पुणे : लक्ष्मीपूजनाच्या मुहूर्तावर सारसबागेत नृत्य-गीतांच्या बरसातीत दिवाळी पहाट रंगली. दिवाळीच्या उत्साहात सामाजिकतेची जाणीव ठेवून या वेळी रक्तदान शिबिराचे आयोजन करण्यात आले होते. १५२ रक्तदात्यांनी रक्तदान केले.
यशवंतराव चव्हाण प्रतिष्ठान (मुंबई)च्या पुणे विभागाने या दिवाळी पहाट कार्यक्रमाचे आयोजन केले होते. बासरीवादक रोहित वनकर, व्हायोलिनवादक तेजस उपाध्ये व तबलावादक मिलिंद उपाध्ये यांच्या जुगलबंदीला भैरवी रागाने प्रारंभ झाला. प्रसिद्ध कथक कलावंत मनीषा साठे यांच्या शिष्या शांभवी देशपांडे आणि त्यांच्या सहकारी कलावंतांनी वर्षाऋतूवर आधारित नृत्याविष्कार सादर केला. तेजस्विनी साठे दिग्दर्शित आणि विक्रम घोष यांच्या संगीतावर आधारित फ्युजनवर नेहा कर्वे, शर्वरी भिडे, भक्ती झळकी व ऐश्‍वर्यासाने या कलावंतांनी सादर केलेल्या कथक नृत्याने रसिकांची मने जिंकून घेतली.
प्रसिद्ध गायक जितेंद्र भुरूक व त्यांच्या सहकार्‍यांनी रसिकांना ‘गीतों का सफर’चा अनुभव दिला. विजय कुलकर्णी, माधवी देसाई, सौरभ सांळुके, अली हुसेन, धनश्री गणात्ना, जितेंद्र भुरुक यांनी गाणी सादर केली.
शांतिलाल सुरतवाला यांनी प्रास्ताविक केले. महापौर दत्ता धनकवडे, उपमहापौर आबा बागूल, प्रतिष्ठानचे अध्यक्ष अजित निंबाळकर, म्हाडाचे अध्यक्ष अंकुश काकडे, माजी नगरसेवक गोपाळ चिंतल उपस्थित होते. मोनिका जोशी यांनी सूत्नसंचालन केले. आनंदऋषीजी ब्लडबँकेतर्फे आयोजित रक्तदान शिबिरांत १५२ दात्यांनी रक्तदान के

पुणे : उपचार करणारे डॉक्टर हे बीएएमएस असून, त्यांना अँलोपॅथिक उपचार करण्याचा अधिकार नसल्याच्या कारणावरून विमा कंपनीने क्लेम नाकारला होता. वैद्यकीय अधिकारी मान्यताप्राप्त असतानाही चुकीच्या पद्धतीने विमा नामंजूर केल्याने विमा कंपनीने तक्रारदाराला ३७ हजार ८२९ रुपये देण्याचा ग्राहक मंचाने आदेश दिला.
विलास शिवाजी खंडागळे (मु. पो. उरुळी कांचन, तुपे वस्ती, ता. हवेली) यांनी दि ओरिएन्टल इन्शुरन्स कंपनी लिमिटेड, पुणे, पुणे-मुंबई रस्ता, वाकडेवाडी, शिवाजीनगर यांच्याविरुद्ध तक्रार दिली होती. खंडागळे व त्यांच्या पत्नी हे निसर्ग उपचार आश्रम ट्रस्ट, उरुळी कांचन येथे २००० पासून कायमस्वरूपी स्वयंपाकी विभागात काम करीत आहेत. त्यांच्या संस्थेने कामगार व त्यांच्या कुटुंबाची ग्रुप मेडिक्लेम पॉलिसी काढलेली आहे. ही पॉलिसी १२ वर्षांपासून असून, दर वर्षी नूतनीकरण केले जाते. दरम्यान, वडिलांचा मृत्यू झाला म्हणून जुलै २०१२ मध्ये खंडागळे हे शेतीच्या कामासाठी सोलापूर येथील माढा गावी गेले होते. त्या वेळी त्यांना माढा येथील हॉस्पिटलमध्ये दाखल केले होते. या उपचाराचा खर्च मिळविण्यासाठी त्यांनी सर्व कागदपत्रांची पूर्तता करून बिलाच्या रकमेच्या प्रतिपूर्तीसाठी निसर्ग आश्रम ट्रस्टतर्फे मेडिक्लेमसाठी अर्ज केला. मात्र, ओरिएंटल कंपनीने खंडागळे यांनी ज्या डॉक्टराकडे उपचार घेतले ते डॉक्टर बीएएमएस असून, त्यांना अँलोपॅथिक उपचार करण्याचा अधिकार नाही, या कारणावरून २९ हजार ८२९ रुपयांचा क्लेम नामंजूर केला. मात्र, खंडागळे यांनी राज्य शासनाचे राजपत्र दाखल केले. त्यानुसार महाराष्ट्र शासनाने २५ नोव्हेंबर १९९२पासून महाराष्ट्र प्रॅक्टीशनर अँक्ट, १९६१ लागू केलेला असून, सर्व बीएएमएस डॉक्टरांना अँलोपॅथिक उपचार व औषधांचा वापर करण्यास परवानगी दिलेली आहे. हे कागदपत्र जोडलेला असतानाही क्लेम नाकारला.ग्राहक मंचाने दोन्ही पक्षाचे म्हणणे ऐकले. कंपनीच्या मते ज्या वैद्यकीय अधिकार्‍याकडे उपचार घेतले आहेत तो वैद्यकीय अधिकारी राज्य मेडिकल कौन्सिल किंवा केंद्र मेडिकल कौन्सिलमध्ये नोंदणीकृत असणे आवश्यक आहे. तक्रारदार यांनी ज्या वैद्यकीय अधिकार्‍याकडे उपचार घेतले आहेत, हे बीएएमएस आहेत व त्यांनी मेडिकल कौन्सिलकडे नोंदणीही केलेली आहे. राजपत्रानुसार ते अँलोपॅथिक व्यवसाय करू शकतात. त्यामुळे त्यांनी दूषित सेवा दिलेली आहे. तक्रारदारांच्या बिलाची २९ हजार ८२९ रूपये, मानसिक त्रासासाठी ४ हजार व तक्रारीच्या खर्चासाठी ४ हजार रूपये देण्याचा मंचाने विमा कंपनीला आदेश दिला.

