पुणे – निकालाआधीच वृत्तवाहिन्यांनी निकाल ‘एक्झिट पोल’ म्हणून जाहीर करून -वारंवार हा ‘एक्झिट पोल’जनमानसावर बिंबवून तशीच मानसिकता तयार करण्याचे आरंभल्याने भाजप वगळता अन्य राजकीय पक्षाच्या कार्यकर्त्यांच्या भावना तीव्र होत आहेत दरम्यान भाजपचे सरकार आल्यास महाराष्ट्राचा मुख्यमंत्री दिल्लीत अमित शहा ठरवतील असेही दिसत आहे भाजपला स्पष्ट बहुमत न मिळाल्यास मात्र महाराष्ट्राची दिल्ली सारखी अवस्था होण्याची शक्यता आहे (म्हणजे ‘आप ‘ आणि काँग्रेस च्या सरकारची अवस्था काय झाली हे सर्वांना ठावूक आहे )भाजपच्या अनेक नेत्यांची इच्छा आहे, की जर पक्षाला स्वबळावर सत्ता स्थापन करता आली नाही, तर शिवसेनेची मदत घेण्याऐवजी राज्यात राष्ट्रपती राजवटच कायम ठेवावी. आणि अशा राजवटीत महाराष्ट्रांची अवस्था जटील होण्याची शक्यता आहे . मात्र अजूनही अनेकांना शिवसेनेची सत्ता येईल असे वाटत आहे . जर शिवसेनेला बहुमत मिळाले नाही तर अन्य प्रादेशिक पक्षांचा पाठींबा घेवूनही शिवसेना सरकार स्थापन करू शकेल . पण कोणत्याही परिस्थितीत आता अफजलखानच्या फौजेशी संग नको असा मतप्रवाह हि सेनेतून व्यक्त होताना दिसतो आहे. मतदानापूर्वी अफजलखान संबोधून ज्यांच्यावर हल्ला केला – ज्यांनी ‘उंदीर’ अशी संभावना केली अशा असंगाशी शिवसेना संग करेल काय ? या प्रश्नाचे उत्तर आता निकालानंतरच मिळणार आहे, नाही तर ‘मतदानापूर्वी शत्रू आणि मतदान संपते न संपते तोच गळ्यात गळे ‘सत्तेसाठी पुन्हा वाटाघाटी हे राजकारण पाहता पाहता महाराष्ट्राची जनता आती विटली आहे पण नेमके काय महाराष्ट्राच्या नशिबी येणार ? ते मात्र १९ ताखेलाच समजणार आहे
महाराष्ट्र विधानसभा निवडणुकीचा निकाल १९ऑक्टोबरला जाहीर होणार आहे. दरम्यान त्याआधीच मुख्यमंत्रीपदावरुन दावेदारी सुरु झाली आहे. प्रदेश भाजपचे तीन दिग्गज – देवेंद्र फडणवीस ,पंकजा मुंडेआणि एकनाथ खडसे यांनी प्रत्यक्ष किंवा अप्रत्यक्षरित्या महाराष्ट्राच्या मुख्यमंत्रीपदावर दावा अथवा त्यासंबंधीचा इशारा केला आहे. दरम्यान, पक्षाने निवडणुकीनंतरच्या रणनीतीला सुरवात केली आहे. पंकजा मुंडे यांनी म्हटले आहे, की त्यांच्या समर्थकांची इच्छा आहे की त्या महाराष्ट्राच्या मुख्यमंत्री झाल्या पाहिजे. महाराष्ट्राच्या पहिल्या महिला मुख्यमंत्री व्हायला आवडेल का, या प्रश्नावर त्यांनी होकारार्थी उत्तर दिले आहे. त्यांनी बीड जिल्ह्यातील परळी येथून निवडणूक लढविली आहे.
