पुणे : संस्कार नाही मिळाले तर माणसातील माणुसकी संपेल. माणुसकी जपण्यासाठी संस्कार जपणे आवश्यक आहे. रक्षाबंधन सारख्या कार्यक्रमातून असे संस्कार आपण कायमच जतन करत असतो. त्यामुळे एकत्रित येऊन  सण उत्सव साजरे केले पाहिजेत. असे प्रतिपादन पालकमंत्री गिरीश बापट यांनी केले. कसबा मतदार संघात आज सफाई कामगारांसोबत रक्षाबंधन कार्यक्रम साजरा करण्यात आला यावेळी ते बोलत होते.

यावेळी वैशाली नाईक, अश्विनी पवार, आशा शिंदे, सुनिता भागवत, निर्मला कदम, मदिना तांबोळी, अशोक  येनपुरे,नगरसेवक राजेश येनपुरे, महेश लडकत, योगेश समेळ, हेमंत रासने, सुलोचना कोंढरे सम्राट थोरात, अजय खेडेकर यांच्यासह मान्यवर उपस्थित होते.

श्री बापट म्हणाले, सफाई कामगार हे परिसर स्वच्छ करण्याचे काम करत असतात. त्यांच्याविषयी आदर असलाच पाहिजे. मात्र समाजाची अजूनही अशी मानसिकता दिसून येत नाही. ही मानसिकता बदलली पाहिजे. स्वच्छता ही सर्वांसाठी गरजेची आहे. त्यामुळे त्यांच्या सोबत सर्वांनी मिळून हे काम केल पाहिजे. तरच आपल्याला उत्तम आरोग्य लाभेल.

हिंदू संस्कृतीमध्ये  साजऱ्या होणाऱ्या सन उत्सवा पाठीमागे एक तत्वज्ञान आहे. म्हणूनच इतर देशांच्या पेक्षा आपली संस्कृती वेगळी आहे. या संस्कृतीचे पावित्र्य  टिकवण्यासाठी हे सण आपण साजरे करत असतो. आज  महिलांना सर्व क्षेत्रात समान  संधी उपलब्ध झाली आहे. तरीही त्यांना प्रोत्साहन देणे आवश्यक असते. हे प्रोत्साहन देउन त्यांच्या प्रयत्नांना आणखी बळ देण्यासाठी भाजप सरकार कायमच प्रयत्नशील असते. महिलांच्या प्रगतीसाठी सरकारने अनेक योजना आणल्या आहेत. यामुळे महिलांचा आत्मविश्वास वाढला आहे. याच आत्मविश्वासाच्या जोरावर महिला अनेक क्षेत्रात उत्तुंग कामगिरी करतील असा विश्वास हि त्यांनी यावेळी व्यक्त केला.

प्रास्तविक वैशाली नाईक यांनी केले. ओवाळणी म्हणून आपला परिसर स्वत:  स्वच्छ ठेवण्यासाठी सफाई कामगारांसोबत काम करणार असल्याचे त्यांनी प्रास्तविकात सांगितले.  आभार क्रांती ठाकूर यांनी मानले.

पुणे-रक्षाबंधनानिमित्त रणरागिणी महिला बहुउद्देशीय संस्था व शेतकरी महिला संघटना यांच्या संयुक्त विद्यमाने मुंढवा आणि घोरपडी पोलिस ठाण्यामध्ये पोलिस बांधवाना महिलांनी राख्या बांधल्या . या कार्यक्रमाचे संयोजन रणरागिणी महिला बहुउद्देशीय संस्थेच्या अध्यक्षा अल्पना देशमुख व शेतकरी महिला संघटनेच्या अध्यक्षा नंदा जाधव यांनी केले होते . या कार्यक्रमास आशा पाटील , कर्लिन अँथोनी , सुरेखा चितारे , सारिका साळवी , रोमिला पवार , लता गायकवाड , मनिषा चव्हाण , दीपा नलावडे , सपना जाधव व नितीन साळवी आदी उपस्थित होते .

पुणे–

रक्षाबंधनानिमित्त पुणे रॉयल ग्रुप व लीलाबाई कपूरचंदजी राठोड चॅरिटेबल ट्रस्टच्यावतीने पुणे शहरामधील विविध सामाजिक संस्थांना नॅपकिन्स ,  सतरंज्या ,  राख्या व मिठाई भेट देण्यात आली  . शहरामध्ये अनेक सामाजिक संस्थामध्ये जीवनावश्यक वस्तूंची आवश्यकता होती त्यानिमित्त रक्षाबंधन सणाचे औचित्यसाधून हि मदत करण्यात आली अशी माहिती पुणे रॉयल ग्रुपचे संस्थापक नितीन जैन यांनी दिली .

