पुणे-पंतप्रधान नरेंद्र मोदी यानी वृक्षरोपण व वृक्षसंवर्धानाचे आवाहन केले आहे,त्यास अनुसरुन पुणे महानगरपालिकेच्या इमारती असलेल्या सर्व 136 शाळानमधे वृक्षारोपणाचे कार्यक्रम घेणार असुन त्याची सुरुवात कोथरुड पासुन करत आहे असे शिक्षण मंड्ळ सदस्य सौ.मंजुश्री खर्डेकर यानी सांगितले

.मनपा च्या ज्या ज्या शाळान्मधे मैदाने आहेत व जेथे मोकळी जागा उपलब्ध आहे तेथे व्रुक्ष लागवड करण्यात येइल असे ही त्या म्हणाल्या.पौड फाट्यावरील पंडित दीनदयाळ उपाध्याय शाळेत व्रुक्षारोपणाच्या कार्यक्रमात त्या बोलत होत्या.सम्राट अशोक विध्यालया पाठोपाठ दीनदयाळ विध्यालयात आयोजित कार्यक्रमात विध्यार्थी,पालक व रिक्षेवाले काकांच्या हस्ते रोप लागवड करण्यात आली.मनपाच्या उधान विभागाचे कर्मचारी ही यावेळी उपस्थित होते.मोठ्या प्रमाणावर व्रुक्षांची कत्तल होत असल्याने पर्यावरणाची हानी होत असुन मुलानी व्रुक्ष लागवड व संवर्धनाचे महत्व समजुन घ्यावे व आज लावलेल्या रोपांची निगा राखावी असे ही सौ.खर्डेकर म्हणाल्या.यावेळी शाळेच्या मुख्याध्यापिका एलिझाबेथ काकडे,क्रीडा शिक्षक बहिरामे  सर,शाळा समिती च्या सदस्या सौ.गौरी करंजकर,राज तांबोळी,निलेश गरुडकर,भारत कदम,पोपट बालवडकर,सुधीर फाटक,सुमीत दिकोंडा,जयेश सरनौबत,रामदास गावडे,श्रीक्रुष्ण गोगावले,जगदीश देडगे व इतर मान्यवर व पालक मोठ्या संख्येने उपस्थित होते.

पुणे :- पुण्यातील पहिली भव्य टाऊन शिप म्हणून ओळखल्या

जाणार्‍या डीएसके विश्वच्या  मेघमल्हार या प्रकल्पाच्या  फेज -२

मधील सदनिकाधारकांचा सत्कार सोहळा मोठ्या उत्साहात पार

पडला.  यावेळी गृहप्रकल्प निर्मितीत सहकार्य लाभलेल्या तसेच

मेघमल्हार येथील सर्व सदनिकाधारकांचा सत्कार तुळशीचे रोप आणि

भेटवस्तू देऊन करण्यात आला. सोबतच ‘मल्हार धून’ या संगीत

कार्यक्रमाचे आयोजन करण्यात आले होते

यावेळी  डी. एस. के समूहाचे अध्यक्ष डी. एस. कुलकर्णी , सौ. हेमंती

कुलकर्णी,  ब्रिगेडियर शर्मा, भाग्यश्री कुलकर्णी, अमित कुलकर्णी व

प्रसिद्ध मुलाखतकार राजेश दामले आदी उपस्थित होते.

