Promising entrepreneur and owner of brand NL JEWELS  Neha Lakdawala’s jewellery collection was showcased on Friday Mumbai, Actress Rati Agnihotri  turned up to see the avant garde collection worth crores of rupees and hand-picked the pieces which caught her fancy. She said, “I love Jewellery though minimalistic but I’m extremely fond of style statement pieces and Neha had it all. It’s really an unique collection which attracts your soul your inner deep beauty” .

Neha’s collection Is about to change your lifestyle by her exquisite and customized, multipurpose and affordable Diamond/Gold Jewellery.  An array of necklaces, bracelets and earrings gave all patrons of luxury in city a real visual treat. After successfully holding up exhibitions of NL Jewels in Dubai, Ahemdabad, Now Mumbai will witness the innovative line showcases its creative edge with stately diadems, armlets and minaudieres.

“Each piece is a statement and has been exceptionally sculpted using rich colours; highlighted with rubies, emeralds, tanzanite and sapphires; elegantly punctuated with the rarest diamonds all depicting nature in her various forms”, said Neha.  Neha has been graduated in arts (B.A.) and done her Diamonds from GIA (Gemological Institute of America). Others present at the event were Nadeem Lakdawala with his wife Ayesha Lakdawala and Parvez Lakdawala with his wife Hafiza Lakdawala.

पुणे: अखिल भारतीय मराठी साहित्य महामंडळाच्या घुमान (पंजाब) येथे होणाऱ्या 88 व्या अखिल भारतीय मराठी साहित्य संमेलनासाठी येणाऱ्या साहित्यप्रेमींची संख्या 1,400 पर्यंत गेली असून आणखी 900 जागांची नोंदणी करण्यासाठी येत्या 28 फेब्र्रूवारीपर्यंत मुदत वाढवून देण्यात आली आहे, अशी माहिती या संमेलनाचे स्वागताध्यक्ष भारत देसडला यांनी सांगितली. विशेष महणजे या संमेलनाचे आणखी एक आकर्षण म्हणजे या संमेलनासाठी अनेक नामवंत नाटय-चित्रपट क्षेत्रातील सेलेब्रिटीजनीही सहभागी होण्याचे मान्य केले आहे, असेही त्यांनी जाहीर केले आहे.

संमेलनाला जाण्यासाठी दोन विशेष रेल्वे गाडयांसाठी प्रवास तसेच घुमानमध्ये निवास आणि भोजन व्यवस्थेसाठी प्रतिनिधी शुल्क म्हणून 3,000 रुपये आकारण्यात येणार आहेत. केंद्रीय रेल्वे मंत्री सुरेश प्रभू यांनी या संमेलनासाठी या दोन रेल्वे गाडया अनुक्रमे मुंबईत वसईपासून तर दुसरी गाडी नाशिक रोड, नाशिक येथून 1 एप्रिल रोजी सोडण्यात येणार आहेत. या रेल्वे बोगींना विविध दिवंगत साहित्यिकांची नावेही देण्यात येणार असून त्या त्या बोग्यांमध्ये त्या साहित्यिकाने लिहिलेले साहित्यही ठेवण्यात येणार असल्याचे संमेलनाध्यक्ष देसडला यांनी सांगितले.

निमंत्रित, पत्रकार आणि स्वयंसेवकांच्या 300 जागा वगळता विशेष रेल्वे प्रवासासाठी अजूनही 900 जागा शिल्लक आहेत, असे सांगून ते म्हणाले की, प्रतिनिधी नोंदणी व अधिक माहितीसाठी 9665 055 055 या मोबाईल क्रमांकावर मिस कॉल द्यावा.

तसेच www.sahityasammelanghuman.org या संकेतस्थळावर प्रतिनिधी शुल्क भरण्याचा अर्ज उपलब्ध आहेत.

