देवाच्या इच्छेशिवाय एक पानही हलत नाही, इथपासून जगात खरंच देव आहे का, इथपर्यंत वेगवेगळ्या विचारसरणीची माणसं आपल्या अवतीभवती बघायला मिळतात. बाप दाखव नाहीतर श्राद्ध कर या न्यायाने देवाच्या अस्तित्वाचे पुरावे मागणारे नास्तिक असोत वा हवा जशी दिसत नाही, पण ती असते, तसाच देवही दिसत नाही, पण तो असतो, असं मानणारे आस्तिक असोत, दोघेही आपापल्या जागी योग्यच असतात. पण या प्रश्नांच्या गुंत्यापलिकडे जात एका प्रेमकथेच्या माध्यमातून देवाच्या अस्तित्वाचा शोध घेण्याचा अनोखा प्रयत्न निर्माता दिग्दर्शक डॅा. मृणालिनी पाटील यांनी ‘राखणदार’ या चित्रपटातून केला आहे.

‘कगार’ या हिंदी चित्रपटाची निर्मिती आणि ‘मंथन एक अमृत प्याला’ या मराठी चित्रपटाद्वारे दिग्दर्शकीय पदार्पण केल्यानंतर डॅा. मृणालिनी पाटील यांनी ‘राखणदार’ची निर्मिती आणि दिग्दर्शन केलं आहे. ज्येष्ठ अभिनेते रमेश देव यांच्या हस्ते चित्रपटाच्या संगीताचं अतिशय थाटात अनावरण मुंबईत करण्यात आलं. त्याप्रसंगी चित्रपटातले प्रमुख कलावंत तसेच तंत्रज्ञ उपस्थित होते. यावेळी चित्रपटाच्या ट्रेलरचंही अनावरण करण्यात आलं.

सदानंद हा एक अतिशय साधा आणि प्रामाणिक मुलगा त्याच्या साधेपणामुळेच वारंवार अडचणीत सापडतो. अडचणीतून बाहेर पडण्याचे मार्गही त्याला गवसतात. पण प्रत्येक टप्प्यावर त्याच्याही नकळत एक दैवी शक्ती त्याला मदत करत असते. अर्थात तो तिला ओळखण्यात कमी पडतो. ती दैवी शक्ती वेळोवेळी त्याची सत्वपरीक्षाही घेते. अखेरीस सदानंदला या दैवी शक्तीची प्रचीती येते का, देवाला ओळखण्यात तो यशस्वी ठरतो का, हे ‘राखणदार’मध्ये बघायला मिळणार आहे.

आपण आयुष्यभर देव, देव करत राहातो, मंदिरांमध्ये देवाचा शोध घेत राहातो, पण अवचितपणे समोर येऊन उभ्या ठाकलेल्या देवाला ओळखण्यात मात्र कमी पडतो, हे ‘राखणदार’चं सूत्र आहे. अजिंक्य देव, जीतेंद्र जोशी, अनुजा साठे यांच्या प्रमुख भूमिका असून यतीन कार्येकर, सतीश पुळेकर, रवींद्र महाजनी, हंसराज जगताप आणि अनुप चौधरी यांनी त्यांना भक्कम साथ दिली आहे. आनंद मोरे लिखित या चित्रपटाचं छायालेखन जहांगीर चौधरी यांनी केलं असून फ. मु. शिंदे आणि प्रकाश राणे लिखित गीतांना कनकराज आणि समीर फातर्पेकर यांनी संगीतबद्ध केलं आहे.

‘राखणदार’ २६ सप्टेंबर रोजी राज्यभरात प्रदर्शित होत आहे.

प्रेमकथा हा चित्रकर्त्यांना चिरंतन आव्हान देणारा विषय. प्रेमाचे विविध पैलू तपासून, त्याच्या विविध कंगो-यांचा धांडोळा घेण्याचे प्रयत्न वर्षानुवर्षे सुरू आहेत, मात्र तरीही प्रेम दशांगुळे उरतेच. त्यामुळेच प्रेम हा विषय सर्जनशील चित्रकर्त्याला सतत खुणावत असतो. म्हणूनच ‘लग्न पहावं करून’ या आपल्या पहिल्याच दिग्दर्शकीय प्रयत्नानंतर दिग्दर्शक अजय नाईक पुन्हा एकदा प्रेमाचा एक अनवट पैलू शोधू पाहाणारा ‘बावरे प्रेम हे’ हा संगीतमय प्रेमपट घेऊन प्रेक्षकांच्या भेटीला येण्यास सज्ज झाला आहे.

अनन्या शिरोडकर (उर्मिला कानेटकर-कोठारे) आणि नील राजाध्यक्ष (सिद्धार्थ चांदेकर) यांची ही प्रेमकहाणी गोव्याच्या निसर्गरम्य पार्श्वभूमीवर हळुवारपणे उलगडते. प्रेमकथेला असतात तशीच अनपेक्षित वळणे याही कथेला आहेत. सोबत आहे ‘या प्रेमकथेचा शेवट आनंदी होणार की दुःखी’, हा लाखमोलाचा सवाल.