६००० उंबऱ्याचे मॉडर्न गाव म्हणून प्रसिद्ध असणाऱ्या डीएसके विश्व

मधील ‘मेघमल्हार या प्रकल्पाच्या फेज २’  बद्दल  अधिक माहिती

देताना सौ. कुलकर्णी म्हणाल्या, सिंहगड रस्ता परिसरातील निसर्गाच्या

सानिध्यात असणारा, सुप्रसिद्ध आर्किटेक हाफिज कॉट्रॅक्टर यांच्या

डिझाईन मधून साकारलेला हा दर्जेदार गृहप्रकल्प आहे. सर्व सोयी-

सुविधांनी परिपूर्ण अशा ह्या प्रकल्पामध्ये खास स्पॅनिश वास्तुशैलीचा

उपयोग करून घरांची रचना करण्यात आली आहे. सव्वा लाख स्क्वेअर

फुटाचे पोडीयम गार्डन, लहान मुलांना खेळण्यासाठी प्रशस्त आणि

ऐसपैस जागा, कम्युनिटी हॉल, जिमनेशियम, कार्यक्रम अथवा

समारंभासाठी प्रशस्त पार्टी लॉन यांसारख्या सुखसोयी खास

ग्राहकांसाठी आम्ही येथे उपलब्ध करून दिल्या आहेत. शिवाय एका

उत्तम गृहप्रकल्पासाठी लागणार्‍या स्केटिंग रिंग,  बास्केट बॉल कोर्ट,

सिटीझन प्लाझा, हर्बल गार्डन आदि अत्याधुनिक सुखसोयी देखील येथे

आहेत. १, २ व ३ बी एच के आणि रो हाउसेस या प्रकल्पात आहेत.

रोजच्या जगण्यासाठी जे काही लागते ते सर्व एकाच ठिकाणी उपलब्ध

करून द्यायचे या हेतूने आम्ही डीएसके विश्व या महाराष्ट्रातील पहिल्या

भव्य टाऊनशिपची उभारणी केली असल्याची भावनाही  त्यांनी

यावेळी बोलून दाखवली.

या कार्यक्रमाचे सूत्रसंचालन राजेश दामले यांनी केले.

पुणे -प्रशासकीय यंत्रणा गतिमान झाली पाहिजे, त्यामुळे विकासाच्या प्रक्रियेला वेग येतो. मात्र एकच फाइल 17 ठिकाणी फिरते. मग ती रेंगाळते. अशा भुक्कड यंत्रणेमुळे कामाच्या नियोजनात अडचणी निर्माण होत असल्याचे केंद्रीय रस्ते आणि वाहतूक मंत्री नितीन गडकरी यांनी स्पष्ट केले. मात्र ही यंत्रणा सुधारण्याचे प्रयत्न आता केले जात असल्याचेही त्यांनी म्हटले. ‘मुंबई-पुणे द्रुतगती मार्गामुळे दोन्ही शहरांच्या विकासाला हातभार लागला आहे. याच धर्तीवर मुंबई-नागपूर मार्ग पुण्याला जोडण्याचे नियोजन आहे,‘‘ असे  गडकरी यांनी शनिवारीपुण्यात सांगितले देशातील वाहतूक व्यवस्था इलेक्‍ट्रीकवर आधारित हवी, असेही ते म्हणाले.
सिम्बायोसिस सेंटर फॉर मॅनेजमेंट स्टडीज अँड ह्युमन रिसोर्स डेव्हल्पमेंटच्या वतीने आयोजित “इन्फ्राब्लेझ 2015‘ या व्याख्यानमालेचे उद्‌घाटन गडकरी यांच्या हस्ते झाले. त्यानंतर गडकरी यांचे “स्मार्टसिटी‘ या विषयावर व्याख्यान झाले. सिम्बायोसिसचे संस्थापक डॉ. शां. ब. मुजुमदार, महामार्ग खात्याचे सचिव आर. सी. सिन्हा, रजनी गुप्ते, प्रतिमा शिवरे, डॉ. विद्या येरवडेकर या वेळी उपस्थित होते. गडकरी म्हणाले, ‘ग्रामीण भागातील लोक शहरात येत आहेत. हे प्रमाण रोखण्यासाठी शहरांसारख्या सुविधा ग्रामीण भागातही उभारल्या पाहिजेत, तसेच उद्योगांचे विकेंद्रीकरण झाल्यास लोक स्थलांतरित होणार नाहीत. त्यासाठी “स्मार्ट व्हिलेज‘ योजना उपयुक्त ठरेल. स्मार्टसिटी योजनेत भूसंपादन हा महत्त्वाचा घटक आहे. विशेषत: वाहतूक सुधाण्याच्या दृष्टीने नियोजन आवश्‍यक आहे. पर्यावरणाचा प्राधान्याने विचार झाला पाहिजे. त्यासाठी वाहतूक व्यवस्था पूर्णपणे इलेक्‍ट्रीक आणि जैव इंधनावर हवी. सांडपाणी, प्लॅस्टिक आणि कचऱ्यापासून निर्मिती केली पाहिजे. विज्ञान आणि तंत्रज्ञानाचा वापर करताना खर्चात कपात करून प्रकल्पांची गुणवत्ता टिकविण्याकडे लक्ष दिले पाहिजे.‘‘ ‘स्मार्ट सिटी योजनेचे नियोजन करताना शिक्षण व्यवस्थेकडे लक्ष दिले पाहिजे. व्यवस्थापन आणि कौशल्याचे शिक्षण देणाऱ्या संस्थांना कमी पैशात जागा मिळाली पाहिजे. आरोग्य यंत्रणाही सक्षम असली पाहिजे. देशभरात तब्बल 3 लाख 80 हजार कोटींचे प्रल्कप रखडले आहेत. त्यातील निम्म्याहून अधिक प्रकल्पाचे काम प्रगतिपथावर आहे. त्यासाठी राजकीय इच्छाशक्ती हवी,‘‘ असेही गडकरी म्हणाले. इलेक्‍ट्रीक वाहनांसाठी स्वस्त आणि किफायतशीर बॅटरी लवकरच बाजारात उपलब्ध होणार आहे. त्यामुळे इंधनावरील खर्च मोठ्या प्रमाणात कमी होणार आहे. तसेच, प्रदूषण कमी होण्यास मदत होईल. यासंदर्भात “इस्रो‘च्या अधिकाऱ्यांशी चर्चा झाली आहे. साधारणत: पाच ते सहा लाखांत ही बॅटरी मिळण्याची सोय केली जाणार असल्याचेही ते म्हणाले.

