पुणे- मुंढवा येथे रात्रीत १७२ झाडे कुणा बिल्डरने आपल्या हस्तकाकरवी तोडल्याचा प्रकार समाज माध्यमांवर प्रसारित होतो आहे. या संदर्भात एक व्हिडीओ येथे व्हायरल झाला असून , या व्हिडीओत तोडून चालविलेली झाडे दिसत आहेत . महापालिकेने मात्र याबाबत कोणतीही माहिती अधिकृत रित्या दिलेली नाही .

पुणे-शिवाजीनगर परिसरात एका चाैकात सिग्नलला डस्टबीन पेपर विक्री करणाऱ्या दोन अल्पवयीन मुलींना आेळखीतील दोन मुलांनी गाडीवर बसवून घरी घेऊन जात एक दिवस घरी ठेऊन त्यांच्यावर बलात्कार केल्याचा प्रकार उघडकीस आला आहे. याप्रकरणी दोन अल्पवयीन मुलांसह त्यांच्या दोन आईंवर शिवाजीनगर पोलिस ठाण्यात गुन्हा दाखल करण्यात आला आहे. याबाबत पीडित मुलीच्या आईने आरोपी विरोधात तक्रार दिली आहे.

संबंधित मुली या शिवाजीनगर भागात एके ठिकाणी डस्टबीन पेपर, प्लॅस्टीक बॅग विक्रीचा व्यवसाय कुटुंबासह करतात आणि फुटपाथवरच रहातात. तर आरोपी मुले हे दुसऱ्या एका जागी फुलविक्री करुन रस्त्यावरच रहातात. पीडित मुलींची एक बहिण ही आरोपीच्या नातलगास दिली असल्याने ते एकमेकांचे ओळखीचे आहे. आरोपी मुले हे एकमेकांचे भाऊ असून त्यांचे आई वेगवेगळया असल्या तरी त्यांचे वडील एकच आहे. एकमेकांच्या जवळच ते रहाण्यास आहे. पीडित मुलीच्या आईने दिलेल्या तक्रारीनुसार, १७ मार्च राेजी सदर दोन अल्पवयीन मुले ही त्यांच्या राहत्या ठिकाणाजवळ आली व त्यांनी सदर दोघींना बहिणीशी भेट घालून देताे असे सांगून दोघींना फुस लावून गाडीवर घेऊन गेले. तेथे आरोपींची आई देखील उपस्थित हाेती. त्यांना पीडित मुलींनी पुन्हा घरी सोडण्याकरिता विनंती केली परंतु त्यांनी त्यांचे ऐकले नाही. त्या एक दिवस राहिल्यावर दोन्ही मुलांनी दोघींवर वेगवेगळया खाेलीत नेऊन शारिरिक संबंध केल्याचा प्रकार घडला आहे. याप्रकरणी शिवाजीनगर पोलिस ठाण्याचे वरिष्ठ पोलिस निरीक्षक चंद्रशेखर सावंत म्हणाले, पीडित मुलीच्या आईने तक्रार दाखल केल्यानंतर याबाबत पोलिसांनी तपास सुरु केला आहे. तांत्रिक मुद्दयाचे आधारे हा गुन्हा घडला आहे का? याबाबत देखील पोलिस गांभीर्याने तपास करत आहे. महिला पोलिस उपनिरीक्षक एस हिरे याप्रकरणी पुढील तपास करत आहे.

पुणे -मुकुल माधव फाउंडेशन, पुणे आणि मुंबई कॉलेज ऑफ हॉटेल मॅनेजमेंट अँड केटरिंग टेक्नॉलॉजी आणि सातारा जिल्हा कारागृह यांच्या सहकार्याने तुरुंगातील पुरुष कैद्यांसाठी फास्ट फूड प्रशिक्षण अभ्यासक्रम सुरू करण्यात आला आहे.महाराष्ट्र कारागृह पोलीस विभागाचे अतिरिक्त पोलीस महासंचालक आणि कारागृह आणि सुधारणा सेवा महानिरीक्षक डॉ. सुहास वारके, विशेष पोलीस महानिरीक्षक डॉ. जालिंदर सुपेकर, कारागृह उपमहानिरीक्षक स्वाती साठे यांच्या मार्गदर्शनाखाली.

