पुणे-

पुण्यातील रुग्णाचे हृदय मुंबईतील २२ वर्षीय रुग्णाला यशस्वीपणे प्रत्यारोपण करून आदर्श वैद्यकीय सेवेचे दर्शन घडविल्याबदल जहांगीर रुग्णालयाचे हृदय शल्य चिकित्सक  डॉ. संजीव जाधव व रुग्णालयाच्या वैद्यकीय संचालिका डॉ. मनीषा बोबडे यांचा मनजितसिंग विरदी फाऊडेशनच्यावतीने  सन्मानपत्र व पुष्पगुछ देऊन सन्मान करण्यात आला . यावेळी फाऊडेशनअध्यक्षचे मनजितसिंग विरदी , मेजरसिंग कलेर , विकास भांबुरे , आरती संघवी , महेश जांभुळकर ,  मनप्रितसिंग विरदी , विजय भोसले , वृंदा शहा आदी उपस्थित होते .

  पश्चिम भारतात पहिली हृदय प्रत्यारोपण शस्त्रक्रिया यशस्वीपणे पार पाडल्याबद्दल जहांगीर रुग्णालयाने आदर्श वैद्यकीय सेवेचे दर्शन घडविले असून  हृदय शल्य चिकित्सक  डॉ. संजीव जाधव यांनी केलेले काम हे पुनर्जीवन देणारे ठरले त्याबद्दल त्यांचा सन्मान केला आहे .

 सध्याच्या काळात अवयव दानाची जनजागृती करणे गरजेचे असून मनजितसिंग विरदी फाऊडेशनने याकामी पुढाकार घ्यावा असे मत डॉ. संजीव जाधव यांनी व्यक्त केले तर रुग्णालयाने केलेल्या हृदय प्रत्यारोपणात हृदय दान करणाऱ्या रुग्णाच्या कुटुंबाच मोठ योगदान आहे असे मत वैद्यकीय संचालिका डॉ. मनीषा बोबडे यांनी व्यक्त केले .

   विकास भांबुरे यांनी प्रास्ताविक केले तर  मनप्रितसिंग विरदी यांनी आभार मानले .

पुणे- शहराच्या विकासाकरिता स्मार्ट सिटी अंतर्गत करावयाच्या विविध विकास कामांबाबत नेमके कोणते कामास प्राधान्य द्यावे, कोणती विकास कामे करणे आवश्यक व क्रमप्राप्त आहेत याकरिता पुणे महानगरपालिका प्रशासनाचे वतीने नागरिकांची मतं जाणून घेण्याकरिता ‘‘माझं स्वप्न- स्मार्ट सिटी” स्पर्धापरिक्षा ऑनलाईन व पत्राद्वारे पहिल्या टप्प्यात आयोजित केली होती.
स्पर्धेचा दुसरा टप्पा ३ ऑगस्ट २०१५ ते ९ ऑगस्ट २०१५ पर्यंत होता. प्रथम टप्प्यात सुमारे ५ लाखापेक्षा अधिक नागरिकांनी संकेतस्थळास भेट दिली होती, तर सुमारे ६ हजारापेक्षा अधिक नागरिकांनी आपली मतं-सुचना नोंदविल्या होत्या.
वरीलप्रमाणे आलेल्या सुचना-मतं यापैकी ३० सुचना-मतं निवडण्यात येऊन यापैकी ५ सुचना-मतं यांच्या सर्वोत्तम निवडीकरिता दुसèया टप्प्यात स्पर्धा आयोजित करणेत आली.
त्यानुसार ऑनलाईन चांगल्या व नागरी हिताच्या कामांच्या प्राधान्यक्रमास नागरिकांकडून भरघोस प्रतिसाद मिळालेला असून ९ ऑगस्ट २०१५ रोजी सायंकाळी ५ वाजेपर्यंत सुमारे ११ लाख ५७ हजार ५०८ नागरिकांनी पुणे मनपाच्या संकेतस्थळास भेट दिली तर प्रत्यक्षात ६३ हजार ५६ नागरिकांनी आपली मतं-सुचना नोंदविलेल्या आहेत. प्रथम टप्प्यातील मतं-सुचना नोंदविणेबाबत अर्थात दुसऱ्या टप्पा आकडेवारी पहाता दोन पटीपेक्षा अधिक नागरिकांनी मनपा संकेतस्थळास भेट दिली तर सुमारे पहिल्या फेरीच्या तुलनेत दहा पटीपेक्षा अधिक नागरिकांनी दुसऱ्या टप्प्यात मतं-सुचना नोंदविल्याचे दिसून येते.
वरीलप्रमाणे ५ सुचनांबाबत प्राप्त झालेल्या मतं-सुचना यांच्या आकडेवारीच्या विश्लेषणानुसार विकास कामांचा प्राधान्यक्रम निश्चित करुन संबंधित व्यक्तींना (प्रथम ५ सुचना-मतं) आपल्या सुचना-मतं सविस्तर मांडण्याकरिता-सादरीकरणाकरिता तज्ञ परिक्षण समितीच्या निरीक्षणा अंतर्गत लवकरच संधी दिली जाणार असून या पाचपैकी तीन व्यक्तींच्या सुचना-मतं यांची तज्ञ समिती परिक्षणा अंतर्गत निवड होऊन संबंधितांना येत्या १५ ऑगस्ट २०१५ रोजी मा. महापौर, मा महापालिका आयुक्त यांचे हस्ते पुरस्कार देऊन सन्मानित करण्यात येणार आहे.