पुणे-

भाजपच्या कार्यकर्त्यांनी पथारी आणि फेरीवाल्यांविरोधात आंदोलन सुरु करून अखेर काळ एफ सी रस्ता पथारी मुक्त केला फर्ग्युसन रस्ता व जंगली महाराज रस्त्यावरील पदपथ हे अनधिक्रुत पथारीवाले,फेरीवाले यानी व्यापले असुन येथे नागरिकाना चालणे ही अवघड झाले आहे.एवढेच नव्हे तर येथे गुन्हे गारी ही वाढली आहे.याचा निषेध करणयासाठी व पुणे मनपा प्रशासनाच्या अकार्यक्षमते विरुद्ध आणी अतिक्रमणाना पाठीशी घालण्याच्या प्रव्रुत्तीविरुद्ध भारतीय जनता पक्षाच्या वतीने आज आंदोलनाची घोषणा केली होती.मात्र परवा रात्री पासुनच मनपा ची यंत्रणा कमालीची कार्यक्षम झाली आणी दिवसातुन तीन चार वेळा कारवाई करुन फर्ग्युसन रस्त्यावरील पदपथ अतिक्रमणमुक्त करण्यात प्रशासनाला यश आले.
शनिवारी सायंकाळी 6 वाजता भाजप कार्यकर्त्यानी जोरदार घोषणा देत या रस्त्यावरील पदपथावरुन फेरी काढली तसेच गोपाळक्रुष्ण गोखले चौकात प्रशासनाविरुद्ध निदर्शने ही केली.निदर्शनांचे नेत्रुत्व शहर सरचिटणीस संदीप खर्डेकर,उपाध्यक्ष दत्तात्रय खाडे,नगरसेविका निलीमा खाडे,माधुरीताई सहस्त्र्बुद्धे,चिटणीस अशोक मुंडे,रविंद्र साळेगावकर,शिवाजीनगर मंडल अध्यक्ष नाना मोरे,युवा मोर्चा अध्यक्ष अपूर्व सोनटक्के,योगेश बाचल,संदीप काळे,राजेश धोत्रे,व इतर कार्यकर्ते मोठया संख्येने उपस्थित होते.
यावेळी बोलताना संदीप खर्डेकर म्हणाले “हा रस्ता नो होकर्स झोन” म्हणुन घोषित आहे,असे असताना येथील पदपथ अतिक्रमणानी भरलेले,तसेच पोलिसानी एक वर्षापूर्वी या रस्त्यावर पार्किंगला बंदी घालताना येथे अतिरेकी हल्ल्याची शक्यता असल्याचे सांगितले होते.मग अचानक येथील पदपथ पूर्णपणे अतिक्रमणानी व्यापले तरी पोलिस खाते व मनपा थंड कशी?यातुनच या सर्वांच्या आशिर्वादाने ही अतिक्रमणे झाली काय अशी शंका येते असे ही ते म्हणाले.
तर स्थानिक नगरसेविका निलीमाताई खाडे यानी आपण वारंवार मनपा कडे तक्रार करुन व सर्वसाधारण सभेत प्रश्न उपस्थित करुन ही कारवाई होत नसल्याने आंदोलन उभारले असुन आता सातत्याने कारवाई झाली नाही तर भाजप चे कार्यकर्ते रोज आंदोलन करतील असे जाहीर केले.
शहराच्या अन्य भागात ही पदपथ अतिक्रमण मुक्त करण्यासाठी भाजप आंदोलन उभारेल असे स्पष्ट करतानाच पथारीवाले धोरणाची अमलबजावणी करावी व अधिक्रुत पथारीवाल्यांचे पुनर्वसन करावे असे ही संदीप खर्डेकर म्हणाले.
उद्या ही या रस्त्यावर आंदोलन केले जाईल असे दत्ता खाडे,नाना मोरे,अशोक मुंडे यानी स्पष्ट केले.