कारागृह विभागाच्या “सुधारणा आणि पुनर्वसन” या ब्रीदवाक्यानुसार कारागृहातील कैद्यांसाठी विविध उपक्रम राबविण्याचे आदेश देण्यात आले आहेत. त्यानुसार, सातारा जिल्हा कारागृहात विविध प्रशिक्षण-केंद्रित उपक्रम राबविले जात आहेत.मार्गदर्शन करताना मुकुल माधव फाउंडेशनचे सदस्य संतोष शेलार म्हणाले की, त्यांची संस्था तुरुंगातील कैद्यांसाठी अनेक प्रशिक्षण उपक्रम राबवत आहे. या तुरुंगात फास्ट फूड कोर्सेस आणि कैद्यांसाठी विविध वैद्यकीय आरोग्य शिबिरे असे अनेक उपक्रमही राबवले जातील.

मुंबई कॉलेज ऑफ हॉटेल मॅनेजमेंट अँड केटरिंग टेक्नॉलॉजी, सातारा यांचे प्रतिनिधी श्री. विनोद जाधव म्हणाले की, तुरुंगातील कैद्यांसाठी असा उपक्रम हा त्यांच्या कॉलेजसाठी पहिला आणि नाविन्यपूर्ण उपक्रम आहे. जर तुरुंग प्रशासनाने परवानगी दिली तर आम्ही आमच्या कॉलेजच्या माध्यमातून कैद्यांसाठी आणखी विविध उपक्रम करण्यास उत्सुक आहोत.वरिष्ठ जेलर ज्ञानेश्वर दुबे म्हणाले की, आमचे प्रशासन नेहमीच तुरुंगातील कैद्यांसाठी विविध उपक्रम आणि आरोग्य शिबिरे आयोजित करते. आमचा प्रयत्न असतो की कैद्यांनीही या उपक्रमांचा पुरेपूर फायदा घ्यावा आणि प्रशिक्षण घेतल्यानंतर ते तुरुंगातून बाहेर पडावेत.

कार्यक्रमाचा समारोप करताना तुरुंग अधीक्षक शामकांत शेडगे म्हणाले की, तुरुंग विभागाच्या सर्व वरिष्ठ अधिकाऱ्यांच्या मार्गदर्शनानुसार आणि तुरुंग विभागाच्या “सुधारणा आणि पुनर्वसन” या ब्रीदवाक्यानुसार, तुरुंगात दाखल होणारा प्रत्येक कैदी हा सर्वप्रथम एक माणूस आहे आणि तुरुंग प्रशासन नेहमीच त्या व्यक्तीला सुधारणा करण्याची संधी देण्यासाठी कार्यरत असते. याचाच एक भाग म्हणून, सध्या तुरुंगात असलेल्या बहुतेक तरुणांचा आणि तरुणांचा वेळ वाचवण्यासाठी, मुकुल माधव फाउंडेशन, पुणे आणि मुंबई कॉलेज ऑफ हॉटेल मॅनेजमेंट अँड केटरिंग टेक्नॉलॉजी, सातारा यांच्या माध्यमातून “फास्ट फूड” कोर्स सुरू करण्यात आला आहे. या कोर्सद्वारे, कैद्यांना पाणीपुरी, रगडापुरी, कचोरी, वडापाव, मिसळपाव, समोसा, उपवास पॅटीज, कांदा भाजी, बटाटा भाजी, गोबी मंचुरियन, व्हेज मंचुरियन, हक्का नूडल्स, फ्राइड राईस, व्हेज मोमोज, बर्गर, पास्ता, पिझ्झा असे विविध पदार्थ शिकवले जातील. समाजात असताना गुन्हे केलेल्या आणि तुरुंगात गेलेल्या तरुणांना सुधारणे आणि पुन्हा एकत्र आणणे हे आमचे उद्दिष्ट नेहमीच असते.

या कार्यक्रमाच्या उद्घाटनप्रसंगी मुकुल माधव फाऊंडेशनचे प्रतिनिधी संतोष शेलार, कॉलेज ऑफ हॉटेल मॅनेजमेंटचे प्रतिनिधी विनोद जाधव, कारागृह अधीक्षक शामकांत शेडगे, वरिष्ठ तुरुंगाधिकारी ज्ञानेश्वर दुबे, सुभेदार मानसिंग बागल, हवालदार दारकू पारधी, कॉन्स्टेबल राकेश पवार, बालाजी मुंडे, रविराज शेळके व इतर कर्मचारी उपस्थित होते.