दुसरीकडे भाजप सूत्रांचे म्हणणे आहे, की महाराष्ट्राच्या मुख्यमंत्रीपदी पक्षाची पहिली पसंती देवेंद्र फडणवीस यांना आहे. फडणवीस पक्षाचे प्रदेशाध्यक्ष आहेत. पंतप्रधान नरेंद्र मोदी आणि पक्षाध्यक्ष अमित शहा यांनी त्यांच्यावर वेळोवेळी विश्वास व्यक्त केला आहे.४४ वर्षीय या नेत्याला संघाचा पाठिंबा सहज मिळू शकतो. मुख्यमंत्रीपदाबद्दल त्यांना विचारण्यात आले असता त्यांनी कोणतीही शक्यता नाकारता येत नसल्याचे सांगत, मुख्यमंत्री कोण होणार, याचा निर्णय संसदीय मंडळ ठरवेल. संसदीय मंडळ मला जी जबाबदारी देईल ती मला मान्य असेल, असे सांगण्यासही ते विसरले नाही. भाजपचे ज्येष्ठ नेते आणि विधानसभेतील विरोधी पक्षनेते एकनाथ खडसे यांनी माध्यमांशी बोलताना म्हटले आहे, की विरोधी पक्षनेत्याची ही माझी शेवटची वेळ आहे. त्यांच्या या वक्तव्यावरुन अंदाज लावता येऊ शकतो, की पक्ष सत्तेत येणार आहे याबाबत ते किती शाश्वस्त आहेत .
दरम्यान ‘एक्झिट पोल’हा काही निकाल नाही पण तरीही त्यावर सध्या बरेच विसंबून वागत असल्याने संशयाचे वातावरणही तयार होवू पाहते आहे

लखनऊ-‘राम मंदिराची उभारणी हा भाजपच्या अजेंड्यावरील महत्त्वाचा मुद्दा आहे. मात्र, त्यासाठी केंद्र सरकारकडे २०१९पर्यंत वेळ आहे. त्यासाठी घाई करण्याची गरज नसून आम्ही सरकारवर कोणताही दबाव टाकणार नाही,’ असे राष्ट्रीय स्वयंसेवक संघाने स्पष्ट केले आहे.. येथे संघाच्या राष्ट्रीय कार्यकारिणीची तीन दिवसीय बैठक शुक्रवारपासून सुरु झाली आहे. त्यानिमीत्त आयोजित पत्रकार परिषदते संघाचे सर कार्यवाह दत्तात्रय होसाबळे यांनी ही माहिती दिली. लोकसभा निवडणुकीवेळी भाजपने त्यांच्या जाहीरनाम्यात भारतीय संविधानाच्या चौकटीत राहून अयोध्येत राममंदिर बांधण्यासाठी प्रयत्न केले जातील असे आश्वासन दिले होते. पक्ष सत्तेत आल्यानंतर या मुद्यावर सरकारच्यावतीने अद्याप काय केले गेले याची कोणतीही माहिती नाही. राममंदिराबद्दल संघाने भाजपला विचारणा करण्याची गरज नसल्याचे होसाबळे म्हणाले. भाजप सरकारला पूर्ण बहुमत आहे, 2019 पर्यंतचा त्यांच्याकडे अवधी आहे. त्यामुळे त्यांना पूर्णवेळ दिला पाहिजे. या मुद्यावर संघ सरकारच्या कामात दखल देऊ इच्छित नाही, असे होसाबळे यांनी सांगितले. तसेच भाजच्या जाहीरनाम्यातील या मुद्यावर पक्षाच्या राष्ट्रीय अध्यक्षांनी बोलण अधिक उचित असल्याचेही ते म्हणाले. विशेष म्हणजे कार्यकारिणीच्या बैठकीसाठी उपस्थित संघ कार्यकर्त्यांना देण्यात आलेल्या ओळखपत्रांवर अयोध्येतील शरयू नदी, राम आणि मंदिराची छबी आहे.