पुणे – पुण्यातील आठ खासदार लोकसभा आणि राज्यसभेत आहेत. त्यांना दरवर्षी पाच कोटी रुपयांचा वार्षिक विकास निधी प्रत्येकास मिळतो. त्यातून प्रत्येकाने एक कोटी रुपये दिले तरी आठ कोटी रुपये जमा होतील. त्यात भर घालून दरवर्षी एक प्रकल्प महापालिका मार्गी लावू शकते, त्यासाठी माझ्या स्वतःपासून सुरवात करण्यास तयार असल्याचे सांगून राष्ट्रवादीचे अध्यक्ष ज्येष्ठ नेते शरद पवार  यांनी यासाठी समन्वयासाठी बापट यांनी पुढाकार घ्यावा, असे आवाहनही त्यांनी केले. ‘पुणे शहर विस्तारत आहे. त्यानुसार शहराचे प्रश्‍नही वाढत आहेत; ते सोडविण्यासाठी एकत्रित प्रयत्नांची आवश्‍यकता आहे. त्यासाठी राजकीय विचारधारा बाजूला ठेवून एकत्र येण्याची आवश्‍यकता आहे,‘‘ असे ते म्हणाले
शहराच्या ब्रॅंडिंगसाठी महापालिकेने तयार केलेला लोगो, शहराची छायाचित्रांद्वारे माहिती देणारे “कॉफी टेबल‘ पुस्तकाचे प्रकाशन, पुणे दर्शन बस आणि संकेतस्थळाचे उद्‌घाटन पवार आणि पालकमंत्री गिरीश बापट यांच्या हस्ते झाले. त्या प्रसंगी ते बोलत होते. महापौर दत्तात्रेय धनकवडे, उपमहापौर आबा बागूल, राष्ट्रवादी कॉंग्रेसच्या शहराध्यक्षा आणि खासदार वंदना चव्हाण आदी या प्रसंगी उपस्थित होते. पवार म्हणाले, ‘प्रत्येक शहराचे वैशिष्ट्य असलेले पुस्तक तयार करण्याची सर्वत्र पद्धत आहे. आपल्याकडे उशीर झाला तरी, ते झाले याबद्दल अभिनंदन करतो. या शहराचा लौकिक मोठा असून, देशाच्या औद्योगिक विकासात येथील ऑटो, आयटी क्षेत्राने मोलाचा वाटा उचलला आहे. अनेक बहुराष्ट्रीय कंपन्यांचे “बॅक ऑफिसेस‘ शहरात आहेत. शहराचा विस्तार होताना प्रश्‍नही बदलत आहेत. त्यांची सोडवणूक करण्यासाठी राजकीय एकमत हवे; तसेच केंद्र, राज्य आणि उद्योग क्षेत्राची मदत घ्यायला हवी.‘‘ शहरातील झोपडपट्ट्यांचे प्रमाण वाढत असल्याबद्दल पवार यांनी चिंता व्यक्त करून वास्तवतेचे भान ठेवून निर्णय घेण्याची आवश्‍यकता आहे, असे मत व्यक्त केले. उद्योजकांना त्यांच्या नफ्यातील काही रक्कम सार्वजनिक सामाजिक जबाबदारीसाठी खर्च करण्याचे बंधन आहे. त्याचाही महापालिकेने उपयोग करून घ्यायला हवा, अशी अपेक्षा त्यांनी व्यक्त केली.