पुणे, 25 मार्च 2025

प्रवाशांच्या सोयीसाठी रेल्वेने पुणे आणि इंदूर दरम्यान धावणाऱ्या विशेष गाडीच्या प्रवासाचा कालावधी वाढवण्याचा निर्णय घेतला आहे. तपशील पुढीलप्रमाणे आहे:

1. इंदूर – पुणे साप्ताहिक विशेष (14 फेऱ्या)

गाडी क्रमांक 09324 इंदूर – पुणे साप्ताहिक विशेष, जी पूर्वी 19.03.2025 पर्यंत चालविण्यात येणार होती, ती आता 26.03.2025 ते 25.06.2025 या कालावधीसाठी वाढविण्यात आली आहे.

2. पुणे – इंदूर साप्ताहिक विशेष (14 फेऱ्या)

गाडी क्रमांक 09323 पुणे – इंदूर साप्ताहिक विशेष, जी पूर्वी 20.03.2025 पर्यंत चालविण्यात येणार होती, ती आता 27.03.2025 ते 26.06.2025 या कालावधीसाठी वाढविण्यात आली आहे.

गाडीच्या प्रवासनाच्या दिवशी, वेळ, डब्यांची रचना आणि थांब्यांमध्ये कोणताही बदल नाही.

आरक्षण:

विशेष गाडी 09323/09324 च्या विस्तारित फेऱ्यांसाठी 26.03.2025 पासून सर्व संगणकीकृत आरक्षण केंद्रांवर आणि www.irctc.co.in या संकेतस्थळावर तिकिट आरक्षण सुरू होईल.

गाडीच्या थांबे व वेळेत विस्तृत माहितीसाठी www.enquiry.indianrail.gov.in भेट द्या किंवा NTES अ‍ॅप डाउनलोड करा.

तब्बल ३५ फोटोग्राफर्सच्या १०४ फोटोंचा समावेश ; प्रदर्शनाला विनामूल्य प्रवेश

पुणे : जयपूरपासून ते तंजावर पर्यंत आणि महाराष्ट्रातील वानखेडे स्टेडियमसह विविध मंदिरे, प्रेक्षणिय स्थळे व ऐतिहासिक इमारतींसह निसर्गाचे प्रवासादरम्यान मोबाईलमध्ये टिपलेले सुंदर क्षण फोटोंच्या माध्यमातून पाहण्याची संधी पुणेकरांना मिळाली. घुमंतु  २५ – स्वान्तस्सुखाय छायाचित्रणाय च… या प्रदर्शनांतर्गत ३५ निवडक फोटोग्राफर्सच्या १०४ अप्रतिम फोटो कलारसिकांना पहायला मिळत असून भटकंतीचा उत्सव साजरा होत आहे.

बालगंधर्व कलादालन येथे हे प्रदर्शन आयोजित करण्यात आले आहे. उद्घाटनप्रसंगी विवेक नारळकर, प्रसिद्ध फोटोग्राफर सतिश पाकणीकर, डॉ. रामदास महाजन यांसह फोटोग्राफर्स देखील यावेळी उपस्थित होते. एम्बी हॅली, वेरुळ, हंपी, जोधपूर, लखनऊ, पुण्यासह श्रीलंका, मॉरिशस, न्यूझिलंड, सिंगापूर येथे काढण्यात आलेले फोटो प्रदर्शनात आहेत.

प्रत्येकाचा प्रवास हा अनुभव समृद्ध करणारा असतो. कधी भव्य डोंगररांगा, कधी निळ्याशार समुद्राचे क्षितिज, तर कधी शहराच्या गजबजाटातले रंग प्रत्येक ठिकाण वेगळे दिसतात आणि त्याच्या अनमोल आठवणी. अशाच आठवणींना उजाळा देणारे आणि जगभरातील फोटोग्राफर्सच्या मोबाईलमध्ये टिपलेले अद्वितीय क्षण अनुभवण्याची संधी पुणेकरांना यानिमित्ताने मिळत आहे. विशेष म्हणजे, हे फोटोग्राफर्स विविध क्षेत्रात कार्यरत असलेले डॉक्टर, इंजिनिअर्स, गृहिणी, आयटी तज्ञ, विद्यार्थी आणि वैमानिक देखील आहेत. वयवर्षे २०  ते ७७  या वयोगटातील आहेत.

घुमंतु मालिकेतील हे तिसरे पुष्प आहे. याआधी सन २०२२ आणि २०२३ मध्येही अशीच प्रदर्शने आयोजित करण्यात आली होती आणि त्यांना पुणे, मुंबई, सांगली, कोल्हापूर, नागपूर, बंगळुरू, कोचीन अशा अनेक शहरांमधून उत्तम प्रतिसाद मिळाला होता. हे प्रदर्शन दि. २७ मार्च पर्यंत बालगंधर्व कलादालन येथे सुरु असून सकाळी ११ ते ८ यावेळेत रसिकांना विनामूल्य पाहता येणार आहे. तरी पुणेकरांनी प्रदर्शनास आवर्जून भेट द्यावी, असे आवाहन करण्यात आले आहे.

