हॉटेल उदयोगातील एक मानांकित हॉटेलची संखला असलेल्या व्हिट्स लक्झरी हॉटेल द्वारा पुण्यात ‘द क्लब ऑर्चीड’चे अनावरण करण्यात आले. ११ एकर परिसरात पसरलेल्या हा क्लब फक्त सभासदांसाठीच उपलब्ध असणार आहे. हा एक उच्च दर्जाचा क्लब असून या ठिकाणी फ्यूजन प्रिमीयम, आरोग्य,  आहार, साहसी खेळ, यांची मेजवानी अनुभवता येईल. या ठिकाणी आलेल्या पाहुण्यांना स्नूकर/ पुल, व्यायामशाळा, जलतरण तलाव, स्पा, टेबल टेनिस, कॅरम, बुद्धीबळ आणि अन्य गेमिंग मशिनचा अनुभव घेता येईल. 

पुणे-

भारतीय जनता पार्टी ओ बी सी आघाडी पुणे शहर आणि भारतीय जनता पार्टी  पुणे कॅनटोन्मेन्ट बोर्ड विभागाच्यावतीने राष्ट्रवादी कॉंग्रेस पार्टी प्रवक्ते नवाब मलिक यांनी बेताल वक्तव्य केल्याचा आरोप करून  पुणे लष्कर भागात भोपळे चौकात त्यांच्या विरोधात निदर्शने करण्यात आली  .  भारतीय जनता पार्टी ओ बी सी आघाडी पुणे शहर  अध्यक्ष मनिषभाऊ साळुंके यांच्या नेतृत्वाखाली हे आंदोलन करण्यात आले . यावेळी पुणे कॅनटोन्मेन्ट बोर्ड नगरसेवक दिलीप गिरमकर , नगरसेवक अतुल गायकवाड , जयप्रकाश पुरोहित , संतोष इंदुरकर , सतीश गायकवाड , सुखदेव अडागळे , नितीन राख , संजय व्हावळ , राजू जारखंडे, दीपक शिंदे , सुहास गायकवाड ,किरण क्षीरसागर , अशोक खंडागळे , विश्वास घोलप , संदीप जांभळे , दिनेश नायकु , किशोर शिंगवी ,महेद्र भोज , दीपक कुराडे , अमित वोरा , प्रवीण जाधव , ईश्वर कांकलिया , मामा शिवले , गणेश यादव , प्रसाद कांबळे , समीर शेख , राहुल सोनवणे, सुखदेव वाघमारे , तुषार मंत्री , संतोष कांबळे  आदी मान्यवर सहभागी झाले होते .

  यावेळी  भारतीय जनता पार्टी ओ बी सी आघाडी पुणे शहर  अध्यक्ष मनिष साळुंके यांनी सांगितले कि , राष्ट्रवादी कॉंग्रेस पार्टी प्रवक्ते नवाब मलिक यांनी बेताल वक्तव्य केल्याबद्दल त्यांचा जाहीर निषेध करण्यात आला . बिनबुडाचे आरोप करू नका , अन्यथा रस्त्यावर फिरू देणार नाही , तोंडाला काळे फासण्यात येईल असा इशारा त्यांनी दिला . यावेळी अन्य मान्यवरांनी निषेधात्मक भाषणे केली . या आंदोलनाचा समारोप सुखदेव अडागळे यांच्या भाषणाने झाला .

पुणे-पुण्याचे आताचे मावळते महापौर दत्ता धनकवडे आणि त्यांच्याच राष्ट्रवादी पक्षाचे नगरसेवक विशाल तांबे  यांच्यातील राजकीय खेचाखेची अखेर चव्हाट्यावर आली असून यातून संताप – नैराश्य आलेल्या विशाल तांबे यांनी आज नगरसेवक पदाचाच राजीनामा दिला . दक्षिण पुण्याला राष्ट्रवादीने महापालिकेतील अनेक महत्वाची पदे देवूनही  राष्ट्रवादीच्या तथकथित नेत्यांमधील रस्सीखेच थांबलेली नाही . महापौर , सभागृह नेता , स्थायी समिती अध्यक्ष अशी महापालिकेतील पदे , आणि युवक अध्यक्ष असे पक्षातील पद राष्ट्रवादीने दक्षिण पुण्याच्या वाटेला टाकून हि हा वाद पराकोटीला गेला आहे . चैतन्य नगरच्या भूखंडावरून हा वाद उफाळला आहे .

