पुणे : शासनाची ध्येयधोरणे, कार्यक्रम, योजना जनतेपर्यंत पोहोचवून सकारात्मक प्रतिमा निर्माण करण्याचे महत्त्वाचे काम आपले आहे, ही बाब लक्षात घेवून सक्षमपणे काम करावे, अशी सूचना माहिती व जनसंपर्क महासंचालनालयाचे संचालक (माहिती) (प्रशासन) देवेंद्र भुजबळ यांनी केली.

संचालक श्री. भुजबळ यांनी येथील विभागीय माहिती कार्यालय व जिल्हा माहिती कार्यालय यांना शुक्रवारी अचानक भेट दिली. याप्रसंगी कर्मचाऱ्यांशी संवाद साधताना ते बोलत होते. उपसंचालक (माहिती) यशवंत भंडारे, जिल्हा माहिती अधिकारी रविंद्र राऊत, सहायक संचालक (माहिती) गो.धों. जगधने यांच्यासह कार्यालयातील कर्मचारी उपस्थित होते.

माध्यम स्पर्धेच्या कालखंडात माहिती विभागाला अधिक सक्षम व गतीने काम करण्याची आवश्यकता नमुद करून श्री. भुजबळ म्हणाले, संचालनालयातील प्रत्येक घटक अत्यंत महत्त्वाचा असून टीमवर्कने काम करून एक सर्वोत्तम प्रतिमा निर्माण करण्याचे काम करा.

याप्रसंगी श्री. भुजबळ यांनी सर्व कर्मचाऱ्यांशी संवाद साधून त्यांच्या अडीअडचणी जाणून घेतल्या. कार्यालयाचे नुतनीकरण, स्वच्छता व कार्यालयातील संसाधनांची गरज याचाही त्यांनी आढावा घेवून महत्वपूर्ण सूचना केल्या. या भेटीत त्यांनी कार्यालयाची पाहणी केली. त्यानंतर त्यांनी जिल्हा माहिती कार्यालय व माहिती केंद्रासही भेट दिली. प्रारंभी श्री. भंडारे यांनी त्यांचे पुष्पगुच्छ देवून स्वागत केले

बँक ऑफ चायनाच्या शिष्टमंडळाला मुख्यमंत्र्याचे आश्वासन

मुंबई : देशाची आर्थिक राजधानी असलेल्या मुंबईमध्ये बँक ऑफ चायनाची पहिली भारतीय शाखा सुरू झाल्यास भारत आणि चीन या देशांचे आर्थिक आणि औद्योगिक संबंध वृद्धिंगत होतील. त्यामुळे बँकेच्या स्थापनेसाठी सर्वतोपरी सहकार्य करण्यात येईल, असे आश्वासन मुख्यमंत्री देवेंद्र फडणवीस यांनी बँक ऑफ चायनाच्या शिष्टमंडळाला दिले.

बँक ऑफ चायना ही चीनमधील अग्रेसर बँक आहे. या बँकेच्या पर्यवेक्षकीय बोर्डचे संचालक ली जून यांच्या अध्यक्षतेखालील शिष्टमंडळाने सह्याद्री अतिथीगृह येथे मुख्यमंत्र्याची भेट घेतली. यावेळी मुख्यमंत्र्याचे प्रधान सचिव प्रवीण परदेशी, राजशिष्टाचार विभागाचे अतिरिक्त मुख्य सचिव सुमित मलिक आणि रिझर्व बँक ऑफ इंडियाचे वरिष्ठ अधिकारी उपस्थित होते. याप्रसंगी बँक ऑफ चायनाच्या शिष्टमंडळाने मुख्यमंत्र्यांना चीन भेटीचे निमंत्रणही दिले.

मेक इन महाराष्ट्र अंतर्गत राज्यातील गुंतवणूक वाढीसाठी मुख्यमंत्र्यांनी शिष्टमंडळासह नुकताच चीनचा दौरा केला होता. या दौऱ्यादरम्यान झालेल्या चर्चेनुसार बँक ऑफ चायना ही मुंबईमध्ये आपली शाखा सुरू करीत आहे. मुंबईसह राज्यात विविध चिनी उद्योग समुहांनी गुंतवणूक करण्यास सुरूवात केली आहे. या पार्श्वभूमीवर बँकेच्या राज्यातील शाखेमुळे भारत-चीन आर्थिक संबंधांना अधिक चालना मिळणार आहे.