यावेळी विमल संघवी , नितीन जैन , संतोष राठोड , तुषांत  राठोड , हिराचंद राठोड ,  महावीर पारेख , संतोष परमार , राजू नाणेचा , हितेश जैन , नरेंद्र ओसवाल , जीवन शहा , कल्पेश जैन , सुनिल जैन , बाळा ओसवाल आदी मान्यवर उपस्थित होते .

यावेळी विमल संघवी यांनी सांगितले कि, आजच्या पवित्र रक्षाबंधन या सणानिमित्त पुणे शहरामधील सामाजिक संस्थांना जीवनावश्यक वस्तू देण्यासाठी आम्ही सर्व एकत्र आलेलो आहोत , जेणे करून हा सणाचा आनंद सर्वाना मिळावा . आणि आम्हा सर्वांचे पुण्य एकत्र बांधले जावे . पुणे रॉयल ग्रुपची स्थापना आजच्या जगात एकमेकांना शहरामधील विविध भागातील १०७ परिवारास एकत्र करून स्थापना करण्यात आली . या माध्यमातून स्नेहसंमेलन, समाज उपयोगी कार्यक्रम घेतले जातात .

–       सुमारे ५ हजार शेतकऱ्यांचे उत्पन्न दुपट्टीने वाढण्यास होणार मदत

–       कृषी व्यवसाय प्रोत्साहन सुविधा कक्षाची सल्लागार संस्था ग्रांट थोर्नटन यांच्या पुढाकाराने सामंजस्य करार

पुणे: राज्य कृषि व पणन विभागाच्या महाराष्ट्र स्पर्धाक्षम कृषी विकास प्रकल्पांतर्गत (एमएसीपी) तयार झालेल्या १२ शेतकरी उत्पादक कंपन्यांनी मका उत्पादनासाठी सी.पी. सीडस(थायलंड) या मका प्रक्रिया करणाऱ्या खाजगी कंपनीशी सामंजस्य सहकार्य करार केला. एमएसीपीच्या कृषी व्यवसाय प्रोत्साहन सुविधा कक्षाची सल्लागार संस्था ग्रांट थोर्नटन यांच्या पुढाकाराने हा सामंजस्य करार करण्यात आला.

हुतात्मा राजगुरुंना राजगुरुनगरमध्ये नमन !

पुणे :

भीमा नदीच्या उगमापासून (भीमाशंकर) ते विजापूर अशी ‘नमामि चंद्रभागा- जल साक्षरता यात्रेस प्रारंभ झाला. दिनांक ७ ते १४ ऑगस्ट २०१७ या कालावधीत काढण्यात आलेल्या यात्रेदरम्यान हुतात्मा राजगुरू यांना राजगुरूनगर येथे नमन करण्यात आले. उगमस्थानी पूजा करुन यात्रेला आशीर्वाद घेतला. तसेच भीमाशंकर जंगलातील झाडांना राख्या बांधण्यात आल्या.

जल बिरादरीचे अध्यक्ष डॉ. राजेंद सिह म्हणाले, ‘माझ्या आणि वित्तमंत्री सुधीर मुनगंटीवार यांच्या चर्चेतून जलसाक्षरता केंदाची कल्पना पुढे आली. आणि ती पूर्ण झाली. ‘

भीमाशंकर येथे डॉ. राजेंद्रसिंह यांनी उपस्थितांना सह्याद्री पर्वत हिरवागार ठेवण्याची, भीमा नदी स्वच्छ ठेवण्याची शपथ दिली. तहसिलदार सुनील जोशी, वनाधिकारी स्वाती जमदाडे, नरेंद चुघ, जलबिरादरीचे राज्य संघटक सुनील जोशी, संजय यादवराव, ‘जलबिरादरी’चे पुणे शहर व जिल्हाध्यक्ष  विनोद बोधनकर, सुहास पटवर्धन उपस्थित होते. ‘नमामी चंद्रभागा ‘ पुस्तिकाचे प्रकाशन यावेळी करण्यात आले.

पुणे- कंपनीच्या सामाजिक बांधिलकी उपक्रमाच्या माध्यमातून मांदेडे ता. मुळशी सारख्या ग्रामीण भागाचा विकास करणेसाठी पुण्याच्या शंतनुराव लक्ष्मणराव किर्लोस्कर (एस एल के ) ग्लोबल सोल्युशन्स कंपनीने कर्वे समाज सेवा संस्थेच्या मदतीने सुरुवात केली असून या प्रकल्पांतर्गत विविध उपक्रमांचे व प्रकल्पाचे उद्घाटन एस एल के चे मुख्य कार्यकारी अधिकारी गोपाल अमीन व कर्वे समाज सेवा संस्थेचे सचिव शिवकुमार यांच्या हस्ते करण्यात आले.

