पुणे, दि. 06 : महावितरणच्या त्रिसुत्री एकदिवसीय कार्यक्रमात राजगुरुनगर विभागातील दोन ग्रामपंचायतींमध्ये वीजयंत्रणेच्या दुरुस्ती व वीजसेवेची विविध 572 कामे गुरुवारी (दि. 3) पूर्ण करण्यात आली. यात ‘महावितरण आपल्या दारी’मध्ये 80 ठिकाणी नवीन वीजजोडणी देण्यात आली.

वाडा (राजगुरुनगर) व सदुंबरे (तळेगाव) या ग्रामपंचायतींमध्ये त्रिसुत्री एकदिवसीय कार्यक्रम राबविण्यात आला. विशेष म्हणजे यातील सदुंबरे (ता. मावळ) हे केंद्ग सरकारच्या संसद आदर्श ग्राम योजनेतील गाव आहे. सदुंबरे येथील पाणीपुरवठा योजनेला योग्य दाबाने वीजपुरवठा व्हावा यासाठी 100 केव्हीए क्षमतेच्या रोहित्राची क्षमता दुप्पट करून ती 200 केव्हीए करण्यात आली. या त्रिसुत्री कार्यक्रमातून पाणीपुरवठा योजनेच्या कमी दाबाच्या वीजपुरवठ्याचा प्रश्न निकाली निघाला आहे.

सदुंबरे व वाडा या या दोन्ही ग्रामपंचायतीमध्ये 119 ठिकाणी वीजयंत्रणेची विविध दुरुस्ती कामे करण्यात आली. यात वाकलेले वीजखांब सरळ करणे, डिस्ट्रीब्यूशन बॉक्स व किटकॅट बदलणे, रोहित्र देखभाल, नवीन वीजखांब, तारांमधील झोल काढणे, वीजखांबाला रंगकाम, स्पेसर्स बसविणे, झाडाच्या फांद्या तोडणे आदी कामांचा समावेश आहे. वीजसेवेमध्ये वीजदेयकांची दुरुस्ती, रिडींग घेणे, मीटर बदलणे आदी 373 कामे करण्यात आली तर 80 ठिकाणी नवीन वीजजोडणी देण्यात आली आहे.

मुख्य अभियंता श्री. रामराव मुंडे, अधीक्षक अभियंता श्री. सुनील पावडे यांनी सदुंबरे ग्रामपंचायतीला भेट देऊन तेथील त्रिसुत्री कार्यक्रमाच्या अंमलबजावणीची पाहणी केली. सदुंबरे ग्रामपंचायत कार्यालयात आयोजित कार्यक्रमात महावितरणच्या ‘त्रिसुत्री’ कार्यक्रमाबाबत माहिती देण्यात आली. यावेळी सरपंच सौ. संगिता भांगे, तालुका वीज समन्वयक समितीचे सदस्य श्री. नितीन गाडे उपस्थित होते. एकाच दिवसात वीजयंत्रणेची दुरुस्ती, वीजसेवेविषयक तक्रारींचा गावातच निपटारा व नवीन वीजजोडणीची प्रक्रिया झाल्याने ग्रामस्थांनी त्रिसुत्री कार्यक्रमाचे स्वागत करून समाधान व्यक्त केले. राजगुरुनगर विभागाचे कार्यकारी अभियंता श्री. मनीष ठाकरे यांच्यासह 67 अभियंते व कर्मचारी त्रिसुत्री अभियानात सहभागी झाले होते.

पुणे, : सरकार पुरस्कृत डोमेस्टिक इफिशियंट लायटिंग प्रोग्राम () अंतर्गत घरगुती ग्राहकांना वितरीत होणारे बल्ब प्रत्येकी 100 रुपयांत उपलब्ध आहे. त्यापेक्षा चढ्या दराने या बल्बची विक्री होत असल्यास एनर्जी एफिशियंसी सर्व्हीसेस लिमिटेडच्या (ईईएसएल) अधिकार्‍यांना माहिती देण्यात यावी असे आवाहन महावितरणने केले आहे.

सरकारच्या ईईएसएल या कंपनीकडून पुणे शहर व काही ग्रामीण भागात महावितरणच्या घरगुती वीजग्राहकांना एलईडी बल्ब वितरणाचे काम सुरु झाले आहे. एलईडीच्या एका बल्बची किंमत 100 रुपये असताना राजगुरुनगर येथे एका ठिकाणी चढ्या दराने बल्बची विक्री होत असल्याचा प्रकार महावितरणच्या कर्मचार्‍याच्या निदर्शनास आला आहे. याबाबत ईईएसएल कंपनीला महावितरणने माहिती दिली असून नियमानुसार कारवाई करण्यास सांगितले आहे. वीजग्राहकांनी प्रत्येकी 100 रुपये दरानेच एलईडी बल्बची खरेदी करावी व त्यापेक्षा अधिक किंमतीत विक्री होत असल्यास त्याची माहिती ईईएसएलचे प्रादेशिक व्यवस्थापक श्री. दीपक कोकाटे (मोबा. 9867978106), श्री. सचिन शर्मा (मोबा. 8450913582) किंवा ईईएसएलच्या 7841929103 किंवा 9657884191 या कॉल सेंटरच्या क्रमांकावर माहिती देण्यात यावी, असे आवाहन मुख्य अभियंता श्री. रामराव मुंडे यांनी केले आहे.