पुणे

-कॅम्प नवा मोदीखाना भागातील कुंभारबावडी भाजी मार्केट जवळील लोकवस्तीमधील झालेल्या सिलेंडरच्या स्फोटातील जळीतग्रस्तांना  पुणे कॅम्प मधील गणेश उत्सव मंडळांनी मदतीचा हात दिला .नवा मोदीखाना मधील उत्सव संवर्धक तरुण मंडळाने या जळीतग्रस्तना मदतीसाठी गणेश मंडळाचे कार्यकर्ते पुढे आलेले आहेत . तसेच , स्थानिक नगरसेवक अतुल गायकवाड यांनी देखील आपले नगरसेवकाचे एक महिन्याचे मानधन जळीत ग्रस्तना मदतीसाठी दिले .   उत्सव संवर्धक तरुण मंडळाचे कार्यकर्ते अड. प्रशांत यादव , जितेंद्र शिंदे , निलेश कणसे ,  मोहन यादव , दिलीप जाधव , दीपक तांबे , शंकर चिकोटी , राजू राऊत , विकी मोरे मोहन नारायणे ,कुंभारबावडी मंडळाचे कार्यकर्ते मंगेश ककरे , जैन्नूभाई आदींनी एकत्रित येऊन जळीतग्रस्त तिन्ही कुटुंबियांना पंधरा हजार रुपयांची धनादेशद्वारे मदत दिली . यावेळी जळीतग्रस्त  कुटुंबिय संदीप जगताप , सुनील जगताप , मिलिंद किसन बनसोडे रमेश बाबुराव कोपेल्लू आदी कुटुंबीय उपस्थित होते