न्यायालयीन लढाई जिंकून मिळविलेल्या भूखंडावर उद्यान उभारण्यासाठी दिलेला प्रस्ताव महापौर आणि सभागृहनेता जाणीवपूर्वक पुढे ढकलत असल्याचा आरोप करत राष्ट्रवादी कॉंग्रेसचे धनकवडी येथील नगरसेवक विशाल तांबे यांनी आज नगरसेवकपदाचा राजीनामा पक्षाध्यक्ष शरद पवार यांच्याकडे पाठविला . केवळ बांधकाम व्यावसायीकाच्या फायद्यासाठी हा प्रस्ताव मंजूर करण्यास टाळाटाळ केली जात असून धनकवडी आणि चैतन्यनगर येथील नागरिकांसाठी प्रसंगी रस्त्यावर उतरून याठिकाणी उद्यान उभारण्यासाठी प्रयत्न करेन, असेही तांबे यांनी राजीनाम्यामध्ये नमूद केल्याने राष्ट्रवादी कॉंग्रेसमध्ये खळबळ उडाली आहे. मात्र हा बांधकाम व्यावसायिक कोण हे मात्र समजू शकलेले नाही
या राजीनाम्याची प्रत पक्षाचे विधीमंडळातील नेते अजित पवार, खासदार सुप्रिया सुळे, पक्षाच्या शहरअध्यक्षा खासदार ऍड. वंदना चव्हाण यांनाही पाठविल्याची माहिती सूत्रांनी दिली. माहिती अशी की धनकवडी येथील चैतन्यनगर येथील सुमारे एक एकरचा भूखंड उदयानासाठी आरक्षित करण्यासाठीची प्रक्रिया येत्या ९० दिवसांत पूर्ण करा, असा आदेश उच्च न्यायालयाने महापालिकेला दिला आहे. त्यामुळे येत्या ११ दिवसांत या प्रस्तावाला मंजुरी दिल्यास धनकवडीमध्ये उद्यान साकारणार आहेे. परंतू या ठिकाणी इमारत बांधण्यास एक बांधकाम व्यावसायीक प्रयत्नशील आहे. या पार्श्‍वभूमीवर स्थानीक नगरसेवक विशाल तांबे यांनी याठिकाणी उद्यान उभारणीस मान्यता देण्यात यावी यासाठीचा प्रस्ताव नोव्हेंबर महिन्याच्या सर्वसाधारण सभेच्या कार्यपत्रिकेवर ठेवला आहे. परंतू १९ नोव्हेंबरची सभा ३० नोव्हेंबरपर्यंत तहकूब करण्यात आली.
३० नोव्हेंबरला सभेमध्ये या प्रस्तावाला मान्यता मिळेल अशी अपेक्षा व्यक्त करण्यात येत होती. विशेष म्हणजे ३० तारखेला सकाळी ११ वाजल्यापासून ८ सभांचे कामकाज झाले. नेमके नोव्हेंबर महिन्याची कार्यपत्रिका अंतिम होती. आजच या प्रस्तावाला मान्यता मिळाल्यास उद्यान निर्मितीचा मार्ग खुला होईल, ही बाब तांबे यांनी महापौर दत्तात्रय धनकवडे आणि सभागृहनेते बंडू केमसे यांच्या निदर्शनास आणून दिली. परंतू उपमहापौर आबा बागुल यांनी मधेच कोरमचा मुद्दा उपस्थित केला. तांबे यांनी त्यांना वस्तुस्थिती समजावून सांगितल्यानंतर बागुल यांनी कोरमची मागणी मागे घेतली. मात्र, महापौर आणि सभागृहनेत्यांनी कोरम नसल्याने सभा तहकुब केली. यामुळे प्रस्ताव आणखी १७ दिवस पुढे ढकलला गेला आणि नागरिकांचे उद्यानाचे स्वप्न अधिकच अंधुक झाले.
. या जागेवर उद्यान व्हावे यासाठी चैतन्यनगर येथील नागरिकांनी याठिकाणी उद्यानाचे आरक्षण व्हावे यासाठी न्यायालयात याचिका दाखल केली होती. तांबे यांनी यासाठी सातत्याने ८ वर्षे पाठपुरावा केला. न्यायालयाने याचिकेवर सुनावणी घेउन ९० दिवसांत याठिकाणी उद्यानाचे आरक्षण टाकण्याची प्रक्रिया पुर्ण करावी, असे आदेश महापालिकेला दिले आहेत. परंतू महापौर धनकवडे आणि सभागृहनेते बंडू केमसे यांनी जाणीवपूर्वक सर्वसाधारण सभेत हा प्रस्ताव प्रलंबीत राहील यासाठी प्रयत्न करून नागरिकांना उद्यानापासून वंचित ठेवले. केवळ या जागेवर डोळा असलेल्या बांधकाम व्यावसायीकासाठीच हा प्रयत्न करण्यात आला असून मला नगरसेवक पदापेक्षा नागरिकांचे हित महत्वाचे वाटत आहे. त्यामुळे मी नगरसेवक पदाचा राजीनामा देत आहे. पक्षाचा कार्यकर्ता म्हणून मी कार्यरत राहाणार असून नागरिकांच्या उद्यानाच्या मागणीसाठी त्यांच्या खांद्याला खांदा लावून हा लढा सुरूच ठेवणार, असे तांबे यांनी राजीनामा पत्रात नमुद केले आहे.