या योजनेतून प्रत्येक घरगुती वीजग्राहकाला प्रत्येकी 7 वॅटचे एकूण 10 एलईडी बल्ब वितरीत करण्यात येणार आहे. 100 रुपयांचा एक बल्ब असे एकूण 10 बल्ब रोक्ष्ख रक्कमेतून एकाच वेळी खरेदी करता येईल. यात हप्त्यांची योजना असून वीजग्राहकांना 10 पैकी जास्तीत जास्त 4 एलईडी बल्ब हे प्रत्येकी 10 रुपये अ‍ॅडव्हॉन्स भरून खरेदी करता येईल व या 4 बल्बची उर्वरित रक्कम 10 हप्त्यांत वीजदेयकातून भरावी लागणार आहे. या बल्बची तीन वर्षांची वारंटी असून वारंटी पिरेडमध्ये नादुरुस्त झालेला बल्ब बदलून मिळणार आहे. एलईडी बल्बची खरेदी केल्यानंतर त्याची वीजग्राहकांनी पावती घ्यावी, असे आवाहन करण्यात आले आहे.

पुणे : शंभरहून अधिक परदेशी स्पर्धकांसह देशभरातील २० हजारांहून अधिक धावपटूंच्या सळसळत्या उत्साहात आणि सकाळच्या अल्हाददायक वातावरणात पार पडलेल्या ३०व्या पुणे आंतरराष्ट्रीय मॅरेथॉनमध्ये इथिओपिया व केनियाच्या धावपटूंनी समिश्र यश मिळविले. पुरूष पूर्ण मॅरेथॉनमध्ये (४२ कि. मी.) इथिओपियाच्या बेलाय अबॅडोयो याने केनियन प्रतिस्पध्र्याला धोबिपछाड देत प्रथम क्रमांक पटकाविला. गतविजेत्या मैयो मैडीला अवघ्या दशांश सेंकदाने मागे पडल्यामुळे उपविजेतेपदावर समाधान मानावे लागले. महिला अर्धमॅरेथॉनमध्ये यावेळीही केनियाच्या डोरकास किथोमे हिने बाजी मारलंी तर पुरूषांच्या अर्धमॅरेथॉनमध्ये डॅनिएल मुटेटी याने सलग दुसNयांदा विजेतेपदावर आपले नाव कोरले. यंदा प्रथमच नव्या मार्गावर धावलेली ही शर्यत विनाअडथळा पार पडली व धावपटूंनीही या नव्या मार्गाचे कौतुक केले.

पुणे, : भोसरी एमआयडीसीमधील शिरभाते इंडस्ट्रीजमध्ये 79,396 युनिटची म्हणजे 10 लाख 39 हजार 60 रुपयांची वीजचोरी महावितरणने उघडकीस आणली आहे. या प्रकरणी सहा जणांविरुद्ध गुन्हा दाखल झाला आहे.

याबाबत माहिती अशी, की भोसरी एमआयडीसीमध्ये प्लॉट क्र. 232, सेक्टर 7 मधील मेसर्स शिरभाते इंडस्ट्रीजमधील वीजवापराबाबत संशय निर्माण झाल्याने महावितरणच्या अभियंत्यांनी वीजमीटरच्या यंत्रणेची तपासणी केली. प्राथमिक तपासणीत फेरफार केल्याचे दिसून आल्यानंतर वीजमीटर व सीटी यंत्रणा (करंट ट्रान्सफार्मर) पंचनामा करून जप्त करण्यात आले. त्यानंतर पुढील तपासणीत वीजमीटर व सीटी यंत्रणेत वीजचोरीसाठी हेतूपुरस्सर तांत्रिक फेरफार केल्याचे आढळून आले. यात 79,396 युनिटची म्हणजे 10 लाख 39 हजार 60 रुपयांची वीजचोरी झाल्याचे निदर्शनात आले.

मेसर्स शिरभाते इंडस्ट्रीजमधील वीजचोरी उघडकीस आणण्यासाठी मुख्य अभियंता श्री. रामराव मुंडे यांच्या नेतृत्वात अधीक्षक अभियंता श्री. महेंद्ग दिवाकर, श्री. रमेश मलामे, कार्यकारी अभियंता श्री. धर्मराज पेठकर, श्री. प्रवीण नाईक, अतिरिक्त कार्यकारी अभियंता श्री. प्रदीप गिरी, उपकार्यकारी अभियंता श्री. एस. एस. हातोळकर, सहाय्यक अभियंता रमेश सुळ, शितल बोथे, तंत्रज्ञ कृष्णा गायकवाड, विष्णू भूजबळ योगदान दिले.

या वीजचोरीप्रकरणी मेसर्स शिरभाते इंडस्ट्रीजच्या जागेचे मालक सुनील येडे, वीजवापरकर्ते जाकीर शेख, शशिकांत प्रकाश निकम, इरफान शेख, फुलचंद रामदुलार विश्वकर्मा आदी सहा जणांविरुद्ध बुधवारी (दि. 2) रास्तापेठ (पुणे) येथील महावितरण पोलीस ठाण्यात भारतीय विद्युत कायदा 2003 नुसार कलम 135, 138 अन्वये गुन्हा दाखल झाला आहे.