पुणे- भोर तालुक्याच्या हद्दीत पुणे-सातारा महामार्गावरील एका वाडीत राहणाऱ्या १५ वर्षाच्या विद्यार्थिनीने प्रेमप्रकरणाला घरच्यांचा विरोध असल्यामुळे पेटवून घेऊन आत्महत्या केल्याचा प्रकार उघड झाला आहे. बुधवारी रात्री साडेनऊ वाजता शिंदेवाडी येथे तिने पेटवून घेतले असून, तिच्या घरच्यांनी मृत्यूची माहिती पोलिसांना न देता तिच्यावर अंतिम संस्कार केले. पोलिसांना कोणतीही माहिती न देता परस्पर अंत्यविधी उरकण्यात आल्यामुळे प्रकरणाबाबत संशय वाढला आहे याविषयी राजगड पोलीस अधिक चौकशी करीत आहेत. मात्र पोलिसांनी हा आत्महत्येचा प्रकार असल्याचे सांगितले आहे.
प्राजक्ता (वय १५) असे पेटवून घेऊन आत्महत्या केलेल्या विद्यार्थिनीचे नाव आहे. या घटनेत भाजून तिचा मृत्यू झाला. गुरुवारी या परिसरात या प्रकाराची वार्ता पसरल्यामुळे तेथे ग्रामीण पोलिसांनी धाव घेतली. पुणे ग्रामीणचे अतिरिक्त पोलीस अधीक्षक रवींद्रसिंह परदेशी यांनी दिलेल्या माहितीनुसार प्राजक्ता इयत्ता नववीत शिक्षण घेत होती. घराशेजारी राहणारा तरुण रवि (वय २१) या तरुणासोबत तिचे गेल्या दीड महिन्यांपासून प्रेमसंबंध होते. या प्रेमप्रकरणाला तिच्या आईवडिलांचा विरोध होता आणि त्यांनी प्राजक्ताला प्रेमप्रकरण संपवण्याबाबत दोन-तीन वेळा समज दिली होती.रवि हा एका खासगी कंपनीत नोकरी करीत असून, बुधवारी सायंकाळी ते एकमेकांशी गप्पा मारत बसले होते. हे प्राजक्ताच्या आईने पाहिले. यानंतर तिने रविच्या कुटुंबीयांना घरी बोलावून घेतले होते. त्यांनी प्राजक्ताला हे वय प्रेम करण्याचे नसून वयात आल्यानंतर लग्न लावून देण्याचे आश्‍वासन दिले. ही चर्चा सुरू असतानाच प्राजक्ता शेजारच्या खोलीत गेली आणि तिने अंगावर रॉकेल ओतून घेऊन पेटवून घेतले. यामध्ये ती गंभीर जखमी झाली व रात्री साडेनऊच्या सुमारास तिचा मृत्यू झाला. हा प्रकार घडल्यानंतर तिच्या आईवडिलांनी याची माहिती पोलिसांना देणे अपेक्षित होते. मात्र त्यांनी कोणालाही काही न सांगता त्याच रात्री साडेबारा वाजता तिच्यावर अंत्यसंस्कार केले.