– दिल्ली जंतर मंतर येथे देशभरातील संघटनेचे आंदोलन

राष्ट्रीय अध्यक्ष बाबा कांबळे यांच्या नेतृत्वाखाली देशभरातील संघटनांचा सहभाग

पिंपरी ! प्रतिनिधी

देशभरातील लाखो ऑटो, टॅक्सी, बस ट्रक चालकांच्या मागण्यांकडे केंद्र सरकार दुर्लक्ष करत आहे. त्यांच्या मागण्या मान्य करण्यासाठी अनेक वर्ष लढा दिला जात आहे. राष्ट्रीय चालक आयोग निर्माण झाले पाहिजे. देशभरातील चालकांसाठी कल्याणकारी बोर्ड निर्माण करून त्या माध्यमातून त्यांना सामाजिक सुरक्षा म्हातारपणी पेन्शन व इतर योजनांचा लाभ मिळाला पाहिजे, ओला उबेर या भांडवलदार कंपन्यांवरती बंदी आणली पाहिजे टू व्हीलर टॅक्सीला देशभरामध्ये बंद केली पाहिजे, इलेक्ट्रिक वाहनांचे धोरण ठरवताना पूर्वीचे वाहन वरती कोणतीही बाधा येणार नाही यासाठी सर्व संघटनांना विश्वासात घेण्यात यावे, यासह इतर विविध मागण्यांसाठी नुकतेच दिल्ली येथील जंतर मंतर वरती देशपापी आंदोलन करण्यात आले या आंदोलनातील मागण्या मान्य होईपर्यंत मागे हटणार नाही असा निर्धार ऑटो टॅक्सी ट्रान्सपोर्ट फेडरेशनचे राष्ट्रीय अध्यक्ष बाबा कांबळे यांनी व्यक्त केला.

दिल्ली जंतर मंतर येथे देश वापी आंदोलन आयोजित करण्यात आले या वेळी मार्गदर्शन करताना बाबा कांबळे बोलत होते.

कष्टकरी, श्रमिक नेते बाबा कांबळे यांच्या नेतृत्वाखाली 21 मार्च 2025 रोजी जंतर-मंतर येथे आंदोलन करण्यात आले,23 तारखेला राष्ट्रीय अधिवेशन आयोजित करण्यात आले होते यासाठी देशभरातील सर्व 28 राज्यातून प्रतिनिधी उपस्थित होते.
यात मिर मोहम्मद शफी,(कश्मीर) अज्जू प्रसाद मंडोली (ओडिसा) सुरेंद्र प्रसाद (पंजाब) मनोज कुमार साहू , वासू एलडी(आंध्र प्रदेश) के.डी.गिल (राजस्थान) रवी रेड्डी (कर्नाटका) आनंद तांबे, राकेश शिंदे (महाराष्ट्र) शिन्तल कुमार (तामिळनाडू) प्रीतम सिंग (छत्तीसगड) गुलजार सिंग (उत्तराखंड) नरेंद्र ठाकूर (हिमाचल प्रदेश ) निजामुद्दीन भाई, विनोद तिवारी (आसाम) भूपेंद्र यादव (बिहार) धर्मेंद्र यादव (दिल्ली एनसीआर) डॉ राजीव मिश्रा (उत्तर प्रदेश)

बाबा कांबळे म्हणाले केंद्र सरकार देशभरातील 25 करोड चालकांकडे सहानुभूतीने बघत नाही. त्यामुळे वारंवार निवेदने, आंदोलन करूनही मागण्या सोडविण्याबाबत सरकार उदासीन आहे. देशातील 25 कोटी चालकांसाठी राष्ट्रीय चालक आयोग निर्माण झाले पाहिजे. तसेच चालकांसाठी कल्याणकारी योजना स्थापन झाले पाहिजे. त्यामधून चालकांचे कल्याण होणार आहे. म्हातारपणी पेन्शन मिळाल्यास त्यांना आधार होणार आहे. यासह सामाजिक सुरक्षा योजना मिळावे, यासाठी वेलफेअर बोर्ड म्हणजे कल्याणकारी मंडळ स्थापन झाले पाहिजे. केंद्रीय पातळीवर हे कल्याणकारी महामंडळ स्थापन व्हावा. अन्यथा न थकता आंदोलन सुरूच राहील, असे बाबा कांबळे म्हणाले.