मुंबई-
मध्यरात्रीनंतर च्या ट्विट्वरील  ‘ सलमान उवाच’ ने देशभर याकुब च्या फाशीबाबत संध्याकाळी सहा वाजेपर्यंत गदारोळ उडविला. १९९३ च्या मुंबई बॉम्बस्फोटातील आरोपी याकूब मेमनच्या फाशीला अभिनेता सलमान खानने विरोध केला आहे. सलमानने याकूबच्या बचावासाठी तब्बल १४ ट्विट्स केले असून टायगर मेमनच्या गुन्ह्यासाठी त्याचा भाऊ याकूबला फाशी कशासाठी?, असा थेट सवाल करत त्याने न्यायव्यवस्थेलाच आव्हान दिले.
सलमानने रात्री १ वाजून ५२ मिनिटांनी ‘टायगरला फासावर लटकवा’, असा ट्विट केला. त्यानंतर २ वाजून ४१ मिनिटांपर्यंत एकामागून एक ट्विटची मालिका सलमानने सुरु ठेवली
दरम्यान सलमान उवाच ऑन  ट्विट च्या बातम्या देशभर गाजत असताना एकीकडे माध्यमांनी त्यावर झोड उठविली तर साताऱ्यात सलमानच्या पोस्टर ला काळे फासण्यात आले आणि सलमानचे वडील सलीम खान यांनी सलमान ची हि बकवास असल्याचे म्हटले असताना दुसरीकडे अभिनेता सलमान खाननं ट्विट केल्यानंतर बॉलिवूड व राजकारणातील ४० दिग्गजांनी स्वत:च्या स्वाक्षरीचं एक पत्रच राष्ट्रपती प्रणव मुखर्जी यांना लिहिलं असून,  याकूब मेमनची फाशी रद्द करण्याची मागणी केली आहे.  

याकूबची फाशी रद्द करा, अशी मागणी या पत्राद्वारे करण्यात आली आहे. निर्माते महेश भट्ट, अभिनेते नसिरुद्दीन शहा, भाजपचे खासदार शत्रुघ्न सिन्हा, ज्येष्ठ विधिज्ञ राम जेठमलानी, माकप नेते सीताराम येचुरी, प्रकाश करात, वृंदा करात यांच्यासह ४० मान्यवरांच्या या पत्रावर स्वाक्षऱ्या आहेत.
१९९३च्या बॉम्बस्फोटात याकूब मेमनचा सहभाग सिद्ध होऊन त्याला सर्वोच्च न्यायालयानं फाशीची शिक्षा सुनावली आहे. राष्ट्रपतींनी त्याचा दयेचा अर्जही फेटाळला असून महाराष्ट्र सरकारने याकूबच्या फाशीची तारीखही निश्चित केल्याचं समजतं. याकूबचे परतीचे सर्व कायदेशीर दोर कापले गेले असताना ‘भाईजान’ सलमानच्या टविटमुळं भावनांचं राजकारण रंगलं आहे.

‘सलमान खानने आपली ट्विट्स मागे घेणं अपेक्षित- न्यायमूर्ती पी.डी कोदे

याकूब मेमनच्या समर्थनात अभिनेता सलमान खानने केलेले ट्विट हे त्याचं वैयक्तिक मत आहे. आणि घटनेतील अभिव्यक्ती स्वातंत्र्यानुसार प्रत्येकाला मत मांडण्याचा अधिकार आहे. ‘माहिती असताना किंवा नसताना विविध विषयांवर मत मांडण्याची काहींना सवय असते’, पण सलमानच्या ट्विटचा याच्याशी काय संबंध आहे? हा प्रश्न इथे उपस्थित होतो, असं मुंबईतील १९९३ बॉम्बस्फोट मालिकेची सुनावणी करणारे न्यायमूर्ती पी.डी कोदे यांनी सांगितलं. तसंच ‘सलमान खानने आपली ट्विट्स मागे घेणं अपेक्षित आहे असं कोदेंनी सांगितलं.
‘याकूबच्या फाशीप्रकरणी माहिती असूनही जे विरोधी मत व्यक्त करत आहेत त्यांचा गंभीरपणे विचार केला पाहिजे. पण ज्यांना काही माहितचं नाही आणि ते मत मांडताहेत त्याकडे लक्ष देण्याची गरज नाही. असेही ते म्हणाले

