पुणे-

वीजहानीचे योग्यरितीने निर्धारण आणि कृषिपंपाच्या वीजवापराचे मूल्यांकन करण्यासाठी म.रा.वि.म. सूत्रधारी कंपनीने

त्रिसदस्यीय समिती गठित केली असून या समितीने कामकाजास सुरुंवात केली आहे.  ही समिती दि. 31 डिसेंबर 2015

पर्यन्त आपला अहवाल सादर करणार आहे.

राज्य शासन कृषिपंपधारक ग्राहकांना परवडेल अशा दराने वीजपुरवठा करण्यासाठी वीज देयकात लक्षणीय

अनुदान देते.  कृषिपंपाचा जोडभार व वीजवापर जास्तीचा दाखवून त्याद्वारे वीज वितरण हानी नियंत्रित करण्यात येत

असून कृषिपंपाचा एकूण वीजवापर वाढविण्यात आला आहे.  वीज चोरीच्या माध्यमातून वीजहानीची भरपाई केली जात

आहे.  अशा प्रकारचे आरोप गेल्या काही दिवसांपासून होत आहेत.  या बाबींचा अभ्यास करूंन त्यावर उपाययोजना

सूचविण्यासाठी सूत्रधारी कंपनीने तज्ञांची त्रिसदस्यीय समिती गठित केली आहे.

या समितीचे अध्यक्ष श्री. विश्वास पाठक असून या समितीत वीज ग्राहक संघटनेचे श्री. प्रताप होगाडे व आशिष चंदाराणा

यांचा समावेश आहे.  या समितीद्वारे महावितरणकडून कृषिपंपांना दिला जाणारा वीजजोडभार व वीजबील पध्दतीचा

अभ्यास केला जाणार आहे. तसेच नमुना म्हणून निर्धारित करण्यात येणार्‍या 100 कृषिवाहिन्यांची प्रत्यक्ष पाहणी

करण्यासाठी त्रयस्थ संस्थेच्या नियुक्तीची शिफारस करण्यात येणार आहे. या त्रयस्थ संस्थेच्या कामकाजावरही ही

त्रिसदस्यीय समिती देखरेख ठेवणार आहे.

पुणे

मुंबई-पुणे मार्गावरील निगडी नाक्याजवळ भरधाव कारने दोन दुचाकींना धडक दिल्याने झालेल्या भीषण अपघातात  देहूरोड येथील आयआयटी एमआर या शैक्षणिक संस्थेतील तीन विद्यार्थी ठार तर दोघे जण गंभीररीत्या जखमी झाले आहेत. काल रात्री एकच्या सुमारास हा अपघात झाला. कारचालकाणे  दारूच्या नशेत कार चालवून हा अपघात केल्याची प्राथमिक माहिती आहे कारचा चालक मयूर घुमटकर याला अटक करण्यात आली असून त्याची वैद्यकीय चाचणी करण्यात येणार आहे.
किरण दिलीप दहाने (सातारा), संकेत कमलाकर समेळ (खोपोली), शुभम संभाजी भालेकर (पारनेर-अहमदनगर) अशी मृतांची नावे आहेत. हे तिघेही देहूरोड येथील आयआयटी एमआर या शैक्षणिक संस्थेतील विद्यार्थी होते. अपघातात जखमी झालेल्या अविनाश बबन माने आणि शिनो जॉन विद्यायती या दोघांना जवळच्याच रुग्णालयात दाखल करण्यात आले आहे. हे पाचही जण दोन दुचाकींवरून चहा पिण्यासाठी निगडी नाक्याजवळ आले होते. चहा घेतल्यानंतर घरी परतत असतानाच मुंबईच्या दिशेने भरधाव वेगात निघालेल्या कारने दोन्ही दुचाकींना मागून धडक दिली. हा अपघात एवढा भीषण होता की दोन्ही दुचाकी बरेच अंतर फरफटत गेल्या. अपघातानंतर तातडीने स्थानिक लोकांनी मदतकार्य केले मात्र तिघांचा जागीच मृत्यू झाला.