महावितरणची विशेष मोहिमेतील कारवाई

पुणे, दि. 03 : महावितरणच्या मुळशी विभागअंतर्गत वीजमीटरच्या विशेष तपासणी मोहिमेत 89 ठिकाणी 3 लाख 46 हजार युनिटची म्हणजे 29 लाख 91 हजार रुपयांची वीजचोरी आढळून आली आहे.

मुळशी विभाग अंतर्गत हडपसर ग्रामीण, उरुळीकांचन, लोणी काळभोर, कुंजिरवाडी, वाघोली, लोणीकंद, इनामदारवस्ती, मांजरी आदी परिसरातील 351 घरगुती व वाणिज्यिक ग्राहकांच्या वीजमीटरची मंगळवारी (दि. 1) तपासणी करण्यात आली. यासाठी 72 अभियंता, जनमित्र यांची 13 पथके तयार करण्यात आली होती.

वीजमीटरच्या तपासणीत हडपसर ग्रामीण उपविभागात 53 ठिकाणी 12 लाख 91 हजार रुपयांची तर उरुळीकांचन उपविभागात 36 ठिकाणी 17 लाख रुपयांची वीजचोरी उघडकीस आली आहे. या सर्व वीजचोरीप्रकरणी संबंधीतांविरुद्ध भारतीय विद्युत कायदा 2003 नुसार कलम 135 अन्वये कारवाई करण्यात येत आहे.

पुणे परिमंडलाचे मुख्य अभियंता श्री. रामराव मुंडे यांच्या नेतृत्वात पुणे ग्रामीण मंडलचे अधीक्षक अभियंता श्री. सुनील पावडे, मुळशी विभागाचे कार्यकारी अभियंता श्री. राजेंद्ग पवार, उपकार्यकारी अभियंता श्री. कल्याण गिरी, श्री. राजेंद्ग भुजबळ यांच्यासह अभियंते व जनमित्र यांनी वीजचोरीविरोधी मोहिम राबविली.

पुणे, दि. 02 : नगररोड विभाग अंतर्गत वीजमीटरच्या विशेष तपासणी मोहिमेत 16 ठिकाणी 2 लाख 32 हजार रुपयांची वीजचोरी तर 5 ठिकाणी 1 लाख 97 हजार रुपयांच्या विजेचा अनधिकृत वापर आढळून आला.

नगररोड विभाग अंतर्गत नुकतीच वीजमीटरची विशेष तपासणी मोहीम झाली. यात नगररोड उपविभागात 11 ठिकाणी 1 लाख 20 हजार रुपयांची वीजचोरी आढळून आली. वडगाव शेरी उपविभागात 2 ठिकाणी 3 हजारांची वीजचोरी तर 3 ठिकाणी 1 लाख 74 हजार रुपयांच्या विजेचा अनधिकृत वापर दिसून आला. विश्रांतवाडी उपविभागात 3 ठिकाणी 82 हजारांची वीजचोरी तर 2 ठिकाणी 23 हजार रुपयांच्या विजेचा अनधिकृत वापर आढळून आला. वीजचोरी प्रकरणी कलम 135 अन्वये तर अनधिकृत वीजवापर प्रकरणी कलम 126 अन्वये कारवाई करण्यात येत आहे.

——————————————————————-

वीजग्राहक दिनात 25 तक्रारी दाखल

पुणे, दि. 02 : महावितरणच्या दरमहा वीजग्राहक तक्रार निवारण दिनाच्या उपक्रमात बुधवारी (दि. 2) पुणे परिमंडलातील विभागीय कार्यालयांत प्राप्त झालेल्या एकूण 25 पैकी 08 तक्रारी तत्काळ निकाली काढण्यात आल्या. उर्वरित 17 तक्रारींच्या निवारणासाठी संबंधित उपविभाग कार्यालयांकडून कार्यवाही सुरु करण्यात आली आहे. दर महिन्याच्या पहिल्या बुधवारी सर्व विभाग कार्यालयांत ग्राहक तक्रार निवारण दिन आयोजित करण्यात येत आहे.

