पुण्यातील महाराष्ट्र कोस्मोपोलीटन एज्युकेशन सोसायटी  (आझम कॅम्पस ) मध्ये सुद्धा  २१ जून रोजी  ‘योग दिवस ‘ साजरा करण्यात येणार असून योगासनांचा सराव सुरु आहे 

क्रेडाईचे पुणे मेट्रोचे पंतप्रधानांना पत्र, शहराच्या जमेच्या बाजूंवर भर

पुणे – पुणे शहर हे केवळ स्मार्ट शहर म्हणून नव्हे तर स्मार्ट शहर आणि प्रदेश म्हणून विकसित करता येऊ शकते. पुणे हे केवळ भारतातच नव्हे तर जागतिक पातळीवरही राहण्यासाठी व व्यवसायासाठी सर्वोत्तम शहर म्हणून मान्यता  पावले आहे. पुण्यातील पायाभूत सोईसुविधांमध्ये गुंतवणूक केल्यास महाराष्ट्राच्या आणि पश्चिम महाराष्ट्राच्याही आर्थिक विकासाला त्वरित चालना मिळेल, असे क्रेडाई पुणे मेट्रोने म्हटले आहे. संघटनेने पंतप्रधानांना या संदर्भात पत्र लिहिले आहे.

क्रेडाई पुणे मेट्रोचे अध्यक्ष शांतिलाल कटारिया यांनी लिहिलेल्या या पत्रात पंतप्रधान नरेंद्र मोदी यांचे लक्ष पुण्याच्या आर्थिक, सांस्कृतिक, तंत्रज्ञानात्मक आणि औद्योगिकदृष्ट्या जमेच्या बाजूंकडे आणि ते महाराष्ट्र व पश्चिम भारताचे चैतन्यशील हृदय कसे बनू शकते, याकडे वेधण्यात आले आहे.

या पत्रात पुणे शहराला केंद्रस्थानी ठेवून पुणे शहर व आसपासच्या प्रदेशाचा विकास कसा करता येईल, याबाबत क्रेडाई पुणे मेट्रोने मुद्दे मांडले आहेत. “शिक्षणासाठी येणारे विद्यार्थी आणि निवृत्तीनंतर येणार्या  ज्येष्ठ नागरिक, अशा सर्व वयोगटातील लोकांना पुणे आकर्षित करते. यामुळे एक शाश्वत व्यवस्था तयार झाली आहे. पुण्याच्या शहरी भागाच्या साक्षरतेचा दर (91.42%) हा देशातील 10 प्रमुख  शहरी भागांमध्ये सर्वोच्च आहे. साक्षरतेच्या बाबतीत पुणे देशात 5 क्रमांकावर आहे. देशात येणाऱ्या एकूण परदेशी विद्यार्थ्यांपैकी 45% विद्यार्थी पुण्याची निवड करतात. साक्षरतेच्या या उच्च पातळीमुळे पुण्याचे लोक स्मार्ट सिटी ही संकल्पना समजून घेऊन तिचा स्वीकार करू शकतात आणि त्यामुळे तिची अंमलबजावणी अधिक सोपी व अधिक कार्यक्षम होऊ शकते,” असे या पत्रात म्हटले आहे.

पुण्याच्या एकूण लोकसंख्येमध्ये मध्यमवर्गीयांची संख्या जास्त असल्यामुळे त्यांची क्रयशक्ती जास्त असल्याची बाब या पत्रात अधोरेखित केली आहे. या सशक्त अर्थव्यवस्थेमुळे शेजारील गाव व खेड्यांमधील लोकांना रोजगार मिळू शकतो.