पुणे-कर्नाटक राज्यातील विविध स्थानिक स्वराज्य संस्थांमधील दहा महापालिका आयुक्त,१६ मुख्य कार्यकारी अधिकारी, ४ वरिष्ठ अभियंते, दोन पर्यावरण अधिकारी यांनी शैक्षणिक दौऱ्या अंतर्गत पुणे महापालिकेस भेट दिली.
कर्नाटक राज्यातील सिटी मॅनेजर्स असोसिएशन यांचे वतीने शैक्षणिक दौऱ्याचे आयोजन करणेत आले  होते.
पुणे महानगरपालिकेतील मा. आयुक्त कार्यालयात झालेल्या बैठकीप्रसंगी मा. अतिरिक्त महापालिका आयुक्त (वि) ओमप्रकाश बकोरिया यांनी अभ्यास दौऱ्यातील अधिकाऱ्यांचे स्वागत केले. तसेच मनपाच्या विविध प्रकल्पांविषयी माहिती दिली. याप्रसंगी प्रमुख अभियंता विवेक खरवडकर यांनी शहरातील विविध रस्ते, पूल, पथ विभागातील विविध प्रकल्पांविषयी माहिती दिली. अधिक्षक अभियंता व्ही.जी. कुलकर्णी यांनी पाणीपुरवठा, श्रीमती किशोरी गद्रे  व अरुण खिलारी यांनी घनकचरा व्यवस्थापन, राहूल जगताप यांनी ई-गव्हर्नन्सबाबत, उपायुक्त सुहास मापारी यांनी करआकारणी व करसंकलनाबाबत, श्रीमती उल्का कळसकर यांनी अंदाजपत्रकासंदर्भात माहिती दिली.
मनपाच्या विविध प्रकल्पांच्या भेटी अंतर्गत शिष्टमंडळाने वाडिया महाविद्यालया समोरील माता रमाबाई भिमराव आंबेडकर उद्यानास भेट दिली. बांधा वापरा व हस्तांतरित करा या तत्वावर विकसित करण्यात आलेल्या या उद्यानांची पहाणी करीत असता येथील अधिकारी अजय घाटगे यांनी सविस्तर माहिती दिली.
सहकारनगर येथील भारतरत्न राजीव गांधी ई-लर्निंग स्कूल येथील भेटी प्रसंगी मुख्याध्यापक अरुण कामठे व योगिता पाटील यांनी येथील विविध उपक्रमांची माहिती दिली.
यशवंतराव चव्हाण उद्यान येथील चित्रमहर्षी दादासाहेब फाळके ‘‘फोर-डी”तसेच सेव्हन वंडर्स व कै. वसंतराव बागूल उद्यानातील भारतरत्न पंडित भिमसेन जोशी कलादालन व नाला उद्यानाची पाहणी केली.
रामटेकडी औद्योगिक वसाहतीमधील रोकेम प्रकल्पास (वेस्ट टू एनर्जी) भेट दिली असता येथील व्यवस्थापक योगेश देशपांडे व अविनाश गावडे यांनी सविस्तर माहिती दिली.
वरील  प्रकल्पांची पाहणी करित असताना अभ्यास दौèयातील अधिकाऱ्यांनी सविस्तर चर्चा करुन माहिती घेतली. तसेच सर्व प्रकल्पांची प्रशंसा केली.
अभ्यास दौèया अंतर्गत कर्नाटक राज्यातील सागर, झमखांडी, श्रीरंगपटण, qसधूर, इलकल, निप्पानी, बसव कल्याण, राणी बेन्नुर, गोकाक, कोप्पाल या स्थानिक स्वराज्य संस्थांचे आयुक्त तसेच महाqलगपुरा, अथनी, वाडी, उल्लाळ, इंडी, अन्नीगेरी, के.आर.पेट, आळंद, सौदंसी, qचचोळी, सुल्लिया, कोप्पा, हिरेकेरुर, देवानहळ्ळी, हलिएल, मधुगिरी, रॉबर्ट सोनपेट, या स्थानिक स्वराज्य संस्थांचे अधिकारी व सिटी मॅनेजर्स असोसिएशन कर्नाटक या संस्थेतील अधिकारी यांचा अभ्यासदौऱ्यात सहभाग होता.

पुणे महानगरपालिकेच्या धनकवडी महा.सहा.आयुक्त कार्यालयाच्या वतीने घनकचरा व्यवस्थापनाबाबत सेवा व मार्गदर्शन कचरा प्रक्रिया मेळाव्या अंतर्गत घनकचरा व्यवस्थापना विषयी ओला कचरा जिरविणेबाबत प्रदर्शनाचे आयोजन श्री.छत्रपती मंगल कार्यालय, श्री सद्गुरु शंकर महाराज चौक, धनकवडी, पुणे-४११०४ याठिकाणी दिनांक २३/०८/२०१५ व दि.२४/०८/२०१५ रोजी सकाळी १०.०० ते सायं.६.०० या वेळेत आयोजित केलेले आहे.
कचरा निर्मूलन, खतनिर्मिती, गांडुळखत प्रकल्प, कचरा विलगीकरण, बायोगॅस, कचèयातून वीजनिर्मिती अशा विविध उपाययोजनांबाबत विविध कंपन्या, संस्था सहभागी होणार असुन सदरचे प्रदर्शन नागरिकांना विनामुल्य खुले आहे. आपल्या परिसरातील कचरानिर्मूलनास व शहर स्वच्छतेच्या कामी या प्रदर्शनातील माहिती व उपायांचा लाभ होणार असुन सदर प्रदर्शनास नागरिकांनी अवश्य भेट दयावी असे पुणे महापालिका प्रशासनाचे वतीने आवाहन करण्यात येत आहे.