पुणे- आज पुणे फेस्टिव्हल चे शानदार उद्घाटन झाल्यानंतर जॅकी श्रॉफ,प्रेम चोप्रा , अजय अतुल आदी मान्यवरांना पुरस्काराने सन्मानित करण्यात आले

पुणे फेस्टिव्हल जीवन गौरव पुरस्कार अभिनेते शशी कपूर आणि प्रेम चोप्रा यांना तर  पुणे फेस्टिव्हल पुरस्कार जॅकी श्रॉफ , अजय अतुल ,आणि दो उमा नटराजन यांनाप्रदान करण्यात आला . अभिनेत्री बिंदू हेमामालिनी यांचा यावेळी विशेष गौरव करण्यात आला

पालकमंत्री गिरीश बापट , मंत्री दिलीप कांबळे , उद्योगपती राहुल बजाज , माजी खासदार आणि पुणे फेस्टिव्हल चे अध्यक्ष सुरेश कलमाडी , माजी मंत्री हर्षवर्धन पाटील , अभिनेत्री पूनम धिल्लन , अभिनेता शेखर सुमन तसेच कृष्णप्रकाश गोयल ,डॉ. सतीश देसाई , कृष्णकांत कुदळे आदी मान्यवर यावेळी उपस्थित होते

पुणे- बॉलीवूड मधील स्टार कलाकारांची मांदियाळीत संगीत, नृत्य, नाट्य, कला, वादन, गायन, क्रीडा व संस्कृती यांचा

मनोहारी संगम असलेल्या २७ व्या पुणे फेस्टिवलचे शुक्रवारी पुण्याचे पालकमंत्री गिरीश बापट यांच्या हस्ते शानदार

उद्घाटन झाले. पुण्याच्या सांस्कृतिक क्षेत्रात पुणे फेस्टिवलचे मोठे योगदान आहे असे गौरोद्गार गिरीश बापट यांनी यावेळी

काढले.
२७ व्या पुणे फेस्टिवलचे उद्घाटन श्री गणेश कला क्रीडा रंगमंच येथे झाले त्यावेळी प्रमुख अतिथी म्हणून गिरीशबापट बोलत होते. पुणे फेस्टिवलचे अध्यक्ष सुरेश कलमाडी, समाजकल्याण राज्यमंत्री दिलीप कांबळे,जलसंधारण राज्यमंत्री विजय शिवतरे, माजी मंत्री हर्षवर्धन पाटील उद्योगपती राहुल बजाज, पुणे फेस्टिवलचेमुख्य संयोजक कृष्णकांत कुदळे,  उपमहापौर आबा बागुल, , महाराष्ट्र पर्यटन महामंडळाचे व्यवस्थापकीय संचालकपराग जैन नानुटीया, म्हैसूरचे महाराजा यदुवीर वडीयार, पुणे फेस्टिवलच्या पेट्रन हेमामालिनी व अभिनेत्री खासदारहेमा मालिनी, जेष्ठ अभिनेते प्रेम चोप्रा, अभिनेते जॅकी श्रॉफ, अनिल कपूर, शेखर  सुमन, कुणाल कपूर, अभिनेत्री बिंदू,अभिनेत्री पूनम धिल्लन, संगीतकार अजय-अतुल, डॉ उमा गणेश नटराजन, डेक्कन मुस्लीम इन्स्टिट्यूटच्या अबिदाइनामदार,महाराष्ट्र कॉस्मोपॉलिटिन एज्यूकेशन सोसायटीचे अध्यक्ष  पी. ए. इनामदार, पुणे फेस्टिवलचे उपाध्यक्ष सुभाषसणस, डॉ. सतीश देसाई  आदी यावेळी उपस्थित होते. या प्रसंगी महारष्ट्रातील दुष्काळाच्या पार्श्वभूमीवर दुष्काळ मदतनिधीला पुणे फेस्टिवलतर्फे पाच लाख रुपयांचा धनादेश सुरेश कलमाडी यांनी गिरीश बापट यांच्याकडे सुपूर्द केला.

