भारताचे पहिले पंतप्रधान पंडित जवाहरलाल नेहरू जयंती निमित वानवडी बाजारमधील हरिभाऊ बळवंतराव गिरमे विद्यालयातील विद्यार्थ्यांनी स्वछ राहण्याची सामुहिक शपथ घेतली . यावेळी पंडित जवाहरलाल नेहरू यांच्या प्रतिमेस महेश जांभुळकर यांनी पुष्पहार अर्पण करून विनम्र अभिवादन करण्यात आले . यावेळी होप आरोग्य रुग्णालयाचे प्रमुख डॉ. अमोल देवळेकर यांनी विद्यार्थ्यांना ” शालेय जीवनातील विदयार्थ्यांचे आरोग्याचे महत्व ” या विषयावर व्याख्यान दिले . यावेळी शाळेचे मुख्याध्यापक माणिकराव शेंडे , उपमुख्याध्यापक चिंतामणी टिळेकर सुपरवायझर संजीव यादव , आशिष खरात उपस्थित होते .

यावेळी उपस्थितांचे स्वागत आणि सूत्रसंचालन विजया शिवरकर यांनी केले तर आभार स्मिता लोणकर यांनी मानले . शाळेतील शिक्षिका प्रतिभा रासकर यांनी विद्यार्थ्यांना स्वछ राहण्याची सामुहिक शपथ दिली .

भारताचे पहिले पंतप्रधान पंडित जवाहरलाल नेहरू जयंती अर्थात बालदिनानिमित युनिटी फॉर फ्रीडम फौंडेशनच्यावतीने पुणे कॅम्प भागातील सेंट मार्गारेट प्राथमिक शाळेत मुलांना गुलाबपुष्प , खाऊ वाटप करण्यात आले.या कार्यक्रमाचे आयोजन युनिटी फॉर फ्रीडम फौंडेशनचे अध्यक्ष भगवान वायाळ यांनी केले होते . यावेळी सेंट मार्गारेट प्राथमिक शाळेच्या मुख्याध्यापिका एलिझाबेथ विधाते , अनुपमा कलकोटी , प्रतिभा वायाळ , राकेश कांबळे , दिलीप कदम , सोनल केमुस्कर , आशिष पवार , योगेश अहिर , सुरेश दरवडे , नितीन जाधव आदी मान्यवर उपस्थित होते .

पंडित जवाहरलाल नेहरू जयंती अर्थात बालदिनानिमित पुणे कॅम्प भागातील एम. एस. व्ही. फाउडेशनच्यावतीने पदपथावरील अनाथ मुलांसमवेत बालदिन उत्साहात साजरा करण्यात आला . यावेळी कॅम्प भागातील सेंट मेरी चर्चच्या चौकातील अनाथ मुलांना आंघोळ घालून त्यांना नवीन कपडे आणि उबदार स्वेटर घालून त्यांना गोड खाऊ देऊन मुलांसमवेत एम. एस. व्ही. फाउडेशनचे संस्थापक अध्यक्ष मनजितसिंग विरदी यांनी बालदिन साजरा केला , यावेळी त्यांना सुरुवातीला आंघोळ घातली , त्यानंतर नवीन कपडे दिलि. त्यांनतर थंडी पासून बचावासाठी नवीन जाड उबदार स्वेटर घालण्यात आले . त्यानंतर त्यांना गोड खाऊ आणि गुलाबाची फुले देण्यात आली .

यावेळी एम. एस. व्ही. फाउडेशनचे संस्थापक अध्यक्ष मनजितसिंग विरदी , मेजरसिंग कलेर , रिदिम्मा विरदी , भोलासिंग अरोरा , मनप्रित विरदी, सलमान शेख , सुरज अग्रवाल , राजू राठोड , भारत शेलार , रफिक शेख , सहेर विरदी , देशमुख चव्हाण आदींनी कार्यक्रम यशस्वी करण्यासाठी विशेष परिश्रम घेतले .