चित्रपटाची कथा अजयचीच असून पटकथा-संवाद चिन्मय केळकर आणि अजय नाईक यांचे आहेत. गोव्याचे सौंदर्य टिपले आहे छायालेखक सलील सहस्त्रबुद्धे यांनी. अजयनेच लिहिलेल्या गाण्यांना स्वरसाज चढवला आहे शंकर महादेवन, शान, बेला शेंडे, हृषिकेश रानडे आणि अपेक्षा दांडेकर यांनी. स्पृहा जोशीनेही यातील एक गीत लिहिले आहे. याशिवाय, ‘मार्गारेट्स थीम’ हा इन्स्ट्रुमेंटल पीस असून त्यात माउथ ऑर्गन, व्हॅायलीन व अॅकॅार्डियन यांचा समावेश आहे. ७२ वर्षांचे किशोर नाईक यांनी हल्ली क्वचित वापरले जाणारे माउथ ऑर्गन वाजवले आहे.

प्रेमकथेला सुमधूर संगीताची साथ असली की ती प्रेमकथा वेगळ्या उंचीवर जाते, अविस्मरणीय ठरते. संगीताची ही बाजू सांभाळली आहे स्वतः दिग्दर्शक अजय नाईक याने. ‘सतरंगी रे’, ‘लग्न पहावं करून’ नंतर तो पुन्हा एकवार संगीतकार म्हणून प्रेक्षकांसमोर येत आहे. मुंबईत अलिकडेच एका शानदार सोहळ्यात चित्रपटातील कलावंत व गायकांच्या उपस्थितीत चित्रपटाच्या संगीताचे अनावरण करण्यात आले.

ट्रायो एंटरटेनमेंट्स प्रस्तुत मैत्री प्रॅाडक्शन्स व शिवतारा एंटरटेनमेंट प्रॅाडक्शन या बॅनर्सअंतर्गत निलेश सिंग, निमेश रमेश देसाई, वीरेंद्र नरहरी चव्हाण, किशोर नाईक व जयदीप येओले यांनी ‘बावरे प्रेम हे’ची निर्मिती केली असून २६ सप्टेंबर रोजी हा चित्रपट राज्यभरात प्रदर्शित होत आहे.