जेष्ठ अभिनेते शशी कपूर आणि प्रेम चोप्रा यांना यंदाच्या पुणे फेस्टिवल जीवन गौरव पुरस्काराने सन्मानित करण्यातआले. शशी कपूर यांच्या वतीने त्यांचे पुत्र अभिनेते कुणाल कपूर यांनी हा पुरस्कार स्वीकारला. तसेच संगीतकार अजय-अतुल, डॉ. उमा गणेश नटराजन, अभिनेते जॅकी श्रॉफ, अभिनेत्री बिंदू, अभिनेत्री पूनम धिल्लन डॉ. उमा गणेश नटराजन’डेक्कन मुस्लीम इन्स्टिट्यूटच्या अध्यक्ष अबिदा इनामदार,यांना पुणे फेस्टिवल अॅवार्डने सन्मानित करण्यात आले. तरअभिनेत्री हेमा मालिनी यांचा विशेष सन्मान यावेळी करण्यात आला.पुणे फेस्टिवलच्या उद्घाटन सोहळ्याला तुकाराम दैठणकर यांच्या सनई वादनाने प्रारंभ झाला. मंचावरील श्री गणेशाचीआरती करण्यात आली.  नृत्यगुरु डॉ. सुचित्रा भिडे चाफेकर यांची संकल्पना, नृत्यांगना अरुंधती पटवर्धन यांचे नृत्यदिग्दर्शन आणि कालावर्धिनी संकुलाच्या शिष्यांनी गणेशवंदना सादर केली.त्यानंतर २७ वर्षांपैकी २५ वर्षे गणेश वंदना वविविध बॅले सदर करणाऱ्या अभिनेत्री हेमा मालिनी यांनी नाट्यविहार कालाकेंद्राच्या कलाकारांच्या समवेत नेत्रदीपकश्रीकृष्ण वंदना सादर केली. त्यानंतर कोरिओग्राफर निकिता मोघे दिग्दर्शित व  नेहा पेंडसे, सौरभ गोखले, दिपाली सय्यद,शर्वरी जमेनीस, रेशम टिपणीस, पुष्कर जोग या चित्रपट, नाट्य कलावंत यांच्यासह इंद्रधनुच्या ४० कलाकारांचा सहभागअसलेल्या महाराष्ट्र रांगडा व पंजाबी भांगडा या लावणी व भांगडा यांचा फ्युजन असलेल्या कार्यक्रमाने प्रेक्षकांनी रंगमंचडोक्यावर घेतले. त्यानंतर महाराष्ट्र मंडळाच्या १५ विद्यार्थ्यांनी योग आणि २५ विद्यार्थ्यांनी मल्लखांबाची नेत्रदीपकप्रात्यक्षिके सादर करून उपस्थित प्रेक्षकांची वाहवा मिळवली. कोरिओग्राफर तेजश्री आडीगे यांनी दिग्दर्शित केलेलाजयमल्हार आणि गोंधळ आदिशक्तीचा हा खंडोबा व आंबामातेचे जागरण करणारा कार्यक्रम सादर केला. त्यामध्येअभिनेता आदिनाथ, श्रुतिका मराठे , प्राजक्ता माळी आणि पुण्यकर उपाध्याय व इतर सहकारी कलाकारांनी सहभागघेतला. लोकमान्य टिळकांचे पात्र सादर करणारे श्री कुलकर्णी यांनी आपल्या सहकाऱ्यांसमवेत श्री गणेशाचे दर्शन घेतले.

गिरीश बापट म्हणाले, लोकमान्य टिळकांनी सुरु केलेला सार्वजनिक गणेशोत्सव स्वराज्यासाठी सुरु केला होता. आतासुराज्य होण्यासाठी पुणे फेस्टिवल सारख्या फेस्टिवलची आवश्यकता आहे. पुणे फेस्टिवल हा कार्यक्रम राजकीय नाही तरसांस्कृतिक आहे असे सांगून बापट म्हाणाले, राजकारणापलीकडे जावून अशाप्रकारच्या सांस्कृतिक कार्याकारामांना मदतकरणे क्रमप्राप्त आहे. अशा प्रकारच्या चांगल्या उपक्रमांना आपले नेहेमी सहकार्य राहील असे आश्वासनही त्यांनी दिले.पुणे फेस्टिवल जीवनगौरव पुरस्काराविषयी मनोगत व्यक्त करताना प्रेम चोप्रा म्हणाली, फेस्टिवलमध्ये सादर झालेल्याविविध कार्यक्रमांमधून आंतरराष्ट्रीय स्तरावरचे टॅलेंट बघायला मिळाले. पुरस्कार मिळाल्याने अतिशय आनंद झाला आहे.आपले नाव आपणच सांगा असे प्रेम चोप्रा यांना सांगण्यात आले. त्यांच्या संवाद फेकीच्या विशिष्ट शैलीत त्यांनी ‘प्रेम नामहै मेरा.. प्रेम चोप्रा’ असे वाक्य उच्चारताच प्रेक्षकांनी शिट्या वाजवून रंगमंच दणाणून सोडला.