यावेळी मनजितसिंग विरदी यांनी सांगितले कि , भारताचे पंतप्रधान नरेंद्र मोदी यांनी बालदिनानिमित बाल स्वछता अभियान संपूर्ण देशात राबवीत आहे , त्यामुळे एम. एस. व्ही. फाउडेशनने देखील रस्त्यावरील , चौका – चौकातील बालकांसाठी बाल स्वछता अभियान राबविले . त्यासाठी पुणे कॅम्प भागातील या मुलांना डेटोलच्या पाण्याने चांगली आंघोळ घालून त्यांना स्वछ करण्यात आले . त्यांनतर त्यांना नवीन कपडे देण्यात आली , थंडीपासून बचावासाठी नवीन उबदार स्वेटर घालण्यात आले . त्यानंतर गुलाबपुष्प आणि गोड खाऊ देण्यात आला , यामुळे मुलांच्या चेहऱ्यावर आनंद दिसून येत होता . खरोखरच बालदिन खऱ्या अर्थाने साजरा केल्याचे त्यांनी सांगितले . तसेच विक्स वेपोरबची औषधे देखील देण्यात आली .

विद्यार्थ्यांनी स्वच्छता अभियान एका दिवसापुरता मर्यादित न ठेवता कायमस्वरूपी स्वच्छतेचा संकल्प करावा-सौ.मंजुश्री खर्डेकर
बाल दिना निमित्त पंडित दीनदयाळ शाळेत स्वच्छता अभियान कार्यक्रम
———————————————————————————————————
पंतप्रधान नरेन्द्र मोदी यांनी १४ नोव्हेंबर ते १९ नोव्हेंबर”बाल स्वच्छता मिशन” मोहिमेचे आवाहन केले होते.यास अनुसरून शिक्षण मण्डल सदस्य सौ.मंजुश्री खर्डेकर यांनी एरंडवना परिसरातील पुणे म न पा च्या पंडित दीनदयाळ उपाध्याय शाळेत आज या उपक्रमाचे आयोजन केले होते.या अंतर्गत विद्यार्थ्यांनी स्वच्छ शाळा,स्वच्छ परिसर,स्वच्छ खेळाची मैदाने यासह वैयक्तिक स्वच्छतेवर ही भर द्यावा असे आवाहन सौ.खर्डेकर यांनी केले.यास अनुसरून शाळेतील बालवाडी ते सातवी पर्यंतच्या विद्यार्थ्यांनी आज शाळेचा परिसर स्वच्छ केला.या वेळी आमदार मेधा कुलकर्णी प्रमुख पाहुण्या म्हणून उपस्थित होत्या.त्यांनी ही विद्यार्थ्यांसह शाळेचा परिसर झाडून काढला.या वेळी प्रा.मेधा कुलकर्णी यांच्या हस्ते शाळेची नियमित सफाई करणारया सफाई कर्मचार्यांचा सत्कार करण्यात आला.आ.मेधा कुलकर्णी म्हणाल्या “शाळेच्या सफाई बरोबरच आपण आपल्या घरा भोवतीचा परिसर हे स्वच्छ ठेवला पाहिजे,यामुळे रोग राई ही दूर होते व परिसर प्रसन्न राहतो.”या वेळी शाळेच्या मुख्याध्यापिका एलीझाबेथ काकडे,पर्यवेक्षिका रहिंज मॅडम,तसेच अमोल डांगे,सुधीर फाटक,सुमीत दिकोंडा,शाळा व्यवस्थापन समितीच्या अध्यक्ष माटुंगे ताई व अनेक पालक उपस्थित होते.
यावेळी विद्यार्थ्यांना कायमच स्वच्छता राखण्याची शपथ देण्यात आली.
भावी काळात देखील स्वच्छतेचे महत्वा पटवून देणारे कार्यक्रम,व्याख्याने,तसेच स्वच्छ शौचालये व पिण्याचे स्वच्छ पाणी यासंदर्भातील मोहीम मतदारसंघातील सर्वच शाळांमधे राबविण्यात येतील असे आमदार प्रा.मेधा कुलकर्णी व शिक्षण मण्डल सदस्य सौ.मंजुश्री खर्डेकर यांनी जाहीर केले.