‘सलमाननं केलेली ट्विट्स अर्थहीन व बकवास -सलीम खान

याकूब मेमनच्या फाशीविरोधातील ट्विटमुळं टीकेच्या ‘रडार’वर आलेल्या सलमानला वाचवण्यासाठी त्याचे वडील  निर्माते-दिग्दर्शक सलीम खान ‘सलमाननं केलेली ट्विट्स अर्थहीन व बकवास पुढं आले आहेत. ‘सलमाननं केलेली ट्विट्स अर्थहीन व बकवास आहेत. त्याकडं दुर्लक्ष करा,’ असं आवाहन सलीम खान यांनी केलं आहे.
सलमाननं चुकीच्या गोष्टीचं समर्थन केलं आहे. त्यानं असे टविट्स करायला नको होते. त्याच्या वक्तव्यांना फार महत्त्व देऊ नका,’ असं सलीम यांनी म्हटलं आहे.
याकूबला फाशी नको!
सलीम यांनी सलमानचा बचाव केला असला तरी याकूबला फाशी होऊ नये असंच त्यांचंही मत आहे. ‘याकूबला फाशी देण्याऐवजी त्याला तुरुंगातच ठेवलं पाहिजे. त्याला आयुष्यभर तुरुंगात बंद ठेवणं ही त्याच्यासाठी फाशीपेक्षाही मोठी शिक्षा असेल,’ असं सलीम यांनी म्हटलं आहे.

विशेष सरकारी वकील उज्वल निकम , तसेच भाजपचे एकनाथ खडसे ,आणि रामदेवबाबा यांनी हि सलमान उवाच ला आक्षेप घेत माध्यमांकडे प्रतिक्रिया नोंदविल्या याकूब मेमनला आपल्या देशाच्या सर्वोच्च न्यायालयाने दोषी ठरवलेलं आहे त्यामुळेच या निकालावर जर सलमान खानने मतप्रदर्शन केलं असेल तो न्यायालयाचा अवमान ठरतो, अशी प्रतिक्रिया विशेष सरकारी वकील उज्ज्वल निकम यांनी दिली.
अभिनेता सलमान खानने याकूब मेमनच्या फाशीला विरोध करण्यासाठी तब्बल १४ ट्विट्स केली आहेत. त्यात याकूब निष्पाप आहे आणि टायगर मेमनच्या गुन्ह्याची शिक्षा त्याला भोगावी लागत आहे, असा दावा सलमानने केला आहे. सलमानच्या या ट्विट्सवर प्रतिक्रिया देताना निकम यांनी सलमानने हे ट्विट्स तत्काळ मागे घ्यायला हवेत, अशी अपेक्षा व्यक्त केली आहे.