जॅकी श्रॉफ यांनीही त्यांच्या नेहेमीच्या शैलीत प्रेक्षकांशी संवाद साधला. पुण्यात आल्यानंतर अजुनही जुन्या मित्रांकडेजातो. वडापाव, मेतकुट भात खातो असे सांगत आपल्याला जमिनीवरच राहायला आवडते असे सांगितले.संगीतकार अजय म्हणाले, पुणे फेस्टिवल सुरु झाला तेंव्हा आम्ही पुण्याच्या बाहेर होतो. पुणे फेस्तीवलबद्दल खूप ऐकलेहोते. त्यामध्ये सहभागी होण्याची खूप इच्छा होती. कधीही संगीत शिकलो नाही. सिनेमे बघून बघून त्यातून शिकत गेलो.ज्या लोकांकडून प्रोत्साहन  मिळाले त्यांच्यामध्ये बसण्याचा मान मिळेल असे कधीही वाटले नव्हते. अतुल यांनी खासआग्रहास्तव ‘देवा तुझ्या दारी आलो’…. हे गीत सादर केले.हेमा मालिनी म्हणाल्या, पुण्याच्या नागरिकांनी साथ दिली त्यामुळे पुणे फेस्टिवल २७ वर्षे सुरु आहे. फेस्टिवलमध्येमोठमोठ्या बॉलीवूडच्या कलाकारांना बोलावून त्यांना सन्मानित केले. अनेक कलाकारांनी या फेस्टिवल मध्ये सांस्कृतिककार्यक्रम केले. हा फेस्टिवल आम्ही असू वा नसो तो सुरु राहिला पाहिजे अशी अपेक्षा त्यांनी व्यक्त केली.सुरेश कलमाडी आपल्या स्वागतपर भाषणात बोलताना म्हणाले, एखादा फेस्टिवल सुरु करणे खूप सोपे असते मात्र तोसातत्याने सुरु ठेवणे ही अवघड बाब आहे. पुणे फेस्टिवलची ओळख ‘मदर ऑफ आॅल फेस्टिवल अशी झाली आहे. पुणे हाराजकीय नाही तर सांस्कृतिक मंच आहे असे त्यांनी नमूद केले. पुण्यामध्ये मेट्रो लवकरच सुरु होईल त्याचे श्रेय गिरीशबापट यांना जाते मात्र त्यासाठी आम्ही खूप अगोदर प्रयत्न केले. त्याला बापटांनी धक्का दिला असे ते म्हणाले.अभिनेते अनिल कपूर, शेखर  सुमन, हर्षवर्धन पाटील यांनीही आपली मनोगते व्यक्त केली.

पिंपरी प्रतिनिधी-
पिंपरी महापालिकेतील शिवसेनेच्या नगरसेवकांनी आपल्या एक महिन्याच्या मानधनासह १ लाख रुपयाची मदत शिवसेना पक्षप्रमुख उद्धव ठाकरे यांच्या दुष्काळग्रस्तांसाठीच्या निधीसाठी पक्षाचे संपर्कप्रमुख डॅा.अमोल कोल्हे यांच्याकडे चेकद्वारे सुपुर्द केली
आकुर्डी शिवसेना भवन येथे झालेल्या या कार्यक्रमास खासदार श्रीरंग बारणे ,शहरप्रमुख राहुल कलाटे ,महापालिकेतील गटनेत्या सुलभा उबाळे ,शहर संघटक नंदकुमार सातुर्डेकर ,सल्लागार भगवान वाल्हेकर ,नगरसेवक निलेश बारणे ,संपत पवार ,संगीता भोंडवे ,विमल जगताप ,अश्विनी चिंचवडे ,संगीता पवार ,विधानसभा प्रमुख योगेश बाबर ,गजानन चिंचवडे ,उपशहरप्रमुख किसन तापकीर ,शाम लांडे ,विनायक रणसुभे ,संघटक गटप्रमुख बब्रुवान गुळवे ,समन्वयक रोमी संधु उपस्थित होते शिवसेना गटनेत्या सुलभा उबाळे यांनी २१हजार ,निलेश बारणे यांनी१०हजार तर इतर नगरसेवकांनी एक महिन्याचे मानधनाचे चेक सुपुर्द केले ।शिवसैनिक मारुती दाखले यांनीही खारीचा वाटा उचलला

