पुणे : “जीएसटी, जमीन सुधारणा अधिनियम अशा रचनात्मक सुधारणांना विलंब होत आहे, कृषी क्षेत्राला दुष्काळामुळे फटका बसल्यामुळे भारतीय अर्थव्यवस्थेवर परिणाम झालेला आहे. तरीही सांगितले जाते त्याप्रमाणे भारतात मंदी आलेली नाही, बांधकाम क्षेत्रात तर नाहीच नाही,” असे मत नियोजन आयोगाचे माजी सदस्य आणि प्रख्यात अर्थतज्ज्ञ डॉ. नरेंद्र जाधव यांनी व्यक्त केले.

क्रेडाई पुणे – मेट्रोची सर्वसाधारण सभा नुकतीच पुण्यामध्ये पार पडली.  यावेळी प्रमुख पाहुणे म्हणून बांधकाम क्षेत्राच्या संदर्भात वर्तमान आर्थिक परिस्थिती या विषयावर डॉ. जाधव बोलत होते. या सभेला क्रेडाई पुण्याचे व महाराष्ट्रातील एकूण ३५० सभासद उपस्थित होते. यावेळी डॉ. जाधव यांनी व्यक्त केलेल्या आशावादाला सर्व सभासदांनी दाद दिली.

२००८ साली अमेरिकेत सुरू झालेल्या आणि जगभर पसरलेल्या आर्थिक मंदीच्या परिणामांचा आढावा घेत डॉ. जाधव यांनी 2011 मधील युरोपमधील संकट, 2015 चे ग्रीस संकट, तेलाच्या उतरलेल्या दरांचा परिणाम, अमेरिकेच्या मध्यवर्ती बँकेनी घेतलेली अपारंपरिक भूमिका आणि चीनमधील चलनाचे अवमूल्यन यांची माहिती देत रिझर्व बँकेचे काही धोरणे व त्यामध्ये पाळण्यात येणारी कठोर शिस्त तसेच मूळतः ती धोरणे मजबूत असल्याने, या मंदीचा गंभीर परिणाम भारताच्या अर्थव्यवस्थेवर झाला नाही असे सांगितले.

भारतीय अर्थव्यवस्थेवरील आव्हानांबाबत बोलताना ते म्हणाले, की सरकारने, ‘वस्तू आणि सेवा करा’ची (जीएसटी) अंमलबजावणी केली पाहिजे. पायाभूत सुविधांच्या विकासाला लवकरात लवकर पुढे नेण्याची आवश्यकता आहे तसेच दुष्काळामुळे कृषी क्षेत्रावर परिणाम झाला आहे त्या साठी योग्य उपाय योजना करणे गरजेचे आहे .

“२००० ते २००८ पर्यंत भारताची ६ ते ८ टक्के इतकी दरवाढ होती त्यानंतर ती ९.३ टक्के इतकी झाली, अमेरिका व जपानप्रमाणे हा दर उणे संख्यांमध्ये गेला नाही. त्यामुळे बांधकाम क्षेत्रालादेखील याचा मोठा फटका बसलेला नाही,” असे डॉ. नरेंद्र जाधव म्हणाले.

“क्रूड ऑंईलचे दर अमेरिका व रशियामध्ये होत असलेल्या उत्पादनामुळे घसरत आहेत, १५० वरून ४५ डॉलरवर त्याची किमंत आली आहे. याचा फायदा भारत सरकारने घेतला पाहिजे. कमी दरात तेलाची आयात करून ते साठवून ठेवण्याची व्यवस्था भारताने केली पाहिजे.,” असेही ते यावेळी म्हणाले.

मुंबई : राष्ट्रपिता महात्मा गांधी व माजी पंतप्रधान लालबहादूर शास्त्री यांच्या जयंती निमित्त मुख्यमंत्री देवेंद्र फडणवीस यांनी मंत्रालयात झालेल्या कार्यक्रमात पुष्पहार अर्पण करून आदरांजली वाहिली.

यावेळी राज्याचे मुख्य सचिव स्वाधिन क्षत्रिय, अपर मुख्य सचिव पी.एस. मीना, माहिती व जनसंपर्क महासंचालनालयाचे महासंचालक चंद्रशेखर ओक आदींनीही पुष्पहार अर्पण करून आदरांजली वाहिली.

मुख्यमंत्र्यांनी केली दुर्मिळ ग्रंथांची पाहणी

मुंबई : ग्रंथ हेच आपले गुरू आहेत, ग्रंथांच्या वाचनानेच अनेकांचा विकास झाला. म्हणून एशियाटिक सोसायटीच्या ग्रंथालयातील हा दुर्मिळ ग्रंथांचा ठेवा अत्यंत महत्त्वाचा असून पुढील पिढीसाठी मार्गदर्शक ठरेल, अशी प्रतिक्रिया मुख्यमंत्री देवेंद्र फडणवीस यांनी व्यक्त केली.