पुणे महानगरपालिका व इन्स्टिट्यूट ऑफ इलेकिट्रकल अ‍ॅण्ड इलेक्ट्रॉनिक इंजिनिअर्स, पुणे यांच्यामध्ये आज

पुणे महानगरपालिका आयुक्त कार्यालयात सामंजस्य करार संपन्न झाला.

सामंजस्य कारावर पुणे महानगरपालिकेच्या वतीने मा. महानगरपालिका आयुक्त कुणाल कुमार यांनी तसेच

आय ई ई ई, पुणे संस्थेच्या सचिव मा. डॉ. सुरेखा देशमुख व संस्थेचे माजी उपाध्यक्ष प्राध्यापक जी.एस. मनी यांनी

या संदर्भात मा. डॉ. सुरेखा देशमुख व प्राध्यापक जी.एस. मनी यांनी सांगितले की, स्मार्ट सिटीच्या

अनुषंगाने पुणे शहरामध्ये वापरल्या जाणाèया विविध प्रकल्पातील नवनवीन तंत्रज्ञानाच्या बाबीमधील दर्जा व

मानांकनानुसार पडताळणी करणे व आवश्यकतेप्रमाणे सुचना करणे.

नवनवीन तंत्रज्ञानाचा वापर करणाèया अभियंते व अधिकाèयांना नवतंत्रज्ञानाचे प्रशिक्षण व माहिती

देण्याबाबत सहकार्य केले जाईल.

स्मार्ट सिटी संदर्भातील विविध विषयाबाबत कार्यशाळा व विविध कार्यक्रमांचे आयोजन केले जाईल असे

जागतिक स्तरावर अशा प्रकारची निवड होण्याकरिता भारतातील व जगातील इतर मोठ्या प्रमाणावर विविध

शहरांनी प्रयत्न केले होते. तथापि या निवड स्पर्धेत जागतिक स्तरावर सदर संस्थेनी पुणे शहराची निवड केली आहे.

अमेरिका स्थित असलेल्या जागतिक पातळीवरील आय ई ई ई या संस्थेनी पुणे शहराची निवड त्यांच्या

स्मार्ट सिटी अंतर्गत प्रकल्पामध्ये एक संलग्न शहर म्हणून पुणे शहराची निवड केलेली असून पुणेकर नागरिकांसाठी

ही अत्यंत अभिमानाची बाब असल्याचे महापालिका आयुक्त कुणाल कुमार यांनी या प्रसंगी सांगितले.

त्यामुळे स्थानिक स्तरावर कार्यरत असलेली आय ई ई ई पुणे या संस्थेनी पुणे महानगरपालिकेशी

भवितव्यात कार्यरत राहण्यासाठी आज सांमजस्य करारावर सह्या केल्या आहेत.

आय ई ई ई पुणे या संस्थेचे स्थानिक स्तरावरील सुमारे १५०० पेक्षा जास्त सदस्य कार्यरत आहेत व एकूण

२२ विद्यार्थी शाखा आणि ६ विशेष तंत्रशाखा कार्यरत आहेत.

मागील वर्षी या स्थानिक स्तरावरील संस्थेची जागतिक पातळीवर अत्यंत सकारात्मक दृष्ट्या कार्यरत

असलेल्या पुरस्काराने सन्मानित करण्यात आलेले आहे.

अनधिकृत बांधकामावर कारवाई

पुणे शहरातील जास्त रहदारी असलेले नो हॉकर्स म्हणून घोषित केलेल्या ४५ मुख्य रस्त्यांवरील तसेच

जास्त वर्दख व रहदारी असलेल्या १५३ चौकांमधील रस्ता पदपथावरील सर्व प्रकारची अतिक्रमणे व या र स्त्यांचे व

चौकाचे लगत असलेल्या खाजगी मिळकतीमधील व्यावसायिकांची अतिक्रमणे, अनधिकृत बांधकाम इ. व सर्व संबंधित

विभागामार्फत संयुक्त कारवाई बांधकाम विभागामार्फत चालू करण्यात आली असून या मोहिमे अंतर्गत कारवाई करुन

स्टॉल १, हातगाडी ७३, पथारी ६३, नादुरुस्त वाहने ८, इतर ३६ अशा एकूण १८१ अनधिकृत व्यवसायधारकांवर कारवाई

करुन रस्ता, पदपथ अतिक्रमण मुक्त करण्यात आलेले आहेत.