संमेलनासाठी येणाऱ्या सेलेब्रिटीजमध्ये ज्येष्ठ अभिनेते आणि अखिल भारतीय मराठी नाटय संमेलनाचे माजी संमेलनाध्यक्ष मोहन जोशी, तसेच गायक-संगीतकार अवधूत गुप्ते, संगीतकार राहुल घोरपडे, अभिनेत्री-दिग्दर्शिका मृणाल कुलकर्णी, अभिनेता-दिग्दर्शक सुबोध भावे, अभिनेत्री-नृत्यकार शर्वरी जेमेनिस, अभिनेत्री सोनाली कुलकर्णी, स्मिता तांबे, गायक त्यागराज खाडीलकर, उपेंद्र भट, अनुराधा कुबेर, अभिनेते संजय मोने, अश्विनी एकबोटे, भार्गवी चुरमुले, सुधीर गाडगीळ, वैभव जोशी, राजन पंडीत इत्यादींनीही संमेलनाला येण्याचे मान्य केले आहे.

संमेलनात सहभागी होण्यासाठी नांदेड येथून सचखंड एक्सप्रेसने 200 नागरिकांनी घुमान साहित्य संमेलनासाठी जाण्याचे निश्चित केले आहे, असे सांगून देसडला म्हणाले की, श्री संत शिरोमणी सावता महाराज साहित्य-कृषी दिंडीचे पंढरपूर ते घुमान आयोजन करण्यात आले आहे. या दिंडीसाठी 350 साहित्य रसिकांनी नावनोंदणी केली आहे. तसेच इचलकरंजीवरून 250 साहित्य रसिकांनी संमेलनाला येण्याचे निश्चित केले आहे. नरसी नामदेव यांचे जन्मस्थळ असलेल्या हिंगोलीतून 100 साहित्य रसिकांनीही संमेलनाला येत असल्याचे कळवले आहे.

88व्या साहित्य संमेलनाचाच एक भाग म्हणून ‘साहित्यिक आपल्या भेटीला’ या उपक्रमांतर्गत विविध शाळा, महाविद्यालये आणि ग्रंथालयातून दोन लाख कुटुंबांपर्यंत निमंत्रणे पाठविण्यात येत आहेत. तसेच राज्यातील सात हजार ग्रंथालयांना निमंत्रण पत्रेही यापूर्वीच धाडण्यात आली आहेत, असेही देसडला यांनी स्पष्ट केले.

‘साहित्यिक आपल्या भेटीला’ या कार्यक्रमाचा शुभारंभ कवी संदीप खरे यांच्या हस्ते न्यू इंग्लिश स्कूल, टिळक रोड येथे शुक्रवार, ता. 13 फेब्रुवारी रोजी दुपारी 12 वाजता करण्यात येत आहे.  या उपक्रमात अनेक साहित्यिकांना विद्यार्थ्यांशी थेट संवाद साधण्यासाठी आमंत्रित करण्यात आले असल्याचे देसडला यांनी सांगितले.

नाशिक – नाशिकमध्ये महाराष्ट्र पोलिस प्रबोधिनीचा १११ व  दीक्षांत समारोह साजरा करण्यात आला. यावेळी महाराष्ट्राचे मुख्यमंत्री देवेंद्र फडणवीस यांनी ५४३पोलिस उपनिरीक्षकांना सन्मानित केले. समारंभापूर्वी नव्या उपनिरिक्षकांनी मुख्यमंत्र्यांनी सलामी दिली. त्या परेडमध्ये एक महिला उपनिरीक्षक घेरी येवून कोसळली आणि बेशुद्ध झाली . त्यानंतर त्यांना लगेचच रुग्णालयात दाखल करण्यात आले.

इसेट, गेल्या २५ वर्षांहून अधिक काळापासून सक्रीय सुरक्षेच्या बाबतीत जगात अग्रस्थानी असून, व्हॉट्सऍपचा वापर करणाऱ्यांनी आपल्या वैयक्तिक चॅट्सवर सुरक्षित राहण्यासाठी सुरक्षाविषयक सर्वोच्च सूचना युजर्सना देत आहेत. व्हॉट्सऍपने अलिकडेच घोषित केले आहे की त्यांचे ७०० दशलक्षहून अधिक सक्रीय सदस्य आहेत, आणि एका महिन्यात एकंदर ३० बिलीयन संदेश पाठवित असतात. वैयक्तिक माहिती पाठविण्याचं हे प्रमाण महाप्रचंड आहे, आणि व्हॉट्सऍप आपले सर्व संदेश आणि डेटा आता एनक्रीप्ट करत असले तरीही, आपल्या चॅट्सच्या बाबतीत सुरक्षित राहणे फायद्याचे ठरते. व्हॉट्सऍप सुरक्षेविषयक अत्यंत महत्वाच्या सूचना पुढे दिल्या आहेत.