पुणे : महाराष्ट्रातील व्यापार्‍यांनी एलबीटी रद्द व्हावा, यासाठी राज्यव्यापी संप पुकारला होता. नुकत्याच झालेल्या विधानसभेच्या निवडणुकीत भाजपाने सत्ता आल्यानंतर एलबीटी तत्काळ रद्द केला जाईल, असे आश्‍वासन दिले होते. त्याची पुर्तता करावी अशी मागणी पूना र्मचंट्स चेंबरचे अध्यक्ष वालचंद संचेती यांनी मुख्यमंत्री देवेंद्र फडणवीस यांच्याकडे निवेदनाद्वारे केली आहे.
विक्रीकर कायदा जावून त्या जागी नव्याने मूल्यवर्धीत अर्थात व्हॅटचा कायदा १ एप्रिल २००६ रोजी राज्यात सुरू झाला. त्यावेळी जयंत पाटील अर्थमंत्री होते. पाटील यांनी यावेळी असे आश्‍वासन दिले होते की, व्हॅटचे उत्पन्न वाढल्यानंतर जकात रद्द करू. त्यावेळी व्हॅटचे उत्पन्न १८ हजार कोटी रुपये होते. ते आज ७५ हजार कोटी रुपयांवर पोहोचले आहे. अशावेळी दुसरा कर लावणे व्यापार्‍यांवर अन्यायकारक असल्याचे संचेती यांनी म्हटले आहे.
तसेच पंतप्रधान नरेंद्र मोदी यांनीही लुटो बाटो टॅक्स असे केले होते. भारतीतील कोणत्याही राज्यात एलबीटी टॅक्स अस्तित्वात नाही. फक्त महाराष्ट्रात असल्याचेही संचेती यांनी मुख्यमंत्र्यांना पाठविलेल्या पत्रात नमूद केले आहे.
चेंबरच्या आदर्श व्यापारी उत्तम पुरस्कार वितरण समारंभात मुख्यमंत्री फडणवीस यांनी भाजपा सत्तेवर आला तर राज्यातील एलबीटी या कराचे कोणताही कर न लावता तत्काळ उच्चाटन केले जाईल असे म्हटले होते.
त्यामुळे राज्यातील व्यापार्‍यांची एकमुखी मागणी आहे की, एलबीटी कर कोणत्याही कराशिवाय ताबडतोब रद्द करण्यात यावा.पूना र्मचंट्स चेंबरचे मुख्यमंत्र्यांना निवेदनजकाती ऐवजी स्थानिक संस्था करास २0१३ मध्ये सुरुवात झाली. त्यामध्ये अनेक अडचणी आल्या. स्थानिक संस्था कर कायद्यामध्ये अनेक जाचक तरतुदी असल्यामुळे तो रद्द करावा, अशी एकमुखाने मागणी केली होती. महाराष्ट्र राज्य विधानसभेची नुकतीच निवडणूक झाली असून, त्यामध्ये जो पक्ष एलबीटी रद्द करेल अशाच पक्षास आम्ही मते देवू अशी उघड भूमिका सर्व व्यापार्‍यांनी घेतली होती. त्यावेळी भारतीय जनता पक्षाच्या नेत्यांनी व्यापार्‍यांना एलबीटी रद्द करू असे लेखी आश्‍वासन दिले होते.

पुणे : वाघोली येथे स्टोन क्रशरने र्मयादेपेक्षा अधिक उत्खनन केल्याच्या प्रकरणात सुनावणीसाठी गैरहजर राहणार्‍या जिल्हाधिकार्‍यांना हरित न्यायाधिकरणाने एक लाख रुपये दंडाची रक्कम भरण्याचा आदेश दिला आहे. ही रक्कम राहुरीच्या कृषी विद्यापीठाकडे भरावी आणि त्यांनी तिचा उपयोग संशोधनासाठी करावा असे न्यायाधिकरणाचे अध्यक्ष न्यायमूर्ती विकास किनगावकर यांनी आदेशात म्हटले आहे.

याप्रकरणी वाघोली येथे राहणारे हरुभाई साबळे यांनी वाघोली येथे बेकायदा उत्खनन केल्यासंदर्भात हरित न्यायाधिकरणामध्ये एक याचिका दाखल केली आहे. वाघोली येथील o्रद्धा या स्टोन क्रशरच्या चालकाने तेथील परिसरात बेकायदा दगडाचे उत्खनन केल्याचे त्यांनी याचिकेत म्हटले आहे. महसूल विभागाने परवानगी दिलेल्या क्षेत्रापेक्षा अतिरिक्त उत्खनन करून, त्यांनी कायद्याचा भंग केल्याचे म्हटले आहे. हे उत्खनन तातडीने बंद करण्यात यावे, असे साबळे यांनी याचिकेत म्हटले आहे. या याचिकेची न्यायाधिकरणाने दखल घेत यातील माहिती सादर करण्याचा आदेश जिल्हाधिकार्‍यांना न्यायाधिकरणाने दिला होता. त्यावर सुनावणीसाठी जिल्हाधिकार्‍यांच्या वतीने एका तारखेला अँड़ मूलचंदानी हे हजर झाले होते, परंतु आदेश दिल्याप्रमाणे त्यांनी कोणतीही माहिती सादर केली नाही. यानंतर झालेल्या सुनावणीला जिल्हाधिकारी किंवा त्यांच्या वतीने कुणीच हजर झाले नाही. यामुळे न्यायाधिकरणाचे अध्यक्ष न्यायमूर्ती विकास किनगावकर यांनी जिल्हाधिकार्‍यांना एक लाख रुपयांचा दंड ठोठावला. दंडाची ही रक्कम राहुरी कृषी विद्यापीठाकडे भरावी आणि ती रक्कम विद्यापीठाने संशोधन करण्यासाठी तिचा विनियोग करावा असे आदेशात नमूद करण्यात आले आहे.