पुणे, ता. 23 : गोखलेनगरमधील सुयोग मित्र मंडळाने दिवाळीनिमित्त जंजीरा या सागरी किल्ल्याची प्रतिकृती साकारली असून, तो पाहण्यासाठी नागरिकांची गर्दी होत आहे. गणेश ओरसे, अक्षय माने, शुभम वाईकर, निलेश मांडवकर, निरंजन गोरडे, अथर्व जोशी, अभिषेक पवार, विकास मापुसकर, आशीष माने यांनी किल्ला साकारण्यासाठी विशेष परिश्रम केले.

पुणे धर्मप्रांताचे बिशप थोमस डाबरे यांच्या ६९ व्या वाढदिवसानिमित आज त्यांच्या बिशप हाउसमध्ये त्यांना शुभेछा देण्यासाठी गर्दी केली होती . सेंट पेट्रीक्स चर्चच्या आवारातील बिशप हाउसमध्ये त्यांचा वाढदिवस उत्साहात साजरा करण्यात आला . यावेळी
पुणे धर्मप्रांताचे विकार जनरल फादर माल्कम सिक़्वेरा , नितीन डिसोझा ,विद्याभवन शाळा आणि महाविद्यालयाच्या मुख्याध्यापक रेव्हरंड फादर गोडविन सलढाणा ,शीतल डिसोझा, फादर व्ही. लुइस , सिस्टर्स , तसेच विद्या भवन शाळेमधील विद्यार्थी , शिक्षक वर्ग आणि ख्रिस्त बांधव उपस्थित होते .
यावेळी पुणे धर्मप्रांताचे बिशप थोमस डाबरे यांच्या ६९ व्या वाढदिवसानिमित पुणे धर्मप्रांताच्या अंतर्गत असलेल्या २८ शाळा आणि २ महाविद्यालयामधून विद्यार्थीकडून काश्मीर मधील पूरग्रस्तासाठी आर्थिक मदत निधी गोळा करण्यात आला . हा जमा झालेला आर्थिक निधी काश्मीर मधील कारीतारा इंडिया या सामाजिक संस्थेकडे देण्यात येणार आहे . त्या संस्थेच्या माध्यमातून काश्मीर मधील पूरग्रस्ताना मदत देण्यात आहे , अशी माहिती पुणे धर्मप्रांताचे विकार जनरल फादर माल्कम सिक़्वेरा यांनी दिली .
यावेळी पुणे धर्मप्रांताचे बिशप थोमस डाबरे यांनी आपले वाढदिवसानिमित आणि दीपावलीनिमित शुभेछा देताना सांगितले कि , दिवाळीचा सण , सत्याचा प्रकाश देऊन येत असतो , सत्याची प्रेरणा , हे दिवाळीचे प्रमुख उद्दिष्ट . प्रकाश हे सत्याचे प्रतिक आहेत , आणि म्हणून आपल्या जीवनामध्ये सत्याला प्रथम स्थान देतो , हाच दिवाळीचा संदेश आहे . विषमता , स्त्रियांवरील अत्याचार , मुलांचे कुपोषण आणि मुलांच्या जडण घडणीकडे दुर्लक्ष , समाजातील भीषण गरिबी आणि भ्रष्टाचार एकूण नैतिकतीचे अधिपतन हे सारे सत्याशी आणि दिवाळीची मूळ प्रेरणेशी विसंगत आहे आणि आपण निपटून काढण्यासाठी पुढे येऊ या . प्रभू येशु ख्रिस्ताची प्रेरणा हि सगळ्यांना मदत करण्याची आहे , त्यासाठी पुणे धर्मप्रांताच्या अंतर्गत असलेल्या २८ शाळा आणि २ महाविद्यालयामधून विद्यार्थीकडून काश्मीर मधील पूरग्रस्तासाठी आर्थिक मदत निधी गोळा करण्यात आला . हि मदत करताना समाजासाठी असणारी आपली सामाजिक बांधिलकी म्हणून समाजाचे ऋण आपण फेडत आहोत .यावेळी पुणे धर्मप्रांताचे विकार जनरल फादर माल्कम सिक़्वेरा यांनी पुणे धर्मप्रांताचे बिशप थोमस डाबरे यांना दीर्घायुष्य लाभो , यासाठी प्राथर्ना केली .