पुणे -मुसळधार पावसामुळे मुंबई – पुणे एक्स्प्रेस वेवरील वाहतूक काही प्रमाणात विस्कळीत झाली असताना  जोरदार पावसामुळे लोणावळा कान्हेजवळ रूळाखालील १८ ते २०  मिटरपर्यंतची खडी वाहून गेल्याने पुणे-लोणावळा रेल्वे मार्ग विस्कळीत झाला आहे. यानंतर सुरक्षेचा उपाय म्हणून मुंबईकडून पुण्याकडे येणाऱ्या आणि पुण्याकडून मुंबईकडे जाणाऱ्या अनेक रेल्वे थांबवण्यात आल्या आहेत.या घटनेचा परिणाम लांब पल्ल्यांच्या गाड्यांवर होणार आहे. आणि प्रवाशांना हाल सोसावे लागणार आहेत .
दरम्यान, प्रशासनातर्फे वाहून गेलेल्या रेल्वे रूळावर खडी टकाण्याचे काम युद्ध पातळीवर सुरू करण्यात आले आहे. मात्र, पावसाचा जोर अधिक असल्याने या कामाला आणखी किती वेळ लागेल याबद्दल काही सांगता येणार नाही.तसेच थांबवण्यात आलेल्या रेल्वे कधी सोडण्यात येतील या बद्दल आता सांगणे शक्य नाही. अशी माहिती मध्य रेल्वेचे जनसंपर्क अधिकारी नितीन पाटील यांनी माध्यमांना दिली
शुक्रवारी सकाळपासून पुण्यासह सर्वत्रच मुसळधार पाऊस पडत असल्यामुळे पुणे-मुंबई द्रुतगती मार्गावरही पाणी आले आहे.आणि तेथील वाहतूकही मंदावली आहेछोटे नाले, ओढे दुथडी भरून वाहत आहेत. काही ठिकाणी छोटे पूलही पाण्याखाली गेले आहेत. लोणावळ्याच्या तुलनेत कामशेत, तळेगाव, देहूरोड या भागात पावसाचे प्रमाण जास्त असल्याचे दिसले. कान्हेफाटाजवळील स्मशानभूमीही पाण्याखाली गेली आहे.

शहर परिसराला पाणी पुरवठा करणाऱ्या चार ही धरणाच्या क्षेत्रात आज (शुक्रवार) सकाळी सहा सात वाजल्यापासून मुसळधार पाऊस पडत आहे. पानशेत धरण क्षेत्रात पाच तासात 66 मिलिमिटर पाऊस पडला आहे.
दरम्यान पाटबंधारे विभागाच्या वतीने दररोज सकाळी सहा वाजता धरणांचा आढावा घेतला जातो. यावेळी या धरण परिसरात शून्य अशी पावसाची नोंद झाली . परंतु त्यानंतर धरणांच्या पाणलोटात पाऊस सुरू झाला. खडकवासला येथे सकाळी 9 वाजेपर्यंत 20 मिमि पानशेत येथे 44 वरसगाव येथे 37 टेमघर येथे 27 मिमि पाऊस पडला.
दुपारी बारा वाजेपर्यंत  खडकवासला येथे 41, मिमि पानशेत येथे 66, वरसगाव येथे 64, टेमघर येथे 39 मिमि पाऊस पडला.

नाशिकमध्ये देखील  मुसळधार पाऊस सुरु आहे. त्यामुळे पिपलगावमध्ये पाणी शिरले आहे. मुसळधार पावसामुळे पाण्याच्या पातळीमध्ये वाढ होत आहे. त्यामुळे पोलिसांनी गोदा घाट रिकामा करण्याचे आवाहन भाविकांना केले आहे.

जय श्रीराम… गोविंद बोलो, हरी गोपाल बोलोचा…जयघोष

नाशिक : बारा वर्षांनी नाशिक-त्र्यंबकेश्वर येथे संपन्न होत असलेल्या सिंहस्थ महाकुंभ पर्वातील नाशिक येथील तिसऱ्या आणि शेवटच्या शाहीस्नानासाठी सकाळी ठिक 5.45 मिनिटांनी येथील लक्ष्मीनारायण मंदिरापासून ढोलताश्यांच्या गजरात, डीजेच्या तालावर गोविंद बोलो… हरी गोपाल बोलो… जय श्रीरामाच्या जयघोषात मुसळधार पावसाच्या साक्षीने शाही मिरवणुकीने प्रारंभ झाला.

