ मार्च रोजी सकाळी ९.३० ते दुपारी ३ वाजेपर्यंत कोथरूड मधील यशवंतराव चव्हाण नाट्यगृहात होणार आहे, अशी माहिती पुष्पा चौधरी यांनी पत्रकार परिषदेत दिली.

पत्रकार परिषदेला रत्ना दहीवेलकर, अनिरुद्ध हळंदे उपस्थित होते. स्वामिनी म्युझिक, डान्स अँड अ‍ॅक्टींग अकॅडमी वारजे यांनी कार्यक्रमाचे आयोजन केले आहे.

मराठी लावणी ला जागतिक पातळीवर नेण्यासाठी पुष्पा चौधरी यांनी या विश्वविक्रमासाठी पुढाकार घेतला आहे. कार्यक्रमाला ज्येष्ठ कलाकार लीला गांधी, सुरेखा पुणेकर, माया खुटेगावकर, श्वेता शिंदे, माधुरी पवार, प्राजक्ता गायकवाड, प्रतीक्षा जाधव, आरती शिंदे यांच्यासह अनेक मान्यवर उपस्थित राहणार आहेत. चित्रपट महामंडळाचे अध्यक्ष मेघराज राजे भोसले, सिद्धेश्वर झाडबुके, सुरेश विश्वकर्मा, प्रदीप कोथमीरे तसेच कला व सामाजिक क्षेत्रातील मंडळी याशिवाय वॅलेंटिना ग्रुप आॅफ इंडस्ट्रीजचे विश्वस्त देखील उपस्थित राहणार आहेत.  

पुष्पा चौधरी म्हणाल्या, मराठी लावणी कला व संगीत जगभर पोहोचावे यासाठी मी माझ्या आवाजाच्या माध्यमातून विविध ५१ लावण्यांचे बोल व गाणी न थांबता सलग सादर करणार आहे. जागतिक विक्रमामध्ये नोंद होण्यासाठी मराठी लावण्या गाण्याचा मानस आहे. यासाठी आवश्यक वेळ चार तासांपेक्षा जास्त असणार आहे. तरी पुणेकरांनी या विश्वविक्रमाचे साक्षीदार होण्यास उपस्थित रहावे, असे आवाहनही त्यांनी केले आहे.

पुणे, २४ मार्च २०२५ – सिंबायोसिस सेंटर फॉर डिस्टन्स लर्निंग (एस सी डी एल), जानेवारी २०२५ बॅचसाठी प्रवेश जवळपास बंद होणार आहेत. अर्ज करण्याची अंतिम तारीख २५ मार्च २०२५ आहे. २५ वर्षांहून अधिक काळ, एस सी डी एल हे व्यावसायिक, उद्योजक, विद्यार्थ्यांसाठी सुलभ आणि लवचिक शिक्षण प्रदान करण्यात अग्रणी राहिले आहे. ४०+ उद्योग-समर्पित अभ्यासक्रमांसह विविध अभ्यासक्रमांची विस्तृत श्रेणी असलेली ही संस्था, विविध क्षेत्रांतील करिअरच्या आकांक्षा पूर्ण करण्यासाठी कार्यरत आहे. भारताच्या प्रमुख डिस्टन्स लर्निंग संस्थांपैकी एक म्हणून ओळखल्या जाणाऱ्या एस सी डी एल चे ८००,००० पेक्षा अधिक माजी विद्यार्थी आहेत तसेच व्यावसायिकांचे प्रबळ नेटवर्क आहे. एस सी डी एल येथील शिक्षण उदयॊग मानकांशी सुसंगत राहण्यासाठी बनवले गेले आहे, त्यामुळे अनेक क्षेत्रांमध्ये या शिक्षणासाठी विस्तृत मान्यता आहे.

व्यवसायाभिमुख शिक्षण, तुमच्या व्यावसायिक जीवनात यश प्राप्त करण्यासाठी –

एस सी डी एल उद्योगाच्या मागण्या लक्षात ठेवून विस्तृत श्रेणी सह ४०+ व्यापक शिक्षण प्रदान करते, ज्यामुळे विद्यार्थ्यांना व्यवसाय, तंत्रज्ञान आणि व्यवस्थापनासारख्या विविध क्षेत्रांमध्ये आवश्यक कौशल्य मिळते.