पुणे मेळाव्यातील निर्धार 

पुणे- धनकवडी येथील बालाजी नगर चा सातारा रस्त्यावरील भाग म्हणजे अपघातग्रस्त परिसर . कित्येक अपघातात कित्येक जणांचे बळी गेलेळे . या पार्शभूमीवर येथे रस्ता रुंदीकरण -अतिक्रमणे यावर सातत्याने चर्चा होत गेली आणि अखेर पर्याय निघाला तो उड्डाण पुलाचा … खडकवासल्याच्या खासदार सुप्रिया सुळे , माजी उपमुख्यमंत्री अजितदादा पवार यांनी आणि स्थानिक नेत्यांनी हा उड्डाण पुला लवकर व्हावा म्हणून सातत्याने प्रयत्न केले तो आता पूर्णत्वास येतो आहे

शहरातील सर्वात जास्त लांबीचा म्हणजे १२९६ मीटर आणि १५.८० मीटर रुंदी असलेला हा पूल आहे सातारा रस्त्यावरील चव्हाण नगर ची कमान ते भारती विद्यापीठ मार्ग या दरम्यानच्या या उड्डाण पुलाला सद्गुरू शंकर महाराज उड्डाणपुल असे नाव देण्यात आले आहे आज महापौर दत्ता धनकवडे , महापालिका आयुक्त कुणालकुमार तसेच विशाल तांबे ,अप्पा रेणुसे आणि महापालिका अधिकारी सुरेश जगताप , विजय दहिभाते , श्रीनिवास बोनाला , सुनील गायकवाड आदींनी भेट देवून पुलाची पाहणी केली .

पुणे-

समता सामाजिक संस्थेच्यावतीने “गरजू होतकरू विद्यार्थ्यांना शालेय साहित्य वाटप व दहावी आणि बारावी गुणवंत विद्यार्थी सन्मान सोहळा  ” कार्यक्रम नुकताच संपन्न झाला .तसेच एकपात्री नाटक ” मी रमाई बोलतेय ” हे नाटक स्नेहा गायकवाड यांनी सादर केले .  पुणे कॅम्प मधील जान मोहम्मद स्ट्रीटवरील डॉ. बाबासाहेब  आंबेडकर सांस्कृतिक भवनमध्ये झालेल्या या सन्मान सोहळ्यास प्रमुख पाहुणे  पुणे महानगरपालिका शिक्षण अधिकारी माध्यमिक आणि तांत्रिक विभाग शिक्षण अधिकारी सौ. मीनाक्षी राऊत ,  लष्कर पोलिस ठाण्याचे वरिष्ठ पोलिस निरीषक बरकत मुजावर ,  एज्युकेशन सोसायटी माजी मुख्याध्यापिका   मीरा ससाणे , नगरसेवक दिलीप गिरमकर , मनजितसिंग विरदी , महेश जांभुळकर , वाहिद बियाबानी , देवीप्रसाद जोशी , संदीप भोसले , अतुल माने , संजय खोले , उषा माळी , दिलीप भिकुले , भगवान वायाळ , ज्ञानेश्वर कांबळे , वसंत मजदे , बबलू नाईकनवरे , शफिक शिकलकर , युसुफ शेख , विशाल ओव्हाळ , संदीप रेड्डी , महेद्र गायकवाड , अभिषेक भोसले , अनिकेत भोसले , मोना राठोड आदी मान्यवर उपस्थित होते .

या कार्यक्रमाचे प्रास्ताविक आणि उपस्थितांचे स्वागत समता सामाजिक संस्थेचे संस्थापक अध्यक्ष विजय जनार्दन भोसले , तर सूत्रसंचालन विकास भांबुरे आणि आभार दिनेश कांबळे यांनी मानले . यावेळी प्रमुख पाहुण्यांनी विद्यार्थ्यांना मार्गदर्शन केले .