पुणे  :- श्री बाबा गंगाराम सेवा समितीच्या वतीने ‘श्री बाबा गंगाराम’

यांची जयंती उत्साहात साजरी करण्यात आली यावेळी भजन संध्याचे आयोजन

करण्यात आले. भजन संध्या कार्यक्रमात जयपूर येथील प्रसिद्ध गायिका उमा लहरी

व दिल्लीचे गायक शीतल पांडे यांनी श्री. बाबा गंगाराम यांच्या विविध सुमधुर

भजनांचे सादरीकरण केले. त्यांच्या गीतांना उपस्थितांकडून विशेष दाद मिळाली.

भजन संध्या, महाआरती, नृत्यनाटिका या कार्यक्रमांचा अनेक भक्तांनी लाभ घेतला.

अल्पबचत भवन येथे झालेल्या या कार्यक्रमात बंगलोर, हैद्राबाद, मुंबई पासून थेट

अमेरिकेपर्यंतचे बाबांचे भक्तगण याप्रसंगी उपस्थित होते तसेच भजनसंध्येचा आणि

महाप्रसादाचा लाभ घेतला. यावेळी समितीच्या वतीने श्री बाबा

गंगाराम यांच्या साहित्यांचे आणि डीव्हीडीचे  सर्व प्रेक्षकांना विनामूल्य वितरित

करण्यात आल्या.

यावेळी बाबा गंगाराम समितीचे पुण्याचे अध्यक्ष जगदीशचंद्र अगरवाल, नवलकिशोर

अगरवाल, राजकुमार अगरवाल,अशोक अगरवाल, विजयालक्ष्मी अगरवाल, विजय

अगरवाल ,अखिल अगरवाल, श्याम अगरवाल, सुजाता अगरवाल, यांच्यासह विविध

समाजातील बाबा गंगारामचे भक्त मोठ्या संख्येने उपस्थित होते.

आजही झुंझूनुंनगर  हे गाव विष्णूचे अवतार मानले जाणाऱ्या बाबा गंगाराम

यांच्यामुळे खूप प्रसिद्ध असून त्यांच्या जयंतीनिमित्त अनेक भक्त येथील पंचदेव

मंदिराच्या दर्शनासाठी मोठ्या संख्येने येतात.

पुणे-‘आम्ही मुळशीकर प्रतिष्ठान’ तर्फे पुण्यात राहणाऱ्या मुळशी तालुक्यातील दहावी आणि बारावी परीक्षेतील गुणवंत विद्यार्थ्यांचा कौतुक सभारंभ नुकताच पार पडला. याप्रसंगी प्रमुख पाहुणे म्हणून नंदकुमार सुतार आणि ‘युनिक अकादमी’ चे प्रमुख व्यवस्थापक  नागेश गव्हाणे हे उपस्थित होते.

व्यासपीठावर  ‘आम्ही मुळशीकर प्रतिष्ठान’चे अध्यक्ष अॅड. गणेश सातपुते आणि इतर पदाधिकारी उपस्थित होते. याप्रसंगी प्रमुख पाहुणे नंदकुमार सुतार आणि नागेश गव्हाणे यांच्या हस्ते दहावी आणि बारावी परीक्षेतील गुणवंत विद्यार्थ्यांना इंग्रजी शब्दकोश आणि स्मृतीचिन्ह देवून त्यांच्या पाठीवर ‘शाबास’कीची थाप देण्यात आली. आपल्या पाल्यांचा हा कौतुक सोहळा पाहण्यासाठी पालकांनीही मोठ्या प्रमाणावर गर्दी केली होती.