व्हॉट्सऍप लॉक करणे

एक सर्वात उत्तम उपाय म्हणजे व्हॉट्सऍपला एक पासवर्ड किंवा पिनद्वारे सुरक्षित करणे. व्हॉट्सऍप स्वतःहून असा पर्याय देत नाही, परंतु काही तृतिय पक्षांचे ऍप्स अशी सुविधा देतात. हे कदाचित त्रासदायक वाटू शकते, परंतु आपला फोन हरवला तर, अन्य कोणी व्यक्ती आपल्या चॅट्स पाहू शकणार नाही. मेसेंजर आणि चॅट लॉक, लॉक फॉर व्हॉट्सऍप आणि सिक्युअर चॅट हे तीन अँड्रॉईड ऍप्स अशी सुविधा देतात.

व्हॉट्सऍप फोटोज फोटोरोलमध्ये येण्यास प्रतिबंध करणे

आपली व्हॉट्सऍपवरील संभाषणांचं स्वरूप काहीवेळेस अतिशय ‘वैयक्तिक’ होऊन जातं हे आपण सहजच समजू शकतो. आपण आपल्या महत्वाच्या व्यक्तिंसोबत इमेजेस शेअर करत असाल तर, त्या इमेजेस आपल्या सर्वसाधारण फोटोस्ट्रीम येऊ नयेत अशीच आपली इच्छा राहील, अन्यथा तुमचा मित्र तुमच्या हॉलीडे स्नॅप्समध्ये स्वाईप करताना ती त्याला दिसतील.

iPhone वर, हे सहजपणे करता येतेः आपल्या फोनच्या सेटींग्ज मेन्यूमध्ये जा, नंतर ‘प्रायव्हसी’, ‘फोटोज’, मध्ये जा आणि फोटोस्ट्रीममध्ये ज्यांच्या इमेजेस फीड होतात त्या ऍप्सच्या यादीतून व्हॉट्सऍप काढून टाका.

अँड्रॉईड युजर्सना थोडंसं बुरख्याखाली जावं लागेल. ES फाईल एक्स्प्लोररसारखं एखादं फाईल एक्स्प्लोरर ऍप वापरून, व्हॉट्सऍपचे ‘इमेजेस’ आणि ‘व्हिडीओज’ फोल्डर्स शोधा. प्रत्येकामध्ये ‘.nomedia’ नावाची एक फाईल तयार करा. म्हणजे अँड्रॉईडची गॅलरी त्या फोल्डरचे स्कॅनिंग करणे थांबवेल.

दुसरं, आपण आपल्या फोटोरोलमधून व्हॉट्सऍप इमेजेस वगळल्या, आणि ऍप वरीलप्रमाणे लॉक केले तर, तुमचा फोन चोरीला गेला किंवा हॅक झाला तर सुरक्षेचा आणखी स्तर पुरविला जातो – परंतु हा १०० टक्के सुरक्षित उपाय नाही.