बैठकीच्या पहिल्या दिवशी जम्मू-काश्मीरमधील पुर परिस्थिती, सीमेवर सुरु असलेला गोळीबार यावर चर्चा झाल्याचे होसाबळे यांनी सांगितले. लव्ह जिहादच्या मुद्यावर ते म्हणाले, यावर संघाने फार आधीच चर्चा केली आहे. या समस्येला तोंड देण्यासाठी रणनीती आखली जाईल.दुसरीकडे समाजवादी पार्टीने लखनऊमध्ये होत असलेल्या या बैठकीला जातियवादी षडयंत्र म्हटले आहे. पक्षाचे प्रवक्ते राजेंद्र चौधरी म्हणाले, ‘रास्वसंघ अशा बैठका घेऊन राज्याची वातावरण खराब करण्याचा प्रयत्न करीत आहे.’

जयललितांना जामीन मंजूर झाल्याने तामिळनाडूत जल्लोषाचे वातावरण आहे. सगळीकडे आनंद साजरा केला जात आहे. समर्थक ठिकठिकाणी पेढे, मिठाईचे वाटप करत आहेत. एआईएडीएमके पक्षाचा आज 43 वा वर्धापन दिन आहे. याच मुहूर्तावर सुप्रीम कोर्टात झालेल्या सुनावणीत जयललिताना दिलासा मिळाला आहे. जयललिता यांना कोर्टाने सशर्त जामीन मंजूर करण्यात आला आहे. त्यामुळे जयललिता यांना चेन्नईला जाता येणार आहे. जयललिता यांना दोन महिन्यांसाठी हा जामीन देण्यात आला आहे.
जयललिता 27 सप्टेंबरपासून बेंगळुरू येथील मध्यवर्ती कारागृहात होत्या. बेहिशेबी मालमत्ता प्रकरणी त्यांच्यावर आरोप सिद्ध झाले आहेत. त्या प्रकरणी जयललिता यांनी चार वर्षांची शिक्षा सुनावण्यात आली आहे. हायकोर्टात जामीन अर्ज फेटाळण्यात आल्यानंतर जयललितांनी सुप्रीम कोर्टात जामीनासाठी अर्ज केला होता. प्रकृती ठीक नसल्याचे कारण देत त्यांनी जामीनाची मागणी केली होती. जयललिता यांनी त्यांना हायपरटेन्शन, डायबिटीज असे आजार असल्याचे सांगितले होते.
जयललिता यांची प्रकृती ठीक नसल्याचे विचारात घेत जयललितांना कोर्टाने जामीन मंजूर केला असून त्यांना घरात उपचार घेण्याचे निर्देश देण्यात आले आहेत. त्यांना 18 डिसेंबरपर्यंत घराबाहेर जाता येणार नाही. कर्नाटक हायकोर्टाने दिलेल्या शिक्षेला सुप्रीम कोर्टाने स्थगिती दिली आहे. अद्याप ही शिक्षा रद्द करण्यात आलेली नाही. तसेच जयललिता यांच्या वकिलांना कोर्टाला आश्वासन दिले आहे की जयललिता पक्षातील कार्यकर्त्यांना शांत राहण्याची विनंती करतील, अशी माहिती भाजप नेते सुब्रमण्यम स्वामी यांनी निकालानंतर दिली.

जोधपूर- अल्पवयीन विद्यार्थिनीचे लैंगिक शोषण केल्याप्रकरणी स्वयंघोषित आध्यात्मिक गुरु आसाराम बापू हे सध्या जोधपूर मध्यवर्ती तुरुंगात आहेत. आसाराम यांना गुरुवारी (16 ऑक्टोबर) कोर्टात सुनावणीसाठी आणले असता त्यांच्या अनुयायींनी एकच गर्दी केली. त्यांच्यावर नियंत्रण मिळवण्यासाठी सुरक्षारक्षकांना मोठी कसरत करावी लागली.