पुणे :

‘सेव्ह पुणे इनिशिएटिव्ह संस्थेने’ मेट्रो सुनावणी मध्ये ‘इलेव्हेटेड मेट्रो’ला विरोध केला. नियोजनातील त्रुटी उघड केल्या आणि नव्याने सुधारित प्रस्ताव तयार करण्याची मागणी केली.
‘सेव्ह पुणे इनिशिएटिव्ह संस्थे’चे संस्थापक दीपक बिडकर यांनी नगर अभियंता प्रशांत वाघमारे यांना या मुद्यांवरचे लेखी पत्र सादर केले. मेट्रोसाठी 4 एफएसआय देऊन प्रचंड अवाजवी बांधकाम होईल. त्याचा ताण पायाभूत सुविधांवर येईल. त्यालाही संस्थेने विरोध केला.

पुणे- पंडित जवाहरलाल नेहरू यांचे योगदान केवळ स्वातंत्र्य लढ्यात नाही तर देश घडविण्यातही मोठ्ठे आहे असे प्रतिपादन शहर काँग्रेस चे अध्यक्ष अभय छाजेड यांनी येथे केले .
सहकारनगर मधील बागुल उद्यानामधील भीमसेन जोशी कलादालनात पंडित नेहरू यांच्या छायाचित्रांचे प्रदर्शन भरविण्यात आले आहे यावेळी उप महापौर आबा बागुल , माजी राज्य मंत्री रमेश बागवे , चंद्रकांत छाजेड , अभिजित कदम मुक्तार शेख महेश वाबळे आदी मान्यवर उपस्थित होते
इतिहासाला उजाळा देणे , तो नव्या पिढीपुढे मांडणे हे प्रत्येक काँग्रेस कार्यकर्त्याचे कर्तव्य असून त्या दृष्टीने आता कार्यकर्त्यांनी सतर्कतेने काम करावे असे आवाहन हि यावेळी अभय छाजेड यांनी येथे केले पंडित नेहरुंचा स्वातंत्र्य लढ्यातील सहभाग आणि देश उभारणीत सहभाग दर्शविणारी मोलाची छायाचित्रे येथे १६ नोव्हेंबर पर्यंत नागरिकांना पाहता येतील

भारतीय जनता पार्टी पुणे कॅंटोन्मेंट बोर्डाच्या उपाध्यक्षपदी रणवीर अरगडे यांची नियुक्ती करण्यात आली , या नियुक्तीचे पत्र भारतीय जनता पार्टी पुणे कॅंटोन्मेंट बोर्डाचे अध्यक्ष संतोष इंदुरकर यांनी नियुक्ती करण्यात आली .

रणवीर अरगडे हे सोलापूर बाजार येथे राहत असून पतित पावन संघटनेपासून ते सामाजिक क्षेत्रात कार्यरत आहेत , त्यांनी भारतीय जनता पार्टी पुणे कॅंटोन्मेंट बोर्ड वार्ड क्रंमांक पाच , सोलापूर बाजार येथील अध्यक्षपदी काम केले पहिले आहे . तसेच जय भवानी मित्र मंडळच्या अध्यक्षपदी कार्यरत आहेत . त्यांच्या या सामाजिक कार्यामुळे त्यांची हि नियुक्ती करण्यात आली आहे . त्यांच्या या नियुक्तीबद्दल राज्याचे सामाजिक न्याय राज्यमंत्री दिलीप कांबळे यांचे अभिनंदन केले आहे .