सातारा (जिमाका) : खूप कमी वेळामध्ये अद्भूत आणि आश्चर्यकारक काम सातारा जिल्ह्यामध्ये झाले आहे. सर्वसामान्य शेतकरी आणि जनतेच्या पाण्याचा प्रश्न सोडविण्यासाठी जलयुक्त शिवार अभियानांतर्गत शाश्वतपणे करण्यात आलेल्या कामासाठी जिल्हाधिकारी अश्विन मुद्गल यांचे कष्ट कौतुकास्पद आहे, अशा शब्दात राजस्थानच्या मुख्यमंत्री श्रीमती वसुंधरा राजे यांनी श्री. मुद्गल यांचा गौरव केला आहे.
राज्य शासनाने हाती घेतलेले जलयुक्त शिवार अभियान अंतर्गत सातारा जिल्ह्यात झालेल्या कामांची माहिती देण्यासाठी श्री. मुद्गल हे राजस्थानमधील जयपूर येथे गेले होते. यावेळी त्यांनी तासाभाराच्या संगणकीय सादरीकरणात जिल्ह्यामध्ये झालेल्या पाझर तलाव मोहिम, गाळ काढणे, लोकसभाग, प्रशासनामार्फत इंधन पुरवठा, गूळंब चांदक ओढाजोड प्रकल्प, जाखणगाव पॅटर्न, रानमळा, माण खटाव तालुक्यात झालेली कामे, प्रसारमाध्यमांनी घेतेली दत्तक योजना, विद्यापीठाच्या माध्यमातून विद्यार्थ्यांचा सहभाग आदीबाबत विस्तृतपणे माहिती सादर केली. हे करता असताना सातारा जिल्ह्याचे प्राकृतिक, भौगोलिक रचना सांगून जिल्ह्याची गरज लक्षात घेऊन करण्यात आलेले वॉटर बजेट आणि कामांचे नियोजन याचा प्रामुख्याने समावेश होता. जलसंधारणाच्या कामांमध्ये सातारा छत्रपती शिवाजी महाराजांची पवित्र भूमी असल्याचे आर्वजून त्यांनी मराठीतून उल्लेख केला. त्याचबरोबर साताऱ्याचे ऐतिहासिक महत्व आणि शिवकालिन पाणी पुरवठ्याबाबतही अभिामानाने माहिती सांगितली आणि सातारा जिल्हा भेटीचे उपस्थितांना आग्रहाचे निमंत्रण दिले.
जिल्हाधिकारी श्री. मुद्गल यांनी केलेल्या सादरीकरणानंतर भारावून राजस्थानचे मुख्य सचिव सी.एस. राजन यांनी राजस्थानची प्राकृतिक माहिती सांगितली. ते म्हणाले, राजस्थानच्या 2/3 भाग वाटवंट आहे आणि येथील पर्जन्यमान 400 मिलीमिटर पेक्षा कमी आहे. यासाठी उपययोजनांबाबत सविस्तर चर्चा केली. यावर श्री. मुद्गल यांनी स्थानिक रहिवाशी त्यामध्ये असणारे ज्येष्ठ नागरीक यांच्याकडून पाण्याची परिस्थिती का खालवत चालली याबाबतची माहिती गोळा करण्याविषयी सुचविले.
जलसंधारण सचिव प्रभाकर देशमुख यांनी सुरुवातीलाच महाराष्ट्र राज्याच्या दृष्टीकोनातून जलयुक्त शिवार अभियान का राबविण्यात येत आहे. त्याचे फायदे त्याबरोबर कसे राबविण्यात आले याची विस्तृत माहिती दिली.
मुख्यमंत्री श्रीमती वसुंधरा राजे यावेळी म्हणाल्या, महाराष्ट्राच्या धर्तीवर राजस्थानमध्येही जिल्हाधिकारी केंद्रभूत करुन अशा पद्धतीने अभियान राबवावे आणि या अभियानामध्ये अधिकारी, लोकप्रतिनिधी यांनी जोखून देऊन काम करावे. महाराष्ट्रातील जिल्हाधिकाऱ्यांना विशेष धन्यवाद देते. अत्यंत चांगल्या पद्धतीने कमी वेळेत दर्जेदार काम करुन त्याचे सादरीकरणही प्रभाविणे तितकेच दर्जेदारपणे केले आहे. माझे गाव सातारमधीलच आहे. सातारा जिल्ह्याविषयी मला चांगली माहिती आहे. सातारच्या जिल्हाधिकाऱ्यांनी खूप मोठ्या प्रमाणात कष्ट करुन आश्चर्यकारक बदल घडवून आणला आहे. त्यांचे हे काम निश्चितपणे प्रेरणा देणारे आहे आणि कौतुकास्पद आहे, अश शब्दात जिल्हाधिकारी श्री. मुद्गल यांच्या कार्याचा गौरव केला.