‘युनिक अकादमी’ चे प्रमुख व्यवस्थापक नागेश गव्हाणे यांनी यावेळी विद्यार्थ्यांना स्पर्धा परीक्षेतील आव्हानाबाबत मार्गदर्शन केले. विद्यार्थ्यांनी कठोर परिश्रम करून अभ्यास केल्यास लोकसेवा आयोगातील मराठी मुलांची कमी असलेली टक्केवारी वेगाने वाढू शकते असे आवाहन त्यांनी केले. तर नंदकुमार सुतार यांनी विद्यार्थ्यांनी सुरुवातीपासूनच मन लावून अभ्यास केल्यास ते आपले ध्येय नक्कीच गाठू शकतील असा विश्वास व्यक्त केला. प्रारंभी  ‘आम्ही मुळशीकर प्रतिष्ठान’चे अध्यक्ष अॅड. गणेश सातपुते यांनी आपल्या प्रास्ताविकात, संस्थेतर्फे दरवर्षी केल्या जाणाऱ्या या उपक्रमाची माहिती सांगितली.  पुणे शहराची आता ‘स्मार्ट सिटी’त गणना होणार असल्याने विद्यार्थ्यांनी रोजगाराभिमुख शिक्षणाला प्राधान्य देवून स्वत:च्या विकासाबरोबरच मुळशी तालुक्याचाही विकास करून मुळशी तालुक्याला विकासाच्या नकाशावर आणण्यासाठी पुढाकार घ्यावा असे आवाहन केले.  ‘आम्ही मुळशीकर प्रतिष्ठान’ चे निवृत्ती येवले यांनी उपस्थितांचे स्वागत केले तर लक्ष्मण कंधारे यांनी आभार मानले. या संपूर्ण कार्यक्रमाचे सूत्रसंचालन राजेंद्र उभे आणि सीताराम चोंडे पाटील यांनी केले.

पुणे- शिक्षण मंडळ सदस्य सौ.मंजुश्री खर्डेकर यानी कर्वेनगर च्या सम्राट अशोक विद्यालयात आयोजित केलेल्या वृक्षारोपण कार्यक्रमात आमदार मेधा कुलकर्णी यांच्यातील शिक्षकाचा उपस्थिताना प्रत्यय आला.वृक्षारोपण करतानाच विध्यार्थ्याना स्थानिक वृक्षांची माहिती दिली.तसेच पर्यावरणाची हानी,वारंवार कोपणारा आणी लहरी निसर्ग आणी त्यामुळे बदललेले रुतुचक्र याचे उत्तम विवेचन करताना प्राध्यापक मेधा कुलकर्णी यानी विध्यार्थ्याना शिक्षणाबरोबरच पर्यावरण रक्षणाचे धडे दिले.तसेच शाळेच्या परिसरात लावलेल्या या रोपांचे जतन करा असे ही आवर्जुन सांगितले.गारपीट,अवेळी येणारा पाउस,दुष्काळ तर कधी ओला दुष्काळ याच्या मुळाशी आपण पर्यावरणाचा जो नाश करतो तेच कारणीभुत असुन त्याचा परिणाम आपल्या अर्थव्यवस्थेवर ही होतो हे ही त्यानी नमूद केले.या कार्यक्रमात जिल्हा स्तरावर बोक्सिंग स्पर्धेत प्रथम पुरस्कार मिळविणारया बाबु कंद्कुर या विध्यार्थ्याचा व त्याच्या आई चा सत्कार करण्यात आला.कार्यक्रमा मागची भुमिका विषद करताना संयोजक मंजुश्री खर्डेकर म्हणाल्या “या शाळे चे मोठे मैदान आहे,हे मैदान स्वच्छ रहावे याला भिंत घालावी यासाठी आपण प्रयत्नशील आहोत.मात्र त्याच बरोबर या मैदानात सभोवती झाडे बहरल्यास त्याचा पुढील पिढीस फायदाच होइल हे जाणुन येथे 32 रोप लावण्यात आली आहेत.या व्रुक्षांची योग्य निगा राखली जाईल असे ही त्यानी आश्वस्त केले.
यावेळी स्थानिक नगरसेविका सुरेखाताई मकवान,शिक्षण मंडल सदस्य बाबा धुमाळ.श्री.जयंत भावे,प्रशांत हरसुले,जगन्नाथ कुलकर्णी,कुलदीप सावळेकर,भारत शिर्के,तात्या बालवडकर,सोमनाथ गुंड,रामदास गावडे,अमोल डांगे,रितेश वैद्य,माजी नगरसेवक शिवराम मेंगडे,दिलीप उंबरकर इ मान्यवर उपस्थित होते.कार्यक्रमाचे संयोजन  आणी प्रास्ताविक सौ.मंजुश्री खर्डेकर यानी केले,तर मुख्याध्यापिका सुनंदा जाधव यानी स्वागत आणी बिडकर सर यानी सूत्र संचालन केले.

पुणे-पुरंदर येथे १८ फुट खोल बोअरवेल मधुन २ वर्षाच्या मुलाला सुखरुपपणे बाहेर काढण्यात अग्निशामक दलाच्या जवानांनी मेहनतीने -युक्ती ने यश मिळविले त्यांच्या कामाचे तमाम पुणेकरांना कोतूक आहे असे सांगत . त्यांचे विशेष अभिनंदन आणि सत्कार  डॉ दत्ता कोहिनकर,यशराज पारखी, विजयकुमार मर्लेचा यांनी येथे केला