या मिरवणुकीची सुरुवात निर्मोही आखाड्याने झाली. या आखाड्यात जवळपास 70 पेक्षा अधिक चित्ररथ सहभागी झाले होते. सर्व चित्ररथ हार, फुलांच्या तोरणांनी सजविण्यात आले होते. यावेळी परदेशी साधकही मोठ्या संख्येने सहभागी झाले होते.

शहरात सुरु असलेल्या पावसामुळे या मिरवणुकीच्यावेळी भाविकांची वर्दळ कमी असली तरी या शेवटच्या पर्वणीचे शाहीस्नान करण्यासाठी साधूसंतांमध्ये मोठा उत्साह दिसून येत होता. जसजसा पावसाचा जोर कमी झाला तसतशी साधूग्राममध्ये भाविकांची गर्दी वाढू लागली. शाही मिरवणुकीच्या मार्गावर दुतर्फा भाविक मोठ्या संख्येने गर्दी करु लागले. त्यानंतर 6.30 वाजता दिगंबर आखाड्याच्या मिरवणुकीस सुरुवात झाली.

या मिरवणुकीत अखिल भारतीय आखाडा परिषदेचे अध्यक्ष महंत श्री ग्यानदास महाराज हे आपल्या शिष्यांसह पायी सहभागी झाले होते. या मिरवणुकीत साधू, संत व स्थानिक भाविकांनी आपल्या विविध कला कसरती सादर करुन भाविकांच्या डोळ्याचे पारणे फेडले.

या महाकुंभ पर्वातील शेवटच्या शाहीस्नानासाठी तिसऱ्या क्रमांकावर असलेल्या निर्वाणी आखाड्याच्या मिरवणुकीस 7.15 वाजता सुरुवात झाली. या मिरवणुकीच्या अग्रभागी नाशिक शहराचे प्रथम नागरिक महापौर अशोक मुर्तडक हे भर पावसात सहभागी झाले होते. प्रत्येक आखाड्याच्या मिरवणुकीत मोठ्या संख्येने चित्ररथ सामील झाले होते.

दुसऱ्या पर्वणीच्यावेळी झालेली अफाट गर्दी लक्षात घेता पोलीस व प्रशासनातर्फे या पर्वणीच्यावेळी चोख बंदोबस्ताचे नियोजन केल्यामुळे कोणताही अनुचित प्रकार न घडता मिरवणूक सुरळीत व वेळेत पार पडण्यास मदत झाली.

मुंबई : भारतरत्न डॉ.एस.एम. सुब्बुलक्ष्मी यांच्या जन्मशताब्दी वर्षानिमित्त मुख्यमंत्री देवेंद्र फडणवीस यांच्या हस्ते टपाल लिफाफ्याचे प्रकाशन करण्यात आले.
श्री षण्मुखानंद चंद्रशेखर सरस्वती सभागृह, माटुंगा येथे झालेल्या कार्यक्रमात गृहनिर्माण मंत्री प्रकाश महेता, सभेचे अध्यक्ष डॉ.व्ही. शंकर, मुंबई सर्कलचे मुख्य पोस्ट मास्टर जनरल ए.के. दास, आमदार कॅप्टन तामीर सॅल्वन, पद्मभूषण पी.एस. नारायणस्वामी, सभेचे विश्वस्त आर.श्रीधर आदी उपस्थित होते.
भारतरत्न डॉ.एस.एम. सुब्बुलक्ष्मी या कर्नाटकी तसेच भारतीय संगीताकरिता प्रेरणादायी आहेत. त्यांचे जन्मशताब्दी वर्ष साजरे करणारे महाराष्ट्र हे पहिले राज्य आहे. संगीताद्वारे आत्मा प्रकाशमान करणारा आवाज त्यांचा होता. त्यामुळे भारतीय संगीत, संस्कृती, परंपरा जतन करण्याचे मत मुख्यमंत्री श्री.फडणवीस यांनी व्यक्त केले. मुख्यमंत्र्यांनी केलेल्या जपान दौऱ्यादरम्यानचे अनुभव यावेळी कथन केले.
यावेळी भारतरत्न एस.एम. सुब्बुलक्ष्मी शिष्यवृत्तीपात्र आर.के. रामकुमार यांना सोन्याची व्हायोलिन देऊन तर के.व्ही. प्रसाद यांना सोन्याचा तबला देऊन गौरविण्यात आले. त्याचप्रमाणे 50 नवोदित विद्यार्थ्यांनाही गौरविण्यात आले.