आसाराम यांचा चेहरा पाहाण्यासाठी लोक सकाळपासून कोर्ट परिसरात उपस्थित होते. आसाराम यांना मोठ्या पोलिस बंदोबस्तात कोर्टात आणण्यात आले. अनुयायींनी हात जोडून आसाराम यांचा आशीर्वाद घेतला. आसाराम हे देखील हात उंचावून अनुयायींना आशीर्वाद ‍देताना दिसले.

मुंबई- शिवसेना हा राजकीय शत्रू नसल्याचे भाजपचे देवेंद्र फडणवीस यांनी आज पुन्हा म्हटले आहे दरम्यान भारतीय जनता पक्षाला या विधानसभा निवडणुकीत स्पष्ट बहुमत मिळणार असून, कोणाच्याही पाठिंब्याची आम्हाला गरज भासणार नाही असे भाजपचे दोन्ही विरोधी पक्षनेते एकनाथ खडसे व विनोद तावडे यांनी म्हटले आहे. मुंबईत ते पत्रकार परिषदेत बोलत होते. पत्रकारांनी विचारले असता खडसे व तावडेंनी राष्ट्रवादीचा पाठिंबा कोणत्याही स्थितीत घेणार नसल्याचे स्पष्ट केले. आम्हाला बहुमत मिळणार आहेच पण कदाचित नाही मिळाले तर आम्ही राष्ट्रवादीचा पाठिंबा घेणार नसल्याचे सांगितले.

विधानसभा निवडणुकीत राष्ट्रवादी काँग्रेसला चांगले यश मिळेल तसेच महाराष्ट्रातील येऊ घातलेले नवे सरकार बनविण्यात आमची प्रमुख भूमिका असेल असे पटेल यांनी म्हटले होते. त्यामुळे राष्ट्रवादी भाजपसोबत जाणार का याची चर्चा सुरु झाली होती. भारतीय जनता पक्षाचे प्रदेशाध्यक्ष देवेंद्र फडणवीस यांनीही बुधवारी वाहिन्यांवर बोलताना राष्ट्रवादी काँग्रेसचा पाठिंबा कोणत्याही स्थितीत घेणार नसल्याचे स्पष्ट केले होते. पंतप्रधान मोदींनीच राष्ट्रवादी काँग्रेस पक्ष हा भ्रष्टाचारवादी असल्याचे स्पष्ट केल्याने त्यांची साथ घेण्याचा प्रश्नच येत नाही. आम्हाला कोणत्याही पक्षाची गरज भासणार नाही. आम्ही स्वबळावर सत्तेत येऊ व स्पष्ट बहुमत मिळवू असे फडणवीस यांनी स्पष्ट केले होते.

राष्ट्रवादी काँग्रेसनेही भाजपसोबत कधीही जाणार नाही असे वारंवार स्पष्ट केले आहे. पक्षाध्यक्ष शरद पवार यांनीही भाजपसोबत जाण्याचा प्रश्नच येत नसल्याचे म्हटले आहे. मात्र, तरीही भाजप-राष्ट्रवादीत युती होईल अशी चर्चा माध्यमांत सतत केली जात आहे. राष्ट्रवादी आणि भाजपची विचारधारा पाहता हे दोन पक्ष एकत्र येतील अशी बिलकूल शक्यता नाही. या दोघांनाही एकमेंकाची सोबत परवडणारी नाही. त्यामुळे राष्ट्रवादी एक तर काँग्रेससोबत जाऊ शकतो अन्यथा शिवसेनेसोबत. मात्र, काँग्रेस-राष्ट्रवादीकडे तेवढे संख्याबळ नसेल असे स्पष्ट दिसत आहे. त्यामुळे शिवसेनेला 80 पेक्षा जास्त व राष्ट्रवादीला 60 पेक्षा जास्त मिळाल्यास या दोघांची एकत्र येण्याची शक्यता जास्त आहे.

शिवसेनेलाच सर्वाधिक जागा मिळतील असे वाटणाऱ्या अनेकांवर वृत्त वाहिन्यांच्या एक्झिट पोलने अचंबित होण्याची वेळ आली आहे . अनेकांना असे वाटते आहे कि या पोल मध्ये भाजपला ज्या जागा दाखविल्या जातात त्या शिवसेनेला मिळतील आणि शिवसेनेला ज्या जागा दाखविल्या जातात त्या भाजपला मिळतील .