पुण्यातील मोठे वाहन उद्योग व अभियांत्रिकी कंपन्या, कौशल्यपूर्ण मनुष्यबळ, विक्रेत्यांचे सशक्त जाळे आणि मुंबईच्या बंदराशी जवळीक यांमुळे पुणे हे पांरपरिकरित्या निर्मितीचे केंद्र आहे. हे देशातील ई-व्यवहारांमध्ये सर्वात मोठ्या केंद्रांमध्ये 9व्या स्थानी असून जागतिक पातळीवर दुसरे सर्वाधिक आश्वासक आणि उभरते केंद्र म्हणून मानले गेले आहे. येथील माहिती तंत्रज्ञान व आयटी संबंधित सेवा कंपन्यांची एकूण निर्यात 3.5 अब्ज डॉलर्सची असून या कंपन्या 2.5 लाख अभियंत्यांना रोजगार पुरवितात,” या वस्तुस्थितीकडे पत्रात लक्ष वेधण्यात आले आहे.

सर्वात महत्त्वाचे म्हणजे विस्तारित पुणे शहर प्रदेशासाठी अगोदरच एक खिडकी प्राधिकरण अस्तित्वात आले असून सध्याच्या 3500 चौ. किमीवरून या प्रदेशाची हद्द दुप्पट होऊन 7000 चौ. किमी इतकी वाढण्याची अपेक्षा आहे. त्यामुळे पुण्याचा विकास म्हणजे पुण्याच्या सभोवती 800 हून अधिक गावे व खेड्यांचा विकास, असा युक्तिवाद क्रेडाई पुणे मेट्रोने सादर केला आहे.

याशिवाय पत्रात म्हटले आहे, की या शहराला कला आणि संस्कृतीची मोठी परंपरा आहे त्यामुळे या शहराला विशिष्ट ओळख मिळाली आहे. येथील जीवनमान आणि भक्कम आर्थिक क्षमतेमुळे, या शहराचा केवळ शहर म्हणून नाही तर स्मार्ट प्रदेश म्हणून विकास करण्याची  आवश्यकता आहे, असेही पत्रात म्हटले आहे.

पुणे :

“चॉईस फिल्म ऍण्ड टेलिव्हिजन इन्स्टिट्यूट’तर्फे “लघुपटांसाठीचा अभिनय आणि पारितोषिक विजेत्या लघुपटाची निर्मिती’ या विषयी मार्गदर्शन करणाऱ्या कार्यशाळेचे आयोजन करण्यात आले आहे. या कार्यशाळेमध्ये “शामियाना शॉर्ट फिल्म क्लब’चे संस्थापक सायरस दस्तुर मार्गदर्शन करणार आहेत. ही कार्यशाळा दिनांक 28 जून 2015 रोजी दुपारी 1 ते सायंकाळी 7 वाजेपर्यंत “चॉईस फिल्म ऍण्ड टेलिव्हिजन इन्स्टिट्यूट प्रा.लि., मॅकडोनाल्डच्या मागे, करिष्मा चौक, कर्वेरोड (कोथरूड), पुणे-38  येथे होणार आहे, अशी माहिती “चॉईस फिल्म ऍण्ड टेलिव्हिजन इन्स्टिट्यूट’चे संचालक प्रा. राजू भोसले यांनी दिली.

“शॉर्ट फिल्म मेकिंग’, आंतरराष्ट्रीय दर्जाच्या पुरस्कार विजेत्या लघुपटाची निर्मिती, लघुपट निर्मितीतून उत्पन्न मिळविणे, अभिनयाचे पैलू, लघूपट निर्मितीचे विविध प्रकार, राष्ट्रीय व आंतरराष्ट्रीय फिल्म फेस्टिव्हलची माहिती, आंतरराष्ट्रीय स्तरावरील फेस्टिव्हलसाठी लघुपट पाठविण्याची पद्धत या विषयी या कार्यशाळेत मार्गदर्शन करण्यात येणार आहे.

या कार्यशाळेमध्ये सहभागी होऊ इच्छिणाऱ्यांनी 9325101629 या दूरध्वनी क्रमांकावर किंवा contact@ cftipune.com या ई-मेल वर संपर्क साधावा.