एस एल के च्या सी एस. आर विभागाचे प्रमुख इंदू शेखर मानव संसाधन विभागाचे उपाध्यक्ष ऋषी अगरवाल तसेच  कर्वे समाज सेवा संस्थेचे संचालक डॉ दीपक वलोकर व सी एस. आर विभागाचे मानद संचालक प्रा. महेश ठाकूर यांच्या हस्ते प्रकल्प कार्यालय उद्घाटन व प्राथमिक शाळेतील ई लर्निंग उपक्रमाची सुरुवात करण्यात आली

मांदेडे गावच्या महिला व सर्व ग्रामस्थांचा विविध उपक्रमांच्या माध्यमातून शैक्षणिक व आर्थिक दर्जा उंचावण्यासाठी एस एल के सदैव तत्पर असून गावातील मुलभूत सोयी-सुविधा व पिण्याच्या पाण्याच्या समस्येवर आपण आघाडीने काम करणार असल्याचे गोपाल अमीन यांनी सांगितले.

मांदेडे गावच्या नागरिकांच्या विकासासाठी एस एल के कंपनी  व कर्वे समाज सेवा संस्था आधुनिक शेती, पशुधन व पारंपारिक उद्योग व्यवसायांसह इतर जीवनोपयोगी आधारित उत्पन्नाच्या कौशल्यावर भर देणार असून नागरिकांनी या सुविधांचा पुरेपूर लाभ घेण्याचे आवाहन कर्वे समाज सेवा संस्थेचे संचालक डॉ दीपक वालोकर यांनी केले.

प्रकल्प संचालक प्रा. महेश ठाकूर म्हणाले, प्रकल्प राबविनेसाठी आपण सर्वतोपरी प्रयत्न करणार असून ग्रामस्थांच्या सहभाग व मदतीने गावचा कायापालट होईल यात शंका नाही.

यावेळी इंदू शेखर, एम. शिवकुमार, गुरदीप सिंघ, इवान झाइसन, दीप्ती कांबळे , जि.प.सदस्य सागर काटकर, माजी मुळशी प. स. सभापती खंदारे आदीं प्रमुख उपस्थितांनी आपली मनोगते व्यक्त करून प्रकल्पास शुभेच्छा दिल्या.

पाहुण्यांचे स्वागत सरपंच कु अरुणा वीर व उपसरपंच संजय वीर यांनी केले. प्रास्ताविक प्रकल्प समन्वयक सागर लवटे यांनी केले.

कार्यक्रमाचे यशस्वितेसाठी प्रा. महेश ठाकूर, चयन पारधी, राजू घाडगे, तपस्या शेलार, शिक्षा मिश्रा, प्रा. चेतन दिवान, दीप्ती कांबळे, अरुणा वीर, मदन वीर, शंकर वीर, ग्रामसेवक वाकळे आदींनी परिश्रम घेतले.

पुणे- कॅम्प भागातील बौध्द धम्म सेवा संघाच्यावतीने सुप्रिया बौध्द विहारात पुणे शहराचे उपमहापौर डॉ. सिध्दार्थ धेंडे व पुणे महापालिकेचे मुख्य अभियंता प्रशांत वाघमारे यांना भगवान गौतम बुध्दांची प्रतिमा देउन उज्वला मोरे यांच्याहस्ते सन्मानित करण्यात आले .

यावेळी प्रमुख उपस्थितीमध्ये मधुकर कांबळे , सुधाकर कांबळे , वसंत म्हस्के , सुनिल भोसले , असित गांगुर्डे , प्रल्हाद जाधव , अरुण गायकवाड , दीपक कांबळे , सुशीला भोसले , जगन्नाथ कांबळे , सतीश सोनवणे आदी मान्यवर उपस्थित होते .

यावेळी पुणे शहराचे उपमहापौर डॉ. सिध्दार्थ धेंडे यांनी सांगितले कि , बौध्द धर्म हा अडीच वर्षांपासून धर्म असून विज्ञानिक आणि सत्यावर आधारित आहे .दुःखाचे निवारण कसे करावे , दुःखावर मात कशी करावी हे या बौध्द धर्मातून कळते . कर्मकांड विरहित असा बौध्द धर्म मानवतेची आपणास शिकवण देतो . चांगल्या पध्दतीने जगण्याचा शिकवण देतो . म्हणून डॉ. बाबासाहेब आंबेडकर यांनी या बौध्द धर्माचा स्वीकार केला .