भाजपच नंबर एकचा पक्ष ठरणार असल्याचे भाकित सर्वच प्रमुख एक्झिट पोलने वर्तवले आहे. एकीकडे मतदानाचा टक्का वाढत असतानाच त्याचा भाजपलाच लाभ होणार असल्याचे ही आकडेवारी दर्शवते. २००९च्या विधानसभा निवडणुकीत ४७ जागांवरच थांबलेला भाजप तब्बल १०० ते १५० जागांवर झेप घेतील, असा अंदाज आहे. तर ४५ जागा मिळवलेली शिवसेना यंदा ७१ ते ८८ जागा मिळवेल, अशी अपेक्षा या चाचण्यांतून वर्तवण्यात येत आहे. भाजपखालोखाल दुसऱ्या स्थानी शिवसेनाच असेल, असे या पोलचे भाकित आहे. तर गेल्या वेळी ८२ जागा मिळवून पहिल्या स्थानी असलेला काँग्रेस यंदा तिसऱ्या स्थानी घसरून २७ ते ४५ जागा मिळवेल, तर २००९मध्ये ६२ जागा जिंकून दुसऱ्या स्थानी असलेला राष्ट्रवादी काँग्रेस थेट चौथ्या क्रमांकावर घसरून केवळ २८ ते ३७ जागा जिंकेल, अशी शक्यता आहे. गेल्या निवडणुकीत १२ जागा जिंकणाऱ्या मनसेचीही अवस्था यंदा बिकट असून हा पक्ष केवळ तीन जागांवरच जिंकेल असे चिन्ह आहे.
टाइम्स नाउ- सी-वोटर
‘टाइम्स नाउ’ आणि ‘सी-वोटर’ यांनी केलेल्या सर्वेमध्ये महाराष्ट्रात २८८ पैकी १२९ जागा जिंकून भाजप हा सर्वांच्या पुढे दाखवलाय. दुपारी तीन वाजेपर्यंतच्या मतदानाच्या टक्केवारीवर आधारित या सर्वेक्षणात शिवसेनेला ५६ जागा देण्यात आल्या आहेत. तर कॉग्रेस पक्षाला ४३ आणि राष्ट्रवादी कॉंग्रेस ३६ जागा जिंकणार असल्याचा अंदाज वर्तवण्यात आला आहे. राज ठाकरे यांचा मनसे एकूण १२ जागा जिंकणार असल्याचे टाइम्स नाउच्या सर्वेमध्ये म्हटलंय. इतर पक्ष एकूण १२ जागा जिंकतील असंही या सर्वेमध्ये म्हटलेलं आहेत.
एबीपी माझा- नेल्सन
एबीपी माझा आणि नेल्सनने केलेल्या सर्वेमध्ये भाजपला १२७ जागा देण्यात आलेल्या आहेत. या सर्वेनुसार शिवसेना ७७; कॉंग्रेस- ४०; राष्ट्रवादी ३४; मनसे ५ आणि इतर पक्ष- ५ जागा जिंकणार आहेत.
टुडेज चाणक्य
दरम्यान, टुडेज चाणक्यच्या सर्वेमध्ये एकूण २८८ जागांपैकी भाजपला १५१ जागा देण्यात आल्या आहेत. या सर्वेनुसार शिवसेना ७१, काँग्रेस २७, राष्ट्रवादी २८ आणि मनसे व अन्य पक्षांना ११ जागा जिंकण्याचा अंदाज व्यक्त करण्यात आला आहे.