काही प्रमुख कार्यक्रम :

पी जी डिप्लोमा
बिझनेस ऍडमिनिस्ट्रेशन (एक्सिक्युटिव्ह पीजीडीएम स्पेशलायझेशन्स)
ह्युमन रिसोअर्स मॅनेजमेंट
डेटा सायन्स आणि ऑनालिटिक्स
बँकिंग आणि फायनन्स
इन्फॉर्मेशन टेक्नोलॉजी आणि सप्लाय चेन मॅनेजमेंट

पी जी सर्टिफिकेट (विशेष कौशल्यासाठी शॉर्ट-टर्म कोर्सेस)

• डिजिटल मार्केटिंग
• प्रोजेक्ट मॅनेजमेंट

•बिझनेस ऑनालिटिक्स

कॉर्पोरेट आणि उद्योग-आधारित शिक्षण –

• एस सी डी एल हे आयबीएम, विप्रो, आणि इन्फोसिस सारख्या प्रमुख संस्थांसोबत सहकार्य करते आणि व्यावसायिकांसाठी अनुकूलित शिक्षण विकसित करते. हे कार्यक्रम आयटी, बँकिंग, हेल्थकेअर, आणि मॅन्युफॅक्चरिंगसारख्या उद्योगांमध्ये काम करणाऱ्या कर्मचार्‍यांना त्यांच्या कौशल्यांमध्ये वाढ करण्यासाठी मदत करतात, जेणेकरून ते झपाट्याने बदलणाऱ्या वातावरणात स्पर्धात्मक राहू शकतात.

कधीही, कुठेही शिका – अत्याधुनिक डिजिटल शिक्षण

• एस सी डी एल विद्यार्थ्यांना सुलभ शिक्षण प्रदान करते, जे मोबाइल-अनुकूल प्लॅटफॉर्मवर उपलब्ध आहे.
• विद्यार्थ्यांना संवादात्मक कोर्स सामग्री, सुसज्ज लर्निंग मॅनेजमेंट सिस्टम (LMS) द्वारे प्रवेश मिळवता येतो
• लाइव्ह आणि रेकॉर्ड केलेले लेक्चर्स मोबाइलवर
• AI-आधारित प्रॉक्टर्ड परीक्षा आणि व्हर्च्युअल क्लासरूम्स
• फॅकल्टी, सहली व उद्योग तज्ञांशी नेटवर्किंग

एस सी डी एल का निवडावे ?

• आउटलुक – प्रथम क्रमांक असणारी डिस्टन्स लर्निंग संस्था
• 800,000+ जागतिक विद्यार्थ्यांचे नेटवर्क
• परवडणाऱ्या फीमध्ये विस्तृत तज्ञ कोर्सेस
• पदवीधारक किंवा कामकाजी व्यावसायिकांसाठी 25% सरासरी पगार वाढ
• एस सी डी एलला चा सर्व उद्योगांमध्ये उच्च मान्यता

•शिक्षणा करीत भारतासह यूएई, संयुक्त राष्ट्र, केनिया इत्यादी विविध देशांतील विद्यार्थी

पुणे, २४ मार्च २५ – सिंबायोसिस स्कील्स ॲन्ड प्रोफेशनल युनिव्हर्सिटी, पुणे (SSPU) ने ॲलेन युनिव्हर्सिटी, जर्मनी सोबत विद्यार्थ्यांच्या शैक्षणिक मार्गदर्शना करीता चर्चा सत्राचे आयोजन केले होते. आज ॲलेन युनिव्हर्सिटीच्या अधिकाऱ्यांनी सिंबायोसिस स्कील्स ॲन्ड प्रोफेशनल युनिव्हर्सिटीला भेट दिली.

ॲलेन युनिव्हर्सिटीतील, मिरियम कोल्मर-ट्रायनी (एमए), आंतरराष्ट्रीय संबंध आणि संशोधन विपणन तज्ञ, आणि प्रा. डॉ. अंजा डायकमन यांनी शिष्यवृत्तींबद्दल मौल्यवान माहिती दिली. या वेळी मेजर सोनाली कदम (निवृत्त) आणि राघवन संथानम, संचालक – स्कूल ऑफ पोर्ट्स, टर्मिनल मॅनेजमेंट, लॉजिस्टिक्स आणि सप्लाय चेन मॅनेजमेंट हे देखील उपस्थित होते.

या चर्चा सत्रामध्ये विद्यार्थ्यांनी अर्ज प्रक्रिया, पात्रता निकष आणि आंतरराष्ट्रीय शिक्षणाचे फायदे जाणून घेतले. सिंबायोसिस स्कील्स ॲन्ड प्रोफेशनल युनिव्हर्सिटी आणि ॲलेन युनिव्हर्सिटी यांच्या सहयोगामुळे जागतिक संधी आणि शैक्षणिक प्राविण्य मिळवण्यासाठी एक नवा मार्ग खुला झाला आहे.