‘लास्ट सीन’ टाईमस्टँप हाईड करणे

तुम्ही ऑन आणि ऑफलाईन केव्हा येता हे लोकांना कळले पाहिजे किंवा नाही याची खात्री नाही का? ही काही महत्वाची माहिती असणार नाही, परंतु एखाद्या स्कॅमरला तुमच्याबाबत काही गोष्टी आधीच माहिती असतील तर, संदर्भयुक्त माहितीचा हा शेवटचा धागा जोडण्यामुळे त्यांना उपयुक्त ठरू शकते – मग तुम्ही जागे असाल अथवा नाही; घरी असाल किंवा परदेशी; चित्रपट गृहाच्या बाहेर येत असाल किंवा विमानातून उतरत असाल. किंवा तुम्हाला फक्त कॉन्टॅक्ट्सना – विशेषतः सहकारी, किंवा तुमचा बॉस – तुम्ही तुमच्या डेस्कवर व्हॉट्सऍप चेक करत आहात हे माहिती होऊ न देण्याची इच्छा असेल. व्हॉट्सऍपच्या प्रोफाईलमध्ये तुमची ‘लास्ट सीन’ वेळ निष्क्रीय करू शकता किंवा ती कोण पाहू शकेल त्यावर निर्बंध घालू शकता; अँड्रॉईड, iOS, विंडोज किंवा ब्लॅकबेरीमध्ये ‘प्रायव्हसी’ मेन्यू. तरी लक्षात घ्या, की तुम्ही ते ऑफ केले तर, तुम्ही इतर युजर्सचे ‘लास्ट सीन’ वेळादेखील पाहू शकणार नाही.

प्रोफाईल चित्राचा ऍक्सेस निर्बंधित करणे

तुमच्या प्रोफाईलचा फोटो तुम्ही अन्यत्र वापरला आहे का – लिंक्डइन, फेसबुक किंवा ट्विटरवर? तो तुमच्या कंपनीच्या वेबसाईटवर देखील कुठेतरी असू शकतो. तसं असेल तर, तुमचे व्हॉट्सऍप शेअरींग सार्वजनिक राहील, तुम्ही ज्या कोणाशी बोलाल त्यांसाठी – मग तुम्ही एखाद्या अनावश्यक संदेशाला उत्तर दिले असले तरीही. – ते तुमच्या व्हॉट्सऍप प्रोफाईलवरून तुमचे चित्र डाऊनलोड करू शकतात, आणि गुगल इमेज सर्च वापरून, तुमच्याबद्दल अधिक माहिती मिळवू शकतात. प्रायव्हसी मेन्यूमध्ये प्रोफाईल पिक्चर शेअरींग “कॉन्टॅक्ट्स ओन्ली” असे शेअर करा.

स्कॅम्सबाबत दक्ष राहा

व्हॉट्सऍप कधीही या ऍपद्वारे तुमच्याशी स्वतःहून संपर्क साधणार नाही. तसेच, व्हॉट्सऍप चॅट्स व्हॉईस मेसेजेस पेमेंट बदल, फोटोज, किंवा व्हिडीओजबाबत ईमेल्स पाठवत नाही, आपण त्यांच्या मदत कक्ष आणि सपोर्टला इमेल केलेला असल्याखेरीज. कोणीही मोफत सबस्क्रीप्शनची ऑफर दिली, आणि व्हॉट्सऍपकडून आल्याचा दावा केला किंवा तुम्हाला तुमचे खाते सुरक्षित ठेवण्यासाठी लिंक्स घेण्यास प्रोत्साहन दिले तर तो नक्कीच स्कॅम असेल आणि त्यावर विश्वास ठेवू नये.

तुम्ही तुमचा फोन हरवला तर व्हॉट्सऍप अकार्यान्वित करणे

तुमचा फोन हरवला किंवा चोरीला गेला तर तुमचे खाते नियंत्रणात ठेवण्यासाठी सोप्या आणि प्रभावी सुरक्षाविषयक सूचना व्हॉट्सऍप युजर्सना देते. तुमच्या नेटवर्क पुरवठादाराच्या माध्यमातून तुमचे सीम कार्ड लॉक करण्यासोबतच. व्हॉट्सऍप शिफारस करते की तुम्ही सीम रिप्लेस करून अन्य फोनवरून त्याच फोनक्रमांकाद्वारे व्हॉट्सऍप कार्यान्वित करा.  हे ऍप केवळ एका क्रमांकाद्वारे एकावेळी एका उपकरणावर वापरता येते, त्यामुळे असे करण्याद्वारे तुम्ही त्याचा वापर तुमच्या जुन्या फोनवर होण्यास तत्काळ प्रतिबंध घालू शकता. असे करणे शक्य नसेल तर, व्हॉट्सऍप तुमचे खाते अकार्यान्वित करेल.