पुणे:
दहावीच्या परीक्षेत 90 टक्क्यांहून अधिक गुण मिळवणाऱ्या “महाराष्ट्र कॉस्मॉपॉलिटन एज्युकेशन सोसायटी’च्या “अँग्लो उर्दू गर्ल्स हायस्कूल’च्या विद्यार्थिनींचा “महाराष्ट्र कॉस्मॉपॉलिटन एज्युकेशन सोसायटी’चे अध्यक्ष पी.ए.इनामदार यांच्या हस्ते सत्कार करण्यात आला.

“अँग्लो उर्दू गर्ल्स हायस्कूल’मध्ये शेख आयेशा रफिक95.80 टक्केमिळवून हायस्कूलमध्ये प्रथम आली. तर तंबोली तस्कीन झाकीर हुसेन 94.16 टक्केगुण मिळवून दुसरी, खान बझिला फारूक 94 टक्केगुण मिळवून तिसरी आली आहे. तसेच बारा विद्यार्थिनींना 90 टक्क्यांहून अधिक गुण मिळाले आहेत.

यावेळी संस्थेचे सचिव लतिफ मगदूम, स्कूल कमिटीचे संस्थापक हाजी अब्दुल कादीर कूरेशी, स्कूल कमिटीचे सदस्य एस.ए.इनामदार, अलिया इनामदार, गव्हर्निंग बोर्ड सदस्य मजीद उस्मान, शेख मोहम्मद हनिफ, प्राचार्य आयेशा शेख.

पुणे कॅंटोन्मेंट बोर्डाच्या भागात लागू झालेल्या एल. बी. टी. स पुणे कॅम्प मर्चंट असोंसिएशनने विरोध दर्शविला असून एल. बी. टी.च्या विरोधात बंद आंदोलन पुकारण्याचा इशारा व्यापाऱ्यांनी केला आहे.

 पुणे कॅम्प मधील भोपळे चौकाजवळील राजस्थान भवनमध्ये पुणे कॅम्प मर्चंट असोंसिएशनने सर्व व्यापाऱ्यांची एल. बी. टी. बाबत बैठकीचे आयोजन करण्यात आले होते . या बैठकीस दि फेडरेशन ऑफ ट्रेड असोंसिएशनस ऑफ पुणे अध्यक्ष पोपटलाल ओस्तवाल , खजिनदार फतेचंद रांका , सचिव महेद्न पितळीया , पुणे कॅम्प मर्चंट असोंसिएशनचे अध्यक्ष आनंद कोच्चर , उपाध्यक्ष पराग शहा , जयंत शेटे , अरविंद बुधानी , कावस पंडोल , किशोर संघवी , मनोज सेठी , संजीव फडतरे , विजय ओसवाल , महेंद्र चावला , गिरीश पटेल , अमित व्होरा , सागर शहा , राहुल काळे , मनेश मेहता , बोमन भरुचा , सुनील आठवानी , रोहन खंबाटा , प्रकाश ओसवाल , राहुल रांका व मोठ्या संख्येने व्यापारी बांधव उपस्थित होते .