मुंबई- भगवत गीता ज्यांना तोंडपाठ होती , भगवत गीतेचे श्लोक आणि उत्तुंग म्हणता येईल असा वक्ता; ज्याने सुरुवातीच्या काळातच शिवसेना ग्रामीण भागापर्यंत पोहोचविण्याचे सामर्थ्यवान काम केले ते , शिवसेनेचे नेते व माजी कामगारमंत्री साबीर शेख यांचे आज दुपारी ठाण्याजवळील कल्याणच्या कोणगावात राहत्या घरी निधन झाले. साबीर शेख मागील तीन-चार वर्षापासून आजारी होते.शिवसेना हि मुस्लिम आणि दलित विरोधी नाही तर ती देशद्रोही मुस्लिम आणि तमाम देशद्रोह्यांच्या विरोधात डरकाळी फोडणारी संघटना आहे असा यशस्वी प्रचार करून १९७५ ते १९८५ या दशकात शिवसेना महाराष्ट्रभर पोहोचविण्यात त्यांचा सिंहाचा वाटा होता . पुण्याशी आणि अहमदनगर जिल्हयाशी त्यांची फारच जवळीक होती . ते मूळ पुणे जिल्ह्यातील रहिवासी होत
1995 मध्ये महाराष्ट्रात प्रथमच सत्तेत आलेल्या शिवसेना-भाजपच्या युतीच्या काळात शेख कामगार मंत्री होते. साबीर शेख शिवसेनेचा मुस्लिम चेहरा होते. बाळासाहेब ठाकरे यांचे निकटवर्तीय म्हणून साबीर शेख यांची ओळख होती. साबीर शेख यांचे पुतणे अराफत शेख यांनी मनसेतून नुकताच शिवसेनेत प्रवेश केला आहे.
शिवसेनेचे लढवय्ये नेते आणि माजी कामगार मंत्री साबीरभाई शेख गेल्या तीन-चार वर्षापासून आजारी होते. पत्नीच्या निधनानंतर साबीर भाई एकटे पडले होते. एकुलती एक मुलगी आहे पण तिचे लग्न झाल्याने ती सासरी असते. त्यामुळे भाईंना पुतण्याशिवाय व शिवसैनिकांशिवाय आधार नव्हता. त्यामुळे त्यांची काळजी घेण्यासाठी कोणीही नसल्याने मध्यंतरी त्यांना औरंगाबादच्या कल्पतरू युवाविकास मंचने औरंगाबाद येथील मातोश्री वृद्धाश्रमात हलवले होते. त्यांची काळजी कल्पतरू मंचने घेतली होती. मात्र शेख लगेच कल्याणमध्ये परतले होते. माझे शिवसैनिक माझी काळजी घेतील असे शेख यांनी त्यावेळी म्हटले होते.
आयुष्यभर शिवसेनेसाठी लढणा-या साबीरभाईंना उतारवयात मधुमेहाने त्रस्त केले होते. शिवसेनेच्या स्थापनेपासून बाळासाहेबांच्या खांद्याला खांदा लावून साबीरभाईंनी शिवसेना उभारणीसाठी जीवाचे रान केले. उच्च रक्तदाब आणि मधुमेहाचा आजार असल्याने तीन-चार वर्षापासून ते अंथरूणाला खिळून होते. कल्याणजवळील कोनगावात सध्या पुतण्या अराफतकडे ते राहत होते. प्रकृतीकडे विशेष लक्ष देण्यासाठी कोणी नसल्याने त्यांची प्रकृती खूपच खालावली होती.ज्ञानेश्वरीचे भाष्यकार, कीर्तन व प्रवचनात रमणारे, सह्याद्रीभ्रमण भूषणकार अशी अनेक बिरूदे साबीरभाईंना मिळाली होती. अंबरनाथ विधानसभा मतदारसंघातून सलग तीन वेळा आमदार म्हणून ते निवडून आले. 1995 मध्ये शिवसेना-भाजप युती सरकारच्या काळात बाळासाहेबांनी साबीरभाईंना कामगार खात्याचे मंत्री केले. बाळासाहेबांनी साबीरभाईंना ‘शिवभक्त’ ही पदवी दिली होती