तुम्ही काय बोलत आहात त्याबद्दल काळजी घ्या

शेवटी पण अत्यंत महत्वाचे म्हणजे, कोणत्याही डिजीटल कम्युनिकेशनबाबत आपण वापराल तसंच तारतम्य इथेही बाळगा. तुम्ही शक्यतो टाळू शकत असाल तर वैयक्तिक माहिती पाठवू नका – पत्ते, फोन क्रमांक, ईमेल पत्ते – आणि कधीही तुमचा बँक, सामाजिक सुरक्षा किंवा क्रेडीट कार्ड तपशील, किंवा तुमचा पासपोर्ट किंवा अन्य ओळखीचा तपशील पाठवू नका.

गार्डियन लंडन, वॉशिंग्टन पोस्ट, न्यू यॉर्क टाइम्स, डॉन, डेली स्टार आणि डेली मिरर श्रीलंका यासारख्या नामांकित प्रसिद्धी माध्यमांनी दिल्ली निवडणूक निकालाचे वृत्तांकन केले. तसेच बांग्लादेशमधील डेली स्टार या वृत्तपत्राने आपल्या विशेष संपादकीयमध्ये या विजयाची मीमांसा केली आहे.

द वॉशिंग्टन पोस्ट:

दिल्लीचा निकालाने मोदी आणि सत्ताधारी पक्षाची पिछेहाट

जवळपास वर्षभरापूर्वी मुख्यमंत्री पदाचा राजीनामा देऊन टीकेचे धनी झालेल्या केजरीवाल यांनी या विधानसभा निवडणुकीत झोकात पुनरागमन करीत जोरादार मुसंडी मारली. ७० पैकी ६७ जागा जिंकून ऐतिहासिक विजयाला ‘आप’ने गवसणी घातली आहे.

द न्यू यॉर्क टाइम्स:

आम आदमी पक्षाचा दिल्ली निवडणुकीत विजय

काही महिन्यांपूर्वी नरेंद्र मोदींनी मिळविलेला ऐतिहासिक विजयानंतर काल राजधानी दिल्लीमध्ये नुकताच उदयास आलेला भ्रष्टाचार विरोधी पक्ष ‘आप’ने देखील राजकीय भूंकप घडवला आहे.

डॉन:

नरेंद्र मोदींनी दिल्ली निवडणुकीतील पराभव केला मान्य

दिल्ली निवडणूक निकालाचे कल पाहता ‘आम आदमी पक्ष’ दिल्ली काबीज करणार हे स्पष्ट झाल्यानंतर भारताचे पंतप्रधान नरेंद्र मोदी यांनी पराभव मान्य केला आहे. तसेच केजरीवाल यांना फोन करुन शुभेच्छा देखील दिल्या. तसे ट्विट देखील त्यांनी केले आहे.

द गार्डियन:

भ्रष्टाचार विरोधी पक्षाचा नरेंद्र मोदींना जोरदार धक्का, दिल्ली निवडणुकीत क्लीन स्विप…

या निकालाचा भाजपला जोरदार फटका बसला आहे. २०१४ मध्ये मोदींच्या नेतृत्वाखाली लोकसभेत अभूतपूर्व विजय मिळविणाऱ्या भाजपला या निवडणुकीत मात्र पराभवाची चव चाखावी लागली आहे.

डेली स्टार: (विशेष संपादकीय)

अरविंद केजरीवाल यांच्या आम आदमी पक्षाने अभूतपूर्व असा विजय संपादन केला असून केंद्रात असणाऱ्या सत्ताधारी भाजपला चांगलाच धक्का दिला आहे.

या निकालांनी राजकीय पक्षांनाच नव्हे तर अनेक राजकीय तज्ज्ञांना देखील चक्रावून सोडले.

डेली मिरर श्रीलंका:

दिल्ली निवडणुकीत ‘आप’चा एकहाती विजय

नरेंद्र मोदींचा विजयी रथ रोखत ‘आम आदमी पक्षा’ने एकहाती विजय मिळवित भाजप आणि काँग्रेसला क्लीन स्वीप दिली आहे.