   यावेळी फतेचंद रांका यांनी सांगितले कि , पुणे कॅंटोन्मेंट बोर्डाच्या भागात लागू झालेल्या एल. बी. टी. विरोधात सर्व व्यापाऱ्यांनी एकजुटीने विरोध दर्शविला पाहिजे , देशात ६२ कॅंटोन्मेंट बोर्ड असताना फक्त पुणे कॅंटोन्मेंट बोर्डास एल. बी. टी.  का लागू करण्यात येत आहे , त्यामध्ये केंद्र सरकार सत्तेवर येण्या अगोदर त्यांनी  एल. बी. टी. रद्द करण्याचे सांगण्यात आले होते परंतु त्यांनी या  एल. बी. टी. ची सुरुवात  पुणे कॅंटोन्मेंट बोर्डापासून केली आहे , याला संरक्षण मंत्रालयाने हिरवा कंदील दाखविला आहे . त्या साठी दि फेडरेशन ऑफ ट्रेड असोंसिएशनस ऑफ पुणे व  पुणे कॅम्प मर्चंट असोंसिएशनने यांनी देशाचे पंतप्रधान नरेंद्र मोदी ,  केंद्रीय संरक्षण मंत्री मनोहर परिकर , स्थानिक खासदार अनिल शिरोळे , केंद्रीय मंत्री नितीन गडकरी , प्रकाश जावडेकर , महाराष्ट्राचे मुख्यमंत्री देवेंद्र फडणवीस यांना पत्रव्यवहार करण्यात आला आहे . त्यामध्ये खासदार अनिल शिरोळे यांनी एल. बी. टी. रद्द करण्याचे आश्वासन व्यापारी बांधवाना दिले आहे . पुण्यामध्ये खडकी  कॅंटोन्मेंट बोर्डास एल. बी. टी.   लागू नाही तसेच देहूरोड कॅंटोन्मेंट बोर्ड भागात आजही जकात घेण्यात येत आहे . त्यामुळे फक्त पुणे कॅंटोन्मेंट बोर्डास एल. बी. टी.  का लागू करण्यात येत आहे. हा प्रश्न त्यांनी उपस्थित केला . यासाठी व्यापारयानी एकजूटीने विरोध करण्याचे आवाहन त्यांनी केले . त्यामध्ये राज्यात १ ऑगस्ट पासून राज्य शासन एल. बी. टी.  रद्द करणार आहे आणि केंद्र सरकारने पुणे कॅंटोन्मेंट बोर्डास एल. बी. टी.  का लागू केली हि विसंगती  व्यापाऱ्यांमध्ये शंका निर्माण करणारी आहे .

   यावेळी पोपटलाल ओस्तवाल , पराग शहा , रतन किराड , जयंत शेटे, आनंद कोच्चर , अरविंद बुधानी , किशोर संघवी या व्यापारयानी मनोगते व्यक्त केली .

पुणे:

“एस. एस. अगरवाल इंग्लिश मिडीयम स्कूल’ दत्तवाडी येथील शाळेचा दिनांक 18 जून 2015 रोजी 9 वा वर्धापनदिन मोठ्या उत्साहात पार पडला. शैक्षणिक वर्षापासून शाळेच्या वर्धापनदिनापासून 1ली ते 9 वी च्या विद्यार्थ्यांना “ई-लर्निंग’ सुविधा देण्यात येणार आहे.  यामध्ये 1ली ते 9 वी च्या वर्गांमध्ये ” प्रोजेक्टर’ बसविण्यात आले आहेत. चित्रफितींच्या माध्यमातून विद्यार्थ्यांना विषय समजून सांगितले जातील, अशी माहिती शाळेच्या मुख्याध्यापिका शुभांगी रासकर यांनी दिली.

या “ई-लर्निंग  सुविध’चे उद्‌घाटन विजय जालान (संस्थापक), डॉ. सुरेश अगरवाल (सचिव), लीली बी. पटेल यांच्या हस्ते झाले.

यावेळी विजय जगदीशचंद्र अगरवाल (उपसंस्थापक), सदस्य जयभगवान गुप्ता, प्रमुख सद्‌स्य रामनिवास एल.अगरवाल, आर.एल.अगरवाल, शुभांगी रासकर (मुख्याध्यापिका), तसेच शाळेचे शिक्षक, शिक्षकेतर कर्मचारी, सभासद आणि विद्यार्थी यावेळी उपस्थित होतेे.

“महाराष्ट्र कॉस्मॉपॉलिटन एज्युकेशन सोसायटी’ आणि “मुस्लीम ओ.बी.सी. ऑर्गनायझेशन’च्या वतीने मुस्लीम समाजातील दहावीत 90 टक्क्यांहून अधिक गूण मिळविणाऱ्या यशस्वी आणि होतकरू विद्यार्थ्यांच्या पुढील शिक्षणासाठी शैक्षणिक मदत आणि व्यवस्था करण्यात येणार आहे.

तरी महाराष्ट्रातील सर्व जिल्ह्यांतील विद्यार्थ्यांनी 9326264044 या क्रमांकावर संपर्क साधावा, असे आवाहन संस्थेचे अध्यक्ष शब्बीर अत्तार यांनी केले आहे.