भवानी पेठ मधील भवानी पेठ पालखी विठ्ठल मंदिरात पहाटेच्या काकड आरतीचे सूर घुमत असल्याने पहाटेचे वातावरण भक्तिमय व प्रसन्न होत असून, दीपावलीच्या सणात रंग भरले जात आहेत. येथील संत सावतामाळी भजनी मंडळाचा सहभाग असल्याचे दिसून येत आहे. दरवर्षी कोजागरी पौर्णिमा ते कार्तिकी पौर्णिमा या कालावधीत सर्वच ठिकाणी या आरतीचे आयोजन होत असल्यामुळे फार पूर्वीपासून होत असलेल्या या काकडारतीला विशेष महत्त्व असल्याचे वारकरी संप्रदायातील काही जाणकरांकडून सांगण्यात येते.विठ्ठल मंदिरात संत सावतामाळी भजनी मंडळाची काकडारती झाली . यावेळी सर्वाच्या कपाळाला चंदनाची उटी आणि बुक्का लाऊन स्वागत करण्यात येत होते . यावेळी मंदिरातील विठ्ठल रुक्मिणीस तुळशी फुलांचे हार घालून सजावट करण्यात आली होती .

यामध्ये विणेकरी दीपक चव्हाण , मंडळाचे अध्यक्ष ज्ञानोबा घोड , टाळकरी नंदकुमार जगताप , दत्तात्रय घोड , पंढरीनाथ कोंढरे , राहुल कोंढरे , अशोक साळुंके , चंद्रशेखर चिंचवडे , गुलाबराव जगताप , सुधीर पाटील , प्रमोद बेंगरूट , दत्तात्रय गोळे , महिला भजनकरी ताराबाई बेंगरूट, चंद्रकला भोसले , ताराबाई क्षीरसागर , कुंदा बेंगरूट , छाया कोलते , शशिकला राउत , ज्योती कोंढरे , सरस्वती ढमाले , उज्वला कोरे , मयुरी कोंढरे , अश्विनी कोंढरे आदी सहभागी झाले होते .

या काकडारतीमध्ये तुझीआण वाहिण गा देवराया …. , बहु आवडीसी जीवा पासोनिया । कर जोडोनी विनविता तुम्हा । तुम्ही वासुदेव वासुदेव म्हणा …. , करुनी विनवणी पापी ठेवितो माथा । परिसावी विनंती माझी पंढरीनाथ तारा … या अभंगाचे गायन करण्यात आले . शेवटी सर्वाना प्रसाद देण्यात आला .

दीपावलीनिमित पुणे कॅम्प मधील जुना मोदीखाना भागातील स्वराज्य ग्रुपच्यावतीने भव्य किल्ला बांधण्यात आला . हा किल्ला स्वराज्य ग्रुपचे बाल कार्यकर्ते प्रथमेश जाधव , एल्ड्रिक डायस , अभिजित वाघमारे , फ़ेवियन करवालो , महिमा शिरसाठ आदींनी उभारण्यासाठी विशेष परिश्रम घेतले . या किल्ल्यावर विविध चित्रे मांडण्यात आली आहे . पुणे कॅम्प भाग कॉस्मोपोलीटन भाग असल्याने हा किल्ला बांधण्यासाठी सर्व धर्मातील बाल कार्यकर्ते सहभागी झाले होते .छत्रपती शिवाजी महाराजांनी सर्व धर्मांना बरोबर घेऊन स्वराज्याचे तोरण बांधले . त्याच पद्धतीने पुणे कॅम्प भागात छत्रपती शिवाजी महाराज माहिती सर्वांना समजण्यासाठी किल्ला उभारला आहे .

पुणे, ता. 22 : राष्ट्रीय कला अकादमी आणि सुयोग मित्र मंडळाने कैलास स्मशानभूमीतील कर्मचाऱ्यांसोबत उत्साहपूर्ण वातावरणात दिवाळी साजरी केली. मंगलमय वातावरणाची निर्मिती करणारे सनईचे सूर, नेत्रदीपक आकर्षक, भव्य रांगोळी, आसमंत उजळून टाकणारा पाच हजारहून अधिक पणत्यांचा झगमगाट आणि सेवकांसाठी मिठाई व भेटवस्तूंचे वाटप असे या कार्यक्रमाचे स्वरुप होते.

महापालिकेचे सहआयुक्त ज्ञानेश्वर मोळक, सहायक आयुक्त संदीप ढोले, आरोग्य निरीक्षक नीलिमा काकडे, रूबी हॉल क्लिनिकच्या अतिदक्षता विभागाच्या प्रमुख डॉ. प्राची साठे, इंडियाआर्टचे संचालक मिलिंद साठे यांची प्रमुख उपस्थिती. या वेळी झालेल्या छोटेखानी कार्यक्रमात ससूनच्या शवागारातील कर्मचारी व स्मशानभूमीतील कर्मचाऱ्यांचा कृतज्ञतापूर्वक ह्द्य सन्मान करण्यात आला. मंदार रांजेकर, अतुल सोनावणे, नीलेख राखुंडे, विकास मापुसकर, मंगेश तडके, सचिन देसाई, यशवंत नेटके यांनी कार्यक्रमाचे संयोजन केले.