साहित्य -संस्कृती -देशभक्ती अशा सर्वच पातळीवर महाराष्ट्र म्हणजे भारताला मिळालेली एक अमुल्य देणगी आहे जी भारताला समृद्धतेकडे नेत राहील असे प्रतिपादन येथे प्रसिध्द अभिनेता मुकेश तिवारी यांनी केले ऍड.उज्ज्वल निकम हि देखील महाराष्ट्रानेच भारताला दिलेली एक देणगीच आहे आणि त्यांच्या जीवनावरिल मराठी चित्रपटात मला काम करण्याची संधी मिळाली हे माझे भाग्य आहे असेही त्यांनी यावेळी पत्रकारांशी बोलताना सांगितले . ‘आदेश – पॉवर ऑफ लॉ ‘ या मराठी सिनेमाच्या चित्रीकरणासाठी तिवारी येथे आले होते त्यावेळी ते बोलत होते . हा चित्रपट मराठी त असला तरी नंतर तो तमिळ , तेलगु आणि बंगाली भाषेत हि डब करून प्रसारित केला जाणार आहे असे यावेळी लेखक आणि निर्माते संविधान आंग्रे यांनी सांगितले .
मुकेश तिवारी यावेळी बोलताना पुढे म्हणाले ,”महाराष्ट्राला संतांची भूमी आहे असे म्हटले जाते , येथेच साहित्य आणि संस्कृती या परंपरेचा मूळ स्त्रोत आहे भारतात कुठे हि नाही अशी येथे .चित्रपट आणि नाटक याबाबतची धोरणे राबविली जातात .हिंदी सिनेमाची देखील महाराष्ट्र हीच कर्मभूमी आहे . जुने चित्रपट ,नाटके , संगीत येथे कधी हि कालबाह्य होत नाही . कितीही खडतर अवस्था आली तरी त्यामुळे येथील रंगभूमी जिवंतच राहील रंगभूमी हाच सिनेमा सृस्तीचा आत्मा आहे सध्या शॉर्ट फिल्म मोठ्या संख्येने होत आहेत . फायदा -तोटा याचा विचार न करता चित्रपट -नाटक आणि रंगभूमी वेगाने पुढे जाते आहे येथील रसिकता च त्याला कारणीभूत आहे प्रशिक्षण घेवूनच अभिनय करावा किंवा या सृष्टीत उतरावे असे काही नाही इच्छ्याशक्ती मनापासून आहे तो येथे आज न उद्या यश प्रस्थापित करतोच करतो नाना पाटेकर -कमाल हसन हि उदाहरणे यासाठी देता येतील आज सिनेमा क्षेत्रात हि चांगले परिवर्तन मला जाणवते आहे पूर्वी मराठी सिनेमा २५ लाखात होत आता तो २ करोड च्या पुढे कधी सरकला हे समजले हि नाही प्रत्येकाची इमेज हि आता बदलते पूर्वी चित्रपटात एक -दोन विनोदी कलाकार असत , तसेच खलनायक असत आणि नायक असत , आता जो नायक आहे तोच कॉमेडीयन हि असू शकतो आणि तोच काह्ल्नायक हि असू शकतो लाईफ स्टाईल बदलते आहे तसा सिनेमाही बदलतो आहे आणि पारंपारिक दर्शक हि बदलतो आहे भोजपुरी सिनेमांवर मात्र यावेळी मुकेश तिवारी यांनी टीका केली केवळ आयटम सॉंग साठी पेट्रोल पंप विकून सिनेमा काढणारी प्रवृत्ती किती दिवस तग धरेल असे ते म्हणाले
ते पुढे म्हणाले ,1993 पासून शासनाचे विशेष सरकारी वकील म्हणून कामकाज पाहणाऱ्या उज्व्वल निकम यांनी दहशतवाद्यांविरुद्ध सन 1993 चा मुंबई बॉम्बस्फोट खटला, कल्याण लोकल रेल्वे बॉम्ब स्फोट खटला, गेट वे ऑफ इंडिया व झवेरी बाजार बॉम्ब स्फोट खटला व नुकताच हॉटेल ताज, ओबेरॉय येथे झालेला दहशतवादी हल्ल्याचा पाक अतिरेकी अजमल कसाब यांचा खटला, वेगवेगळे संवेदनशील खटले अतिशय कर्तव्यदक्षपणे हाताळून भारतीय कायद्याचे आणि भारताचे रक्षण करण्याचेच काम केले आहे ऍड. निकम यांनी आतापर्यंत चालविलेल्या विविध खटल्यात एकूण 628 कुख्यात आरोपींना आजन्म कारावासाची शिक्षा तर 37 गुन्हेगारांना मृत्यू दंडाची शिक्षा झालेली आहे.ऍड. निकम यांनी यापूर्वी देखील एक डिसेंबर 10 ला संयुक्त राष्ट्र संघाच्या सुरक्षा बैठकीत “दहशतवाद’ या विषयावर भारत सरकारचे प्रतिनिधित्व केले आहे. त्यांना डॉ. डी. वाय पाटील विद्यापीठातर्फे (पुणे) माजी राष्ट्रपती डॉ. अब्दुल कलाम यांच्या हस्ते कायदा क्षेत्रात उत्कृष्ट कामगिरी केल्याबद्दल डॉक्‍टरेट ही पदवी नुकतीच बहाल करण्यात आली आहे. तसेच त्यांना वेगवेगळ्या संघटनांमार्फत आतापर्यंत एकूण 65 पुरस्कार प्राप्त झाले आहेत.आज आपल्यात नसलेल्या देशभक्तांवरील चित्रपटात मला कामे करण्याची संधी मिळाली पण आज हि डॉ बाबासाहेब आंबेडकरांनी बनविलेल्या घटनेचे आणि त्याद्वारे भारताचेच प्रामाणिकपणे आणि कौशल्याने रक्षण करणाऱ्या उज्ज्वल निकामांवरील चित्रपटात वकिलाची भूमिका करण्याचे काम मला करण्याची संधी मिळाली याचा विशेष आनंद आहे . सह निर्माता दिनेश पुजारी , योगेश वणवे यांनी सांगितले कि संविधान आंग्रे यांनी या चित्रपटाच्या निर्मिती साठी काही वर्षे मेहनत घेतली . अशा प्रकारे सरकारी वकिलाच्या जीवनावर येणारा हा पहिलाच चित्रपट आहे दिवाळी पर्यंत तो प्रदर्शित करण्याचा आमचा प्रयत्न आहे काही मोजक्या खटल्यांचा यात समावेश करण्यात आला असून अवास्तववादाला टाळून तो करण्यात येतो आहे त्यामुळे ऐक्शन – थ्रिलर यांचा अति वापर येथे नसेल मात्र केसेस च्या कथानाकाप्रमाणे १ आयटम सॉंग आणि अन्य २ गाणी यात असतील ती अजून चित्रित व्हायची आहेत सुमारे ८० टक्के चित्रीकरण पूर्ण झाले आहे . दीपक सवाखंडे या चित्रपटाचे सहदिग्दर्शक असून सिनेमोटोग्राफी दिलीपकुमार डोंगरे यांची आहे अशोक शिंदे , अनंत जोग ,मिथिला नाईक , हेमंत वनारसे यांच्या यात भूमिका आहेत संविधान आंग्रे हे स्वतः उज्ज्वल निकम यांची भूमिका साकारत आहेत. तर सर्वोच्च न्यायालयाच्या न्यायाधीशांची भूमिका प्रथमच पुण्यातील पत्रकार शरद लोणकर साकारीत आहेत