मुंबईतील टाऊन हॉल येथील एशियाटिक सोसायटी ग्रंथालयाच्या वतीने महात्मा गांधी यांच्या जन्मदिनी दुर्मिळ ग्रंथांचे प्रदर्शन आयोजित केले आहे. या प्रदर्शनाची मुख्यमंत्री श्री. फडणवीस यांनी शुक्रवारी पाहणी केली. त्यावेळी ते बोलत होते. यावेळी एशियाटिक सोसायटीचे अध्यक्ष शरद काळे, उपाध्यक्ष संजीवनी खरे, डॉ. मंगला सरदेशपांडे, मुख्यमंत्र्यांचे प्रधान सचिव प्रवीणसिंह परदेशी यांच्यासह ग्रंथालयाचे अधिकारी, कर्मचारी उपस्थित होते.

यावेळी मुख्यमंत्री श्री. फडणवीस यांनी भारतरत्न काणे हॉलमधील 15 व्या शतकापासूनच्या पुस्तकांची माहिती घेऊन पाहणी केली. शिवाय दुर्मिळ ग्रंथ व पुस्तकांच्या डिजिटल स्कॅनिंगबाबत माहिती घेतली. त्यानंतर ग्रंथालयातील दरबार हॉल येथे इ.स. 1350 पासूनच्या काळातील हस्तलिखिते, पुस्तके, चित्रे, नक्षीकाम यांची सविस्तर माहिती घेतली. इ.स. 1350 मधील दांते यांनी कातड्यावर लिहिलेली इटालियन भाषेतील देवाविषयींची गाथा (Divine comedy), इ. स. 1516 मधील महाभारतासंबंधित हस्तलिखित अरण्यक पर्व, इ. स. 1851 मधील मुद्रा (The Sundhya Or The daily prayers of the Brahmins), इ.स. 1874 मधील कपड्यावरील नक्षीकामांची माहिती सोसायटीचे अध्यक्ष श्री. काळे यांनी मुख्यमंत्र्यांना दिली.

शिवसेना   पुणे कॅंटोन्मेंट विधानसभा मतदार संघाच्यावतीने नाना पेठ भागातील राजेवाडी येथे  “नखरा चकरा नखरा चकरा नखरा… शांताबाई!‘ या गाण्याचे गीतकार संजय लोंढे   गायकाचा  सन्मान करण्यात येऊन आर्थिक मदत देण्यात आली . यावेळी शिवसेना पुणे  शहर संघटक  अजय भोसले , डॉ अमोल देवळेकर , गजानन पंडित , जावेद खान , संजय मोरे , अभय वाघमारे आदी मान्यवर उपस्थित होते .

  या कार्यक्रमाचे संयोजन राजन अवघडे , राजेवाडी शाखा शिवसैनिक सचिन शिंदे यांनी केले होते . यावेळी गीतकार संजय लोंढे यांना त्याच्या कारकीर्दीस शुभेछा देण्यात आल्या .

४१ वी  इंडियन पॉवरलिफ्टिंग फेडेरेशन आयोजित केंद्रीय क्रीडा युवक संचालनालय व इंटरनेशनल एशियन पॉवरलिफ्टिंग फेडेरेशन आणि  इंडियन ओलम्पिक असोसिएशनमध्ये पुण्याच्या मझहर यासीन खान याने ” सिनियर नेशनल पॉवरलिफ्टिंग चेम्पशियनशिप ” जिंकली .

   मझहरने ९३५ किलो ग्रेमचा भार उचलला . ३६०किलो ग्रेममध्ये  स्क्वेड मारले , २४५ किलो ग्रेम बेंच प्रेस मारले , तर ३३० किलो ग्रेम डेड लिफ्ट मारले . रेलवे  स्पोर्ट्स प्रमोशन बोर्ड्स यांच्यावतीने मझहर खेळला . हि स्पर्धा उताराखंडमध्ये काशीपुर येथे पार पडल्या . रेल्वेच्या मझहर खानने ९३५ किलोचा भार उचलून जबरदस्त उत्साह दाखविला . इंडियन रेल्वे स्पोर्ट्स प्रमोशन बोर्डाचे प्रक्शिशक (अर्जुन पुरस्कार विजेते ) संजीवन भास्करन यांचे मार्गदर्शन लाभले .

मझहर खान हा पुणे रेल्वे स्थानकात विद्युत विभागात वरिष्ठ अभियंता म्हणून कार्यरत आहेत .

पुणे- शासकीय  अंबर दिवा आणि  पोलीस स्टीकर असलेल्या स्विफ्ट कारमधून गोव्याची दारू पुण्यात आणली जात असल्याचा प्रकार उघडकीस आला आहे .

महेश रंगनाथ पायगुडे (वय ३४ रा. देशमुखवाडी , शिवणे , पुणे ) तसेच सोहन बुद्धी शहा (वय ३० ) संतोष जयसिंग विश्वकर्मा (वय २३ रा. उत्तमनगर ,पुणे ) या तिघांना याप्रकरणी अटक करण्यात आली आहे . एम एच १२ जी एफ ७६०० या क्रमांकाची स्विफ्ट मोटार , आणि दीड लाखाचे गोवा राज्य निर्मित मद्य राज्य उत्पादन शुल्क विभागाने जप्त केले आहे . शिवण्यातील हॉटेल संस्कृती येथे हे मद्य आणून विकले जात . उप आयुक्त सुनील चव्हाण , अधीक्षक मोहन वरदे , निरीक्षक एस आर पाटील, पी बी सास्तूरकर ,दुय्यम निरीक्षक एस एस गोगावले आर पी शेवाळे आदींच्